Números 16:26 - DIOSPA QHELQACHISQ

²⁶ Runakunatataj nerqa: Kay mana manchachikuyniyoj runakunaj jarankumanta t'aqakuychej. Amataj imankutapis llankhankichejchu, ama qankunapis paykunaj juchankurayku wañunaykichejpaj, nispa.

Qheshwa Biblia DC

²⁶ Runasmantaj nerqa: Kay sajra runaspa jarasninmanta t'aqakuychej, ama imasninkutapis llankhankichejchu, ama qankunapis paykunaj juchankurayku wañunaykichejpaj.

DIOSPA QHELQACHISQAN DEUTEROCANONICAL

²⁶ Runakunatataj nerqa: Kay mana manchachikuyniyoj runakunaj jarankumanta t'aqakuychej. Amataj imankutapis llankhankichejchu, ama qankunapis paykunaj juchankurayku wañunaykichejpaj, nispa.

Números 16:26 Referans Kwoze

Isaías 52:11

Ayllúy, Babiloniamanta llojsimuychej. Llojsimushaspataj, ama ch'ichipaj qhawasqa kajta llankhaychejchu. Babiloniaj chawpinmanta llojsimuspa llimphuchakuychej, Tata Diosta yupaychanapaj imakunata apajkuna.

Apocalipsis 18:4

Chaymantá janaj pachamanta wajpa parlamusqantañataj uyarerqani: Noqajta kajkuna, chay llajtamanta llojsimuychej. Ama chay llajtaj juchallisqanwan chhapukuychejchu, ama paywan khuska jasut'isqa kanaykichejpaj.

2 Corintios 6:17

Chayrayku Dios nillantaj: Paykunaj chawpinkumanta llojsiychej, t'aqakuychejtaj. Ama ch'ichipaj qhawasqa kajta llankhaychejchu, noqataj qankunata jap'ikapusqaykichej.

1 Timoteo 5:22

Chantá, ama pitapis usqhay usqhayta iglesiata pusarej kananpaj churallaychu, pantaykojtin, ama ruwaysikoj jina rikhurinaykipaj. Manachayqa qan kikiyki mana allin kajmanta t'aqakuy.

Hechos 13:51

Jinapi Pablowan, Bernabewan chay runakunaj contranpi chakinkumanta jallp'ata thalarakuspa, Iconio llajtaman riporqanku.

Hechos 8:20

Pedrotajrí Simonman kuticherqa: Qanwan qolqeykiwan ima maldicisqa kaychej, imaraykuchus qan imatachus Dios qhasilla qosqanta qolqewan rantiyta munarqanki.

Deuteronomio 13:17

17 (18) Qankunaqa imachus chinkachisqa kananpaj t'aqasqa kashan, chaymanta ama imatapis jap'ikapunkichejchu. Chaykunata mana jap'ikapojtiykichej, Tata Diospa sinch'i phiñakuynin tiyaykonqa, qankunatataj khuyasonqachej, tataykichejman tiluspa nisqanman jinataj ashkhata mirachisonqachej.

San Mateo 10:14

Sichus pillapis wasinkuman mana wajyarikusunkichej, nitaj parlasqaykichejtapis uyarisunkichej chayqa, chay wasimanta, chayrí chay llajtamanta llojsiychej, chakiykichejmanta jallp'ata thalarakuspa, ajinamanta mana allin ruwasqankuta yachanankupaj.

Génesis 19:17

Llajtamanta jawapiña kashajtinkutaj, ujnin kaj ángel Lotta nerqa: Ama wañunaykichejpaj usqhayta ayqeychej. Amallataj qhepaykichejta qhawarikamunkichejchu, valleta rishaspapis ama sayankichejchu. Manachus wañuyta munankichej chayqa, orqoman ayqeychej, nispa.

Números 16:25

Chantá Moisés sayarispa, israelitakunaj kurajninkukunawan khuska Datanwan, Abiranwan ima parlaj rerqa.

Jeremías 51:6

Babiloniamanta ayqeychej. Pichus atejqa ayqekuchun. Ama qankunapis Babiloniaj millayta ruwasqanrayku wañuchisqachu kaychej, imaraykuchus Tata Diospa vengakunan p'unchay chayamun, paytaj ruwasqankuman jina paykunaman kutichiponqa.