Números 16:46 - DIOSPA QHELQACHISQ

⁴⁶ 46 (17.11) Chantá Moisés Aaronta nerqa: Incienso q'oshñichinaykita apamuspa, altarmanta ninata churay, patanmantaj inciensota jich'aykuy. Chantá runakuna kashanku, chayman usqhayta rispa, Tata Dios juchallisqankuta pampachananta mañampuy. Tata Dios sinch'ita phiñakusqanrayku millay onqoy runata wañuchiyta qallarinña, nispa.

Qheshwa Biblia DC

⁴⁶ Jinaytawantaj Moisesqa Aaronman nerqa: Incienso q'osñichinaykita apamuy, chaymantaj churay altarpi kashan chay ninata, patanmantaj inciensota jich'aykuy. Chayta oqhariykukuspataj runaspa ñaupaqenman usqhayta riy, Diosmanta perdonta mañamuy, ñapis Señorpa k'ajaj phiñakuynenqa llojsimunña, wañuypis qallarinña, nispa.

DIOSPA QHELQACHISQAN DEUTEROCANONICAL

⁴⁶ 46 (17.11) Chantá Moisés Aaronta nerqa: Incienso q'oshñichinaykita apamuspa, altarmanta ninata churay, patanmantaj inciensota jich'aykuy. Chantá runakuna kashanku, chayman usqhayta rispa, Tata Dios juchallisqankuta pampachananta mañampuy. Tata Dios sinch'ita phiñakusqanrayku millay onqoy runata wañuchiyta qallarinña, nispa.

Números 16:46 Referans Kwoze

Números 8:19

Noqa israelitakuna ukhumanta levitakunata ajllakuspa, Aaronman, chantá churinkunaman ima qorqani. Paykuna israelitakunaj sutinpi Dioswan Tinkukuna Toldopi imachus ruwanata ruwanqanku, jinallataj israelitakunaj juchanku pampachasqa kananpaj paykunarayku Diosman jaywanqanku. Ajinamanta israelitakuna Dioswan Tinkukuna Toldoman qayllajtinku, mana ima llakiypis qhatirenqachu, nispa.

Levítico 10:6

Chaymanta Moisesqa Aaronta, chantá Eleazarta, Itamartawan ima nerqa: Ama mana ñajch'asqaqa kaychejchu, nitaj p'achaykichejtapis llik'ikuychejchu wañusqakunarayku llakisqa kasqaykichejta rejsichispa. Sichus chayta ruwankichej chayqa, qankunapis wañuchisqallataj kankichej, Tata Diostaj israelitakunapaj k'arajta phiñakonqa. Ayllu masiykichej israelitakunalla Tata Dios Nadabta, chantá Abiutawan ima ninawan ruphachisqanmanta waqachunku.

Salmos 106:29

Ajinata mana allinta ruwaspa, Tata Diosta phiñacherqanku, chayraykutaj Diosqa wañuchej onqoyta paykunaman kachaykorqa.

1 Crónicas 27:24

Seruyáj churin Joabqa yupayta qallarerqa, chaywanpis mana runa yupayta tukorqachu, Tata Dios Israel suyoj contranta phiñakusqanrayku. Chayrayku israelitakuna mayk'achus kasqankoqa kuraj kamachej Davidmanta willaj qhelqapi mana rikhurinchu.

Números 18:5

Qankuna Diosta yupaychana cheqata, chantá altarta ima qhawanaykichejpaj churasqa kankichej, ama israelitakunaj contranta ujtawan k'arajta phiñakunaypaj.

Números 11:33

Israelitakuna aychata siminkuman churaykushajtinku, Tata Dios paykunaj contrankuta k'arajta phiñakorqa. Chayrayku onqoywan ashkha runata wañucherqa.

Salmos 141:2

Mañakususqayqa inciensoj q'apaynin jina qanman chayamusuchun. Makiyta oqharispa mañakusqaytaj inti yaykuyta q'olachisqa jaywana jina kachun.

Levítico 9:24

Chaymantataj Tata Diospa ñawpaqenmanta nina llojsimuspa, altarpi aychata, wiratawan ima q'olaykorqa. Chayta rikuspataj, tukuy israelitakuna kusikuspa qhaparerqanku, chantá pampakama k'umuykorqanku.

Malaquías 1:11

Tukuy kay pachapi runakuna sutiyta jatunpaj qhawanku. Tukuynejpi inciensota noqapaj q'oshñichinku, ofrendatapis maychus qonawankuta qowanku, imaraykuchus suteyqa tukuy suyukunapi manchay uyarisqa. Ajinata noqa Tukuy Atiyniyoj Tata Dios nini.

Deuteronomio 9:22

Jinallataj qankunaqa Taberapi, Masahpi, Quibrot Hatavapi ima Tata Diosta phiñachillarqankichejtaj.

Números 25:13

Chayrayku payman, jinataj mirayninmanpis sacerdote kanankuta wiñaypaj qoni. Chayta ruwani imaraykuchus payqa Diosninmanta sienterqa, israelitakunaj juchallisqanku pampachasqa kanantataj tarerqa, nispa.

Números 1:53

Levitakunaqa Dioswan Tinkukuna Toldoj muyuyninpi jarakonqanku, toldota qhawanankupaj, ama Tata Dios israelitakunaj contranta phiñakunanpaj, nispa.

Números 25:8

chay runaj qhepanta rerqa. Toldonman yaykuspataj, israelitata, jinataj madianmanta warmitawan wijsankupi t'ojsispa, wañucherqa. Ajinata ruwasqanrayku, israelitakunata wañuchej onqoy sayarqa.

Habacuc 3:5

Paypa ñawpaqenta millay wañuchej onqoykuna purinku, chay qhepantataj k'ajaj onqoypis chayamullantaj.