Números 15:31 - DIOSPA QHELQACHISQ

³¹ Chay runaqa nisqayta pisipaj qhawarqa, kamachisqaytapis qhesacharqa. Chayrayku israelita ukhumanta wañuchisqa kanqa, juchantaj patanpi kanqa, nispa.

Qheshwa Biblia DC

³¹ Chay runaqa palabrasniyta qhesachan, kamachisqasniyta mana junt'anchu. Chayrayku ayllusnin ukhumanta qhechusqa kanqa, juchan patapitaj wañonqa.

DIOSPA QHELQACHISQAN DEUTEROCANONICAL

³¹ Chay runaqa nisqayta pisipaj qhawarqa, kamachisqaytapis qhesacharqa. Chayrayku israelita ukhumanta wañuchisqa kanqa, juchantaj patanpi kanqa, nispa.

Números 15:31 Referans Kwoze

Proverbios 13:13

Kamachisqata mana kasukoj runaqa waqanqa, kamachisqata kasukojrí t'inkata jap'enqa.

2 Samuel 12:9

Imajtintaj nisqayta pisipaj qhawarqanki, mana munasqayta ruwaspari? Qan wañucherqanki jitita Uriasta. Amonitakunawan payta wañuchichispa, warminwan warmichakorqanki.

Ezequiel 18:20

Pichus juchallikojlla wañonqa. Wawaqa tatanpa millay ruwasqanmanta mana juchachasqachu kanqa, nitaj tatapis wawanpa millay ruwasqamanta juchachasqallatajchu kanqa. Cheqan kaj runaqa cheqan ruwasqanmanta t'inkata jap'enqa. Mana allin puriyniyoj runatajrí millay ruwasqanmanta ñak'arillanata jap'enqa.

1 Tesalonicenses 4:8

Ajinaqa, pichus kay yachachisqaykuta pisipaj qhawajqa mana runatachu pisipaj qhawan, manachayqa Diosta, pichus Santo Espirituta qowarqanchej, chayta.

Salmos 119:126

Tata Dios, paykunata ñak'arichinayki tiempo chayamunña, imaraykuchus kamachisqaykita mana kasunkuchu.

Levítico 5:1

Tata Dios Moisesta nillarqataj: Sichus mayqenpis testigo jina imatachus rikusqanta, chayrí uyarisqanta sut'inchananpaj wajyasqa kanman, manataj sut'inchayta munanmanchu chayqa, juchallin. Payqa juchachasqa kanqa.

2 Pedro 2:21

Manachus cheqan ñanta rejsinkuman karqa chayqa, paykunapaj aswan allin kanman karqa, chayta rejsispaña Diospa qosqan llimphu kamachisqanmanta qhepaman kutiripunankumanta nisqaqa.

1 Pedro 2:24

Ajinamanta pay kikin ukhunpi juchanchejta k'aspi cruzpi aparqa, noqanchej juchallinapaj wañuspa, cheqanta ruwaspa kawsananchejpaj. Paypa ukhun khallarasqa kasqanraykutaj qankuna qhaliyachisqa kankichej.

Isaías 53:6

Tukuyninchej ovejakuna jina ch'eqerapunchej, sapa ujtaj munasqanchej ñanta ririkapunchej. Tata Diostajrí tukuynin juchanchejta payman q'epirichenqa.

Isaías 30:12

Chayrayku Israelpa May Llimphu Kaj Diosnin nin: Qankunaqa kay k'amisqayta qhesachaspa, mana allin ruwaykunapi, millayta ruwaykunapi ima atinikunkichej. Chay millay imakunaman sayasqa kankichej.

Salmos 38:4

4 (5) Millayta ruwasqay atiykushawan, llasa q'epita jina mana apayta atishanichu.

Levítico 26:43

Karuman wijch'usqa kasqaykichejrayku, jallp'aykichejqa saqerparisqa ch'inpacha kanqa. Chaypacha jallp'aqa mana samarisqanmanta samarenqa. Qankunataj millayta ruwaspa purisqaykichejmanta jasut'isqa kankichej, imajtinchus kamachisqaykunata qhesacharqankichej, nisqaytataj pisipaj qhawarqankichej.

Levítico 26:15

Jinallataj kamachisqayta pisipaj qhawaspa, nisqaytapis pisipaj qhawankichej. Chantá tratoytapis p'akispa, tukuy kamachisqayta mana junt'awajchejchu chayqa,

Salmos 107:11

Ajina karqanku, Tata Diospa kamachisqanta mana kasukusqankurayku, Patapi kaj Diospa wakichisqanta qhesachasqankuraykutaj.

Éxodo 30:33

Pillapis kay aceiteman rijch'akojta ruwajqa, chayrí kay aceitewan pitapis jawejqa israelitakuna ukhumanta wijch'usqa kanqa, nispa.

Números 9:13

Chaywanpis sitajchus pipis llimphupaj qhawasqa kashaspa, nitaj ñan puriypipis kashaspa, Pascuata mana ruwanmanchu chayqa, Israel ayllu ukhumanta chinkachisqa kachun. Chay kikin p'unchaypi Tata Diosman jaywanata mana jaywasqanrayku, chay runa juchachasqa kanqa.

Deuteronomio 17:12

Sichus pipis machuykachaspa, Tata Diospa kamachin sacerdotej nisqanman jina, chayrí juezpa nisqanman jina mana ruwanman chayqa, payta wañuchinkichej. Ajinata israelitakuna ukhumanta chay jina millay ruwanata chinkachinkichej.

1 Samuel 3:14

Chayrayku Elíj ayllunpa contranpi tiluspa, nini: Juchankoqa mana jayk'ajpis pampachasqachu kanqa, ni uywa ñak'asqa jaywanawan, ni ofrendawanpis, nispa.