Números 19:11 - DIOSPA QHELQACHISQ

¹¹ Pillapis ima ayatapis llankhajqa qanchis p'unchayta mana llimphupaj qhawasqa kanqa.

Qheshwa Biblia DC

¹¹ Pillapis ima ayatapis llankhajqa, qanchis p'unchayta ch'ichipaj qhawasqa kanqa.

DIOSPA QHELQACHISQAN DEUTEROCANONICAL

¹¹ Pillapis ima ayatapis llankhajqa qanchis p'unchayta mana llimphupaj qhawasqa kanqa.

Números 19:11 Referans Kwoze

Números 5:2

Israelitakunata kamachiy tukuy llejti onqoyniyojkunata, q'eyata jisp'ajkunata chantá wañusqata llankhajkunata ima jaramanta jawaman orqhonankuta.

Números 31:19

Pikunachus qankunamanta runata wañucherqankichej, chayrí wañusqata llankharqankichej, chaykunaqa jaramanta jawapi qanchis p'unchayta qhepakunkichej. Kinsa kaj p'unchaypi, qanchis kaj p'unchaypiwan qankuna, chantá jap'ispa apamusqaykichej runakuna ima llimphuchakunaykichej tiyan Diospa ñawpaqenpi llimphu kanaykichejpaj.

Levítico 21:1

Tata Dios Moiseswan parlaspa, nillarqataj: Aaronpa mirayninmanta sacerdotekunata niy: Ama pipis ayata llankharisqaykichejrayku mana llimphupaj qhawasqa kankichejchu.

Números 19:16

Pillapis campopi runaj wañuchisqan ayata, chayrí wañunanpi wañojpa ayanta llankhaj, chayrí runa tulluta, chayrí aya p'ampanatapis llankhajqa, qanchis p'unchayta mana llimphupaj qhawasqa kanqa.

Números 9:10

Israelitakunata ajinata ninki: Ichapis qankunamanta pillapis, chayrí mirayniykichejmanta mayqellanpis runaj ayanta llankhanman, chayrí karupi kashanman, chayrí ñan puriypi kashanman. Ajina kashaspapis, Pascua raymita noqaj sutiypi ruwayta atillanqanku.

Números 9:6

Chaywanpis wakin israelitakuna wañusqata llankhasqankurayku mana llimphupaj qhawasqa kasharqanku. Chayrayku paykunaqa chay p'unchaypi mana Pascuata ruwayta aterqankuchu. Jinaqa Moiseswan, chantá Aaronwan ima parlaj rerqanku.

Levítico 21:11

Nillataj maypichus aya kashan, chayman yaykonqachu. Nitaj tatanpata, mamanpata ayanta llankharispa ch'ichichakonqachu.

Hebreos 9:14

Cristorí wiñaypaj kawsaj Santo Espiritunejta Diosman mana iman imanasqa uywa jina pay kikin jaywaykukorqa. Ajinaqa Cristoj yawarnin may jinatarajchus sonqonchejta millay ruwasqanchejmanta llimphuchawasunchej, kawsaj Diospa munayninta ruwananchejpaj.

Efesios 2:1

Ñawpajta qankuna millayta ruwasqaykichejrayku, jinataj juchallisqaykichejrayku Diospaj wañusqapis kawajchej jina karqankichej.

2 Corintios 6:17

Chayrayku Dios nillantaj: Paykunaj chawpinkumanta llojsiychej, t'aqakuychejtaj. Ama ch'ichipaj qhawasqa kajta llankhaychejchu, noqataj qankunata jap'ikapusqaykichej.

Romanos 5:12

Maypachachus Adán juchallerqa, chaypacha jucha kay pachaman yaykumorqa. Adanpa juchallisqantaj wañuyta rikhuricherqa. Ajinamanta tukuy wañunanchej tiyan, tukuy juchallisqanchejrayku.

Hageo 2:13

Chantá Diosmanta sut'inchaj Hageo ujtawan tapullarqataj: Nisunman, sichus mayqen runapis ayata llankhasqanrayku mana llimphupaj qhawasqa kaspa, chay mikhuykunata llankhanman chayqa, chay mikhuykuna ch'ichipaj qhawasqachu kanman? nispa. Sacerdotekunataj kuticherqanku: Arí, ch'ichipaj qhawasqa kanman, nispa.

Lamentaciones 4:14

Paykunaqa tukuy ñankunata ñawsakuna jina chankaykacharqanku. P'achankupis yawar pukalla kasqanrayku, mana pipis llankhariyta munarqachu.

Levítico 11:31

Chay animalkunata qankunaqa ch'ichipaj qhawankichej. Pillapis chay animalkunamanta wañusqata llankhajqa ch'isiyaykuykama mana llimphupaj qhawasqa kanqa.

Hechos 21:26

Iglesiaj kurajninkunaj nisqankuta kasuspa, Pabloqa chay tawa runakunawan khuska q'ayantin llimphuchakorqa Diospa ñawpaqenpi allinpaj qhawasqa kananpaj. Chaypacha Temploj pationman yaykuspa, tukuypa uyarinanta willarqa mayk'ajchus llimphuchakunanku tukukunanta. Chay qhepatataj uywa ñak'asqata Diosman q'olachispa jaywananku karqa sapa ujninkumanta.

Hechos 21:27

Qanchis p'unchay junt'akunan kashajtin, Asiamanta wakin judiokunaqa Temploj pationpi Pablota rikuspa, tukuy runata ch'ajwacherqanku, Pablotataj jap'erqanku.

Levítico 5:2

Sichus pillapis mana reparakuspa, ch'ichipaj qhawasqa wañusqa animalta llankhanman, wasi uywata, chayrí pampata qhatatakuspa purej animalta chayqa, chay runa mana llimphupaj qhawasqa kanqa, juchayojtaj.

Números 6:6

Tata Diospaj t'aqasqa kanankamaqa, manallataj wañusqaj ayanmanpis qayllananchu tiyan.

Isaías 52:11

Ayllúy, Babiloniamanta llojsimuychej. Llojsimushaspataj, ama ch'ichipaj qhawasqa kajta llankhaychejchu. Babiloniaj chawpinmanta llojsimuspa llimphuchakuychej, Tata Diosta yupaychanapaj imakunata apajkuna.

Levítico 22:4

Sichus Aaronpa mirayninmanta mayqen qharillapis llejtiwan onqosqa kashaspa, chayrí phichilunmanta q'eya surumunman chayqa, llimphupaj qhawasqa kananpaj llimphuchakunankama Diospaj t'aqasqa mikhunamanta mana mikhuyta atenqachu. Pichus ayarayku ch'ichipaj qhawasqa imakunata llankhaj, chayrí pichus mujun llojsirparejta llankhaj,

Ezequiel 39:12

Israelitakunataj jallp'ankuta llimphuchanankurayku, qanchis killa junt'ata wañusqakunata p'ampanqanku.

Ezequiel 44:26

Ayata llankhaspaqa, llimphuchakunanku tiyan, chaymantapis qanchis p'unchaytawanraj suyanqanku.