Números 14:33 - DIOSPA QHELQACHISQ

³³ Chaykamataj wawaykichejqa tawa chunka watata mana llajtayoj jina kay ch'innejpi purenqanku. Ajinamanta paykuna ñak'arenqanku mana kasuwasqaykichejrayku tukuyniykichej kay ch'innejpi tukukunaykichejkama.

Qheshwa Biblia DC

³³ Chaykamataj wawasniykichejqa tawa chunka watasta michejkunamanta kay ch'in pampaspi puriykachanqanku. Ajinamanta paykuna ñak'arenqanku qankuna juchachakusqaykichejrayku, tukuyniykichej kay ch'in pampapi tukukunaykichejkama.

DIOSPA QHELQACHISQAN DEUTEROCANONICAL

³³ Chaykamataj wawaykichejqa tawa chunka watata mana llajtayoj jina kay ch'innejpi purenqanku. Ajinamanta paykuna ñak'arenqanku mana kasuwasqaykichejrayku tukuyniykichej kay ch'innejpi tukukunaykichejkama.

Números 14:33 Referans Kwoze

Ezequiel 23:35

Chayrayku noqa Tukuyta Kamachej Tata Dios nillanitaj: Noqamanta qonqapuwasqaykirayku, wasanchawasqaykiraykutaj qan jasut'isqa kanayki tiyan, khuchichakuypi kawsasqaykimanta, munasqaykipi purisqaykimantawan, nispa.

Números 32:13

Chaymanta Tata Dios manchayta phiñakuspa, tawa chunka watata israelitakunata ch'innejpi puricherqa Tata Diosta tukuy mana kasojkuna wañuspa tukukunankukama.

Salmos 107:40

Tata Diosrí runata waqachejkunata pisipaj qhawan, ch'innejpitaj musphasqata jina purichin.

Deuteronomio 2:14

Cadés Barneamanta llojsimusqanchejmantapacha Zered mayuta chimpananchejkama, kinsa chunka pusajniyoj wata karqa. Chaykama chay ñawpa mit'amanta pikunachus maqanakupaj jina ajllasqa kajkunamanta tukuy wañorqankuña, Tata Dios tiluspa, nisqanman jina.

Oseas 9:1

Ama kusikuychu, Israel, nillataj kusikuywan phinkiriychu waj suyu jinaqa. Qanqa, grano trillana erapi Diosta wasanchaspa, waynaykikunawan khuchichakunki. Khuchichakusqaykimantataj pagota jap'iyta misk'irichikunki.

Salmos 107:4

Israelitakunaqa ch'innejpi mana wasiyoj chinkasqa purerqanku. Tiyakunankupaj llajtaman rina ñanta mana tarerqankuchu.

Josué 14:10

Tata Dios ajinata Moisesman nisqanqa tawa chunka phishqayoj wataña kashan. Chayta nerqa israelitakuna ch'innejllataraj jamushajtinku, nisqanman jinataj Diosqa kunankama kawsachiwan. Qhaway, kunanqa ñapis pusaj chunka phishqayoj watayojña kashani.

Deuteronomio 1:3

Egiptomanta llojsimusqanku tawa chunka wataña kashajtin, chunka ujniyoj killa qallariyta, Tata Dios imatachus kamachisqanta, Moisés israelitakunaman willarqa.

Números 33:38

Tata Diospa kamachisqanman jina Aaronqa Hor nisqa orqoman wicharerqa, chaypitaj wañuporqa. Wañuporqa, chaypacha karqa israelitakuna Egiptomanta llojsimusqankumanta, tawa chunka wataña kashajtin, phishqa kaj killa qallariyta.

Números 5:31

Qosanqa mana juchayojchu kanqa. Warmitajrí wasancharqapuni chayqa, juchallisqanmanta ñak'arichisqa kanqa, nispa.

Hechos 7:36

Moisés israelitakunata kacharichispa, may t'ukuna imakunata, runaj mana jayk'aj rikusqanta ima Egiptopi ruwarqa. Chantá Puka Mama Qochanejta, ch'innejta ima tawa chunka wata junt'ata pusarqa.

Éxodo 20:5

Amallataj chaykunaman qonqorikunkichu, nillataj yupaychankichu, imaraykuchus noqamin Tata Diosniyki kani. Noqa celoso kani mana munanichu chay lantikunata yupaychanaykichejta. Noqata chejnikuwaj tata mama juchallisqankumanta imachus kananta chayachisaj, wawankuman, allchhinkuman, chantá allchhinkoj wawankuman ima.

Deuteronomio 2:7

Qankunataqa Tata Diosniykichej tukuy ima ruwasqaykichejpi yanapasorqachej. Kay tawa chunka wata junt'ata qankunawan karqa, kay chhika karu ch'inkunatataj qhawaspa pusaykachasorqachej, mana imamanta pisichispa.

Deuteronomio 8:2

Qankuna tukuy ch'innejta tawa chunka watata purisqaykichejta yuyarikuychej. Tata Diosniykichej chaynejta pusamusorqachej qankunata k'umuykuchinanpaj, chantá sonqoykichejpi imachus kasqanta yachananpaj.

Deuteronomio 8:4

Chay tawa chunka wata junt'api p'achaykichejqa manallataj thantakorqachu, nitaj chakiykichejpis punkerqankuchu.

Deuteronomio 29:5

5 (4) Noqaqa tawa chunka wata junt'ata ch'in pampata pusamorqaykichej. Ch'innejta jamushajtiykichejqa, ni p'achaykichej, nitaj juk'utaykichejpis thantakorqachu.

Josué 5:6

Israelitakunaqa tawa chunka watata ch'innejta purerqanku. Chaypi Egiptomanta llojsimoj tukuy israelitakuna maqanakuman rinapaj jina llojsimojkuna wañupusqankuña. Chay qharikunaqa Tata Diosta mana kasusqankuchu. Chayrayku Tata Dios tiluspa, nisqa tatankuman qonanta nisqan jallp'ata mana rikunankuta. Chay jallp'a manchay sumaj jallp'a kasqanrayku lechewan chantá abeja misk'iwan yaku jina purishaj jallp'a karqa, nispa.

Salmos 78:33

Chayrayku Diosqa paykunaj kawsayninkuta samaypis kanman jinallata chinkacherqa, mancharinapaj jina ñak'ariywantaj paykunata wañucherqa.