Números 18:20 - DIOSPA QHELQACHISQ

²⁰ Tata Dios Aaronwan parlaspa, nillarqataj: Qanqa Israel suyu ukhupi mana jallp'ayojchu kanki. Noqamin qanpa chayaqeyki, jinataj kapuyniyki kasaj.

Qheshwa Biblia DC

²⁰ Señorqa Aaronman nerqa: Qanqa mana jallp'asniyojchu israelitas ukhupi kanki. Noqa qampata kasaj, chayaqeykitaj kasaj israelitas ukhupi.

DIOSPA QHELQACHISQAN DEUTEROCANONICAL

²⁰ Tata Dios Aaronwan parlaspa, nillarqataj: Qanqa Israel suyu ukhupi mana jallp'ayojchu kanki. Noqamin qanpa chayaqeyki, jinataj kapuyniyki kasaj.

Números 18:20 Referans Kwoze

Ezequiel 44:28

Sacerdotekunaj chayaqenkoqa noqamin kasaj. Mana ni ima jallp'atapis jap'enqankuchu israelitakuna ukhupi, imaraykuchus noqamin chayaqenku kani.

Deuteronomio 10:9

Chayrayku levitakunaqa Tata Dios nisqanman jina, mana ayllu masinku jinachu jallp'ata jap'erqanku, imaraykuchus paykunaj chayaqenkoqa Tata Diosmin.

Josué 13:33

Leví jatun ayllumanrí Moisés mana jallp'ata qosqachu, imaraykuchus paykunaj chayaqenkoqa Israelpa Tata Diosnin karqa, Tata Diospa nisqanman jina.

Lamentaciones 3:24

Chayrayku tukuy sonqo nini: Tata Diosqa tukuy ima noqapajqa. Chayrayku payllapi atinikuspa suyakusaj.

Josué 14:3

Israelitakuna manaraj Jordán mayuta chimpashajtinku, Moisesqa Rubén jatun aylluman, Gad jatun aylluman, chantá Manasés khuskan jatun aylluman ima jallp'ata qosqaña. Leví jatun ayllumanrí manapuni jallp'ata qosqachu.

Deuteronomio 14:27

Qankunaj llajtaykichejpi tiyakoj levitakunata ama jayk'ajpis qonqarparinkichejchu, imaraykuchus paykunaqa mana qankuna jina jallp'ata jap'inkuchu.

Deuteronomio 12:12

Tata Diosniykichejpa ñawpaqenpi raymita ruwaspa, wawaykichejkunawan, chantá kamachiykichejkunawan ima mayta kusikunkichej. Jinallataj qankunawan tiyakoj levitakunawanpis kusikullankichejtaj, imaraykuchus paykunaqa mana qankuna jina jallp'ata jap'inkuchu.

Apocalipsis 21:3

Jinapi kamachina tiyanamanta jatunmanta qhaparejta uyarerqani: Kunan Diosqa ayllun chawpipi kanqa, paykunawan khuskataj tiyakullanqapuni. Paykuna Diospa ayllun kanqanku, Diostaj Diosninku kanqa.

Salmos 142:5

5 (6) Tata Dios, qanman qhaparikamuyki, niykitaj: Qanllamin pakakunay kanki, kay pachapi tukuy kapuyneyqa qanlla kanki.

Salmos 16:5

Tata Dios, qanmin tukuy imay kanki. Kawsayneyqa makiykipi kashan, qantaj saminchayniykiwan atipachiwanki.

Josué 18:7

Levitakunarí qankunaj chawpiykichejpi mana jallp'ayojchu kanqanku, imaraykuchus paykunaj chayaqenkoqa Tata Diospa sacerdotenkuna kana. Chantá Gad jatun aylluwan, Rubén jatun aylluwan, Manasés khuskan jatun aylluwanqa Jordán Mayoj chimpanpi, inti llojsimuynejpi ñapis jallp'ata jap'inkuña. Chay jallp'ataqa Tata Diospa kamachin Moisesña qorqa.

Salmos 73:26

Ukhuypis, sonqoypis pisi kallpaman tukushan chaypis, Diosneyqa wiñaypaj chayaqey, sonqoyta kallpachawajniytaj.

Deuteronomio 14:29

Chaytataj levitakuna mikhonqanku, imajtinchus paykunaqa mana jallp'ayojchu kanku. Jinallataj chaymanta llajtaykichejpi tiyakoj waj llajtayojkuna, wajchakuna, warmisapakuna ima mikhonqanku. Ajinata ruwajtiykichej, Tata Diosniykichej tukuy ima ruwasqaykichejpi yanapasonqachej.

Números 26:62

Yupasqa kasqankuman jina, Levíj miraynenqa tukuyninpi uj killayojmanta pataman, 23.000 qharikuna karqanku. Paykunaqa mana israelitakunawan khuskachu yupasqa karqanku, imaraykuchus paykunaqa jallp'ata mana jap'inankuchu karqa.

Josué 13:14

Leví jatun ayllumanrí Moisés mana jallp'ata qosqachu. Paykunaqa israelitakuna Tata Diosman jaywanata apamusqankumanta kawsananku karqa, Tata Diospa kamachisqanman jina.

Génesis 15:1

Chaymanta Tata Diosqa Abramman mosqoypi jina parlarqa: Ama manchachikuychu, Abram, imaraykuchus noqa waqaychasojniyki kani. Qanpa t'inkaykeqa may chhikapuni kanqa, nispa.

Números 18:7

Chaywanpis altarpi ruwanata, jinataj Diosllapaj T'aqasqa nisqa cheqapi ruwanatawan imaqa qanwan, chantá churiykikuna imalla ruwankichej. Sacerdote jina ruwanaqa qankunajllatamin, imaraykuchus noqa chay ruwanata qankunaman qoykichej. Sichus pipis mana sacerdote kashaspalla sacerdotej ruwananta ruwanman chayqa, wañuchisqa kanqa, nispa.