Números 18:8 - DIOSPA QHELQACHISQ

⁸ Tata Dios Aaronwan parlaspa, nillarqataj: Qanta churayki israelitakuna apamuwasqanku jaywanata qhawanaykipaj. Qanwan, churiykikunawan ima sacerdote kanaykichejpaj ajllasqa kankichej. Chayrayku israelitakuna t'aqaspa noqaman jaywawasqankumanta qanman, churiykikunamanwan ima qoykichej. Kay kamachisqaqa wiñaypaj kanqa.

Qheshwa Biblia DC

⁸ Señorqa Aaronman nerqa: Qan qhawanki israelitas ofrendata apamuwasqankuta. Ima laya ofrendatatachus israelitas qowasqankuta, qanman, wawasniykimanwan qoykichej imastachus ruwasqaykichejman jina. Kayqa unaypaj kanqa sapa kuti ruwanaykichejpaj.

DIOSPA QHELQACHISQAN DEUTEROCANONICAL

⁸ Tata Dios Aaronwan parlaspa, nillarqataj: Qanta churayki israelitakuna apamuwasqanku jaywanata qhawanaykipaj. Qanwan, churiykikunawan ima sacerdote kanaykichejpaj ajllasqa kankichej. Chayrayku israelitakuna t'aqaspa noqaman jaywawasqankumanta qanman, churiykikunamanwan ima qoykichej. Kay kamachisqaqa wiñaypaj kanqa.

Números 18:8 Referans Kwoze

Levítico 6:16

16 (9) Ch'aki mikhuy jaywanamanta puchojtataj Aaronwan, churinkunawan ima mikhonqanku, Dioswan Tinkukuna Toldoj pationpi, Diospaj T'aqasqa Cheqapi.

Levítico 7:6

Chantá jucharayku jaywasqa uywamantaqa Diospaj T'aqasqa Cheqapi tukuy sacerdotekuna mikhuyta atenqanku, imaraykuchus chayqa Diospaj t'aqasqamin.

Levítico 6:18

18 (11) Qhepanejman, wiñaypaj Aaronpa mirayninmanta tukuy qhareqa q'olachispa Tata Diosman jaywanamanta mikhuyta atenqanku. Kayqa wiñaypaj kamachisqay kanqa. Tukuy imachus Diosman jaywanaman chayajqa Tata Diospaj t'aqasqa kanqa, nispa.

Éxodo 40:15

Jinaspataj, sacerdoteykuna kanankupaj aceitewan paykunata jawinki, imaynatachus tatankuta jawerqanki, ajinata. Aceitewan jawisqaykirayku paykuna, jinataj mirayninkuna wiñay wiñaynintinpaj sacerdoteykuna kanqanku, nispa.

Éxodo 40:13

Chantá Aaronta sumaj ruwasqa p'achawan p'achallichinki, aceitewantaj jawispa, sacerdotey kananpaj payta t'aqanki.

Éxodo 29:29

Aarón wañupusqanmanta qhepaman, sacerdote jina churakunan p'achakunaqa churinkunapaj kanqa. Paykuna chay p'achata churakonqanku, aceitewan jawisqa, chantá sacerdote t'aqasqa kanankupaj.

1 Juan 2:27

Qankunamanrí Diosqa Santo Espirituta qosorqachej, paytaj qankunapi tiyakushan. Chayrayku mana pejpa yachachinanrajchu kanaykichej tiyan, manachayqa Santo Espíritu tukuy imata yachachisunkichej. Paypa yachachisqanqa cheqanmin, manataj llullachu. Chayrayku qankunaqa Cristowan allinpipuni kawsakuychej, imaynatachá Santo Espíritu yachachisorqachej, ajinata.

1 Juan 2:20

Aswanpis Cristoqa Santo Espiritunejta qankunata paypaj t'aqasorqachej, tukuyniykichejtaj cheqa kajta yachankichej.

Hebreos 1:9

Qanqa cheqan kajta munakunki, mana allin kajtataj chejnikunki. Chayrayku qanpa Diosniykeqa jawispa ajllakusorqa, kusiywantaj junt'aykuchisorqa, kawsaqeykikunamanta aswan pataman churasuspa, nispa.

Isaías 10:27

Chaypacha wasaykiman llasa q'epi churasusqankuta qhechusaj, jinallataj yugota churasusqankutapis p'akisaj, nispa.

Deuteronomio 26:13

Chaymantataj Tata Diosniykej ñawpaqenpi ninki: Imatachus Tata Diosniypaj t'aqasqayta wasiymanta orqhomuspa, niwasqaykiman jina qoniña levitakunaman, waj llajtayojkunaman, wajcha wawakunaman, warmisapakunaman ima. Mana qonqaspa, kamachiwasqaykita kasuspa, tukuyninta junt'ani.

Deuteronomio 12:11

May cheqatachus Tata Dios sutin yupaychasqa kananpaj ajllakonqa chayman, kamachisusqayman jina tukuy imata Tata Diosman jaywanaykichejpaj apankichej: Q'olachisqa jaywanapaj uywakunata, sapa chunkamanta ujta jaywanata, ikhaspa jaywanata, Tata Diosman nisqaykichejta junt'anaykichejpaj sumajnin kaj jaywanata ima.

Deuteronomio 12:6

Qankuna chay cheqallapi uywa ñak'asqata jaywaspa Diosman q'olachinkichej, chantá jaywanatapis payman jaywallankichejtaj. Apallankichejtaj chunkamanta ujta payman qonaykichejpaj, ofrendakunata, nisqaykichejta junt'aspa jaywanata, sonqomanta qoyta munaspa ofrendata, chantá wakaykichejmanta, ovejaykichejmanta phiwi uñankuta ima.

Números 18:9

Noqapaj t'aqaspa jaywawasqankumanta, mana q'olachispa jaywanamanta, kaykuna qanpaj kanqa: Ch'aki mikhuy jaywana, jucha pampachasqa kananpaj jaywana, chayrí jucharayku jaywana ima. Noqapaj t'aqasqa tukuy jaywanamanta, qanpaj chantá churiykikunapaj ima kanqa.

Levítico 21:10

Kuraj kaj sacerdote kananpaj aceitewan umanpi jawisqa kasqanrayku, sacerdote p'achata churakunanpaj t'aqasqa kashan. Ajinaqa llakisqa kasqanta rejsichinanpaj, ama umanta t'ojluchikonqachu, nitaj p'achantapis llik'irakonqachu.

Levítico 8:30

Chantá Moisés jawina aceiteta, chantá altar patapi kashaj yawartawan oqharispa, Aaronta, churinkunatawan ima ch'ajchorqa. Jinallataj sacerdote p'achankutapis ch'ajchullarqataj. Ajinata Moisesqa Aaronta, churinkunata, chantá sacerdote p'achankutawan ima Tata Diospaj t'aqarqa.

Levítico 6:26

26 (19) Jucha pampachasqa kananpaj jaywaj sacerdoteqa mikhonqa chay jaywanamanta Dioswan Tinkukuna Toldoj pationpi. Chay cheqaqa Diospaj t'aqasqamin.

Levítico 6:20

20 (13) Aarón, jinataj miraynin sacerdote kanankupaj aceitewan jawisqa kaspa, ajinata Tata Diosman jaywanqanku: Ch'aki mikhuymanta sumaj kaj jak'umanta iskay kilota jaywanqanku, tutamanta khuskanta, ch'isiyaykuytataj khuskanta. Ajinata wiñaypaj Tata Diosman jaywanqanku.

Éxodo 29:21

Altar patapi kaj yawarwan, jinataj jawina aceitewan Aaronta, chantá p'achantapis ch'ajchullankitaj. Jinallataj churinkunata, p'achankutapis ch'ajchullankitaj. Ajinamanta Aarón, churinkuna ima, jinallataj p'achankupis Diospaj t'aqasqa kanqanku.

1 Corintios 9:13

Manachu yachankichej Templopi imachus ruwanapi ruwaysikojkunaqa Diosman jaywasqamanta mikhusqankuta? Jinallataj altarpi jaywajkunapis manachu altarpi kaj ofrendamanta wakinta jap'illankutaj?

Levítico 7:14

Tukuy jaywanamanta wakinta Tata Diosman jaywanqa. Chantá chay jaywasqaqa sacerdotepaj kanqa, pichus k'achata kawsakuy jaywanamanta uywaj yawarninta altarpi ch'ajchojpaj.

Levítico 7:28

Tata Dios Moisesta nillarqataj:

2 Crónicas 31:4

Jinallatataj Jerusalenpi tiyakoj runakuna sacerdotekunaman, levitakunamanpis imakunatachus qonanku karqa, chayta qopunankuta kamacherqa. Jinamanta Tata Diospa kamachisqanman jina, mana mich'akuspa imachus ruwanankuta junt'anankupaj wakiykorqanku.

Éxodo 28:43

Aarón, jinataj churinkunapis chay p'achakunata churaykukonqanku, Dioswan Tinkukuna Toldoman yaykunankupaj, chayrí toldopi kaj altarman chimpanankupaj, sacerdote jina imachus ruwanankuta ruwashaspa. Manachus chayta sapa kuti ruwanqanku chayqa, noqa juchachaspa, paykunata wañuchisaj. Kay kamachisqayqa Aaronpaj, jinataj mirayninpaj ima wiñaypaj kanqa.

Éxodo 29:28

Tukuy chaykunataqa Aaronman, churinkunamanwan ima qonki. Kayqa israelitakunapaj wiñaypaj kamachisqa kanqa. Israelitakuna Tata Diosman allinyakuna jaywanata jaywaspa, corderoj qhasqonta, piernantawan sacerdotekunaman qonqanku.

Levítico 23:20

Sacerdoteqa chaykunata Tata Diosman ikhaspa jaywanqa, ñawpaj kaj poqoykunamanta ruwasqa t'antata, iskay corderotawan khuska. Chaykuna Tata Diospaj t'aqasqa kasqanrayku, sacerdotekunapaj kanqa.

Números 5:9

Israelitakuna Tata Diosman qonankupaj tukuy imatachus t'aqasqankutaqa sacerdoteman apanqanku. Chaykunataj sacerdotekunapaj kanqa.

Deuteronomio 18:1

Leví jatun ayllumanta sacerdote ayllu nisqaqa israelitakuna ukhupi mana jallp'ata jap'enqankuchu. Paykunaqa imatachus israelitakuna Tata Diosman jaywanku, jinataj ofrendamanta imatachus apamunku, chaymanta kawsanqanku.

2 Reyes 12:16

Chaywanpis israelitakuna juchanku pampachasqa kananpaj chantá juchallisqankumanta, apasqanku qolqetaqa mana Tata Diospa Templonman apajchu kanku. Chayqa sacerdotekunapaj karqa.

2 Crónicas 31:5

Kuraj kamachejpa kamachisqan willakojtinkama, israelitakunaqa tukuy sonqo ñawpaj kaj poqoykunamanta qorqanku: Trigota, aceiteta, vinota, abeja misk'ita, chajrankumanta tukuy poqoykunatawan. Jinallatataj tukuy kapuyninkumanta sapa chunkamanta ujta apamorqanku. Apamusqankutaj may ashkhapuni karqa.