Números 14:14 - DIOSPA QHELQACHISQ

¹⁴ Canaanpi tiyakojkunaman willanqanku. Paykuna yachanku qanqa israelitakunawan kashasqaykita. Yachallankutaj qan israelitakunawan uyapura parlasqaykita, phuyuykipis paykunaj patankupi kashasqanta. Yachallankutaj p'unchayqa israelitakunaj patankuta phuyupi risqaykita, tutantaj nina k'anchay ukhupi paykunata pusasqaykita.

Qheshwa Biblia DC

¹⁴ Maypachachus egipcios yachanqanku ajinata kay runasta ruwasqaykita, chaytaqa canaampi tiyakojkunaman willanqanku. Paykunapis yachanku Señor, qan paykunaj chaupinkupi kasqaykita. Qan paykunawan uyapura rikuchikusqaykita, phuyuykipis paykunaj patankupi kashan. P'unchayqa paykunaj patankuta phuyuykipi rinki, tutantaj nina k'anchay ukhupi pusanki.

DIOSPA QHELQACHISQAN DEUTEROCANONICAL

¹⁴ Canaanpi tiyakojkunaman willanqanku. Paykuna yachanku qanqa israelitakunawan kashasqaykita. Yachallankutaj qan israelitakunawan uyapura parlasqaykita, phuyuykipis paykunaj patankupi kashasqanta. Yachallankutaj p'unchayqa israelitakunaj patankuta phuyupi risqaykita, tutantaj nina k'anchay ukhupi paykunata pusasqaykita.

Números 14:14 Referans Kwoze

Éxodo 15:14

Suyukunamanta runa imatachus ruwasqaykita yachaspa, kharkatitenqanku. Nanayqa tukuy filisteokunata q'ewiykachachenqa.

Deuteronomio 5:4

Tata Diosqa orqopi nina chawpimanta pay kikinpuni parlamusorqachej.

Éxodo 33:11

Chaypi Tata Diosqa uyapura Moiseswan parlaj, imaynatachus pillapis kawsaqenwan parlarikun, ajinata. Dioswan parlaytawantaj, Moisesqa jaraman kutimoj. Moisespa yanapajnin Nunpata churin Josuetajrí, nipuni jayk'ajpis Dioswan tantakuna toldomanta kuyurejchu.

San Juan 1:18

Mana pipis Diosta jayk'ajpis rikorqachu. Chaywanpis uj k'ata Churin, pichus Diosmin, pitajchus Tata Dioswan ujchasqa kawsan, paymin Tata Diosta rejsichiwanchej.

Salmos 78:14

P'unchaypeqa Dios uj phuyuwan paykunata pusarqa, tutantaj nina k'anchaywan.

Nehemías 9:19

Chaywanpis qan jatun khuyakuyniykirayku mana paykunata ch'in pampapi saqerparerqankichu. Llanthoj phuyoqa ñanninkuta pusaspa, manapuni paykunamanta p'unchayninpi t'aqakorqachu. Nitaj k'anchaypis tutanpi paykunamanta t'aqakullarqatajchu, purinanku ñanta k'anchaspa.

Nehemías 9:12

Chaymantataj israelitakunata pusarqanki p'unchayninpi phuyuwan llanthuykuspa, tutanpitaj nina k'anchaywan k'anchaykuspa.

Josué 5:1

Chaypacha amorreokunaqa Jordanmanta inti yaykuynejpi tiyakusharqanku, cananeokunataj Jatun Mama Qocha qayllapi. Chantá chay llajtayojkunaj kuraj kamachejninkukuna uyarerqanku israelitakuna chimpanankupaj Tata Dios imaynatachus Jordán mayuta ch'akichisqanta. Chayrayku manchachikuywan llawch'iyaspa, israelitakunawan mana maqanakuyta munarqankuchu.

Números 12:8

Paywanqa uyapura sut'ita parlani, mana pakaypi jinachu. Paytaj rijch'ayniyta rikun. Jina chayqa, imaraykutaj paypa contranta rimayta, mana manchachikorqankichejchuri? nispa.

Números 10:34

P'unchayninpi paykuna purirejtinkukama, Tata Diospa phuyun patankuta risharqa.

Éxodo 40:38

P'unchayqa Tata Diospa phuyun Dioswan Tinkukuna Toldo patapi karqa, tutantaj nina k'anchay karqa. Ajinata israelitakunaqa tukuy puriyninkupi sapa p'unchay phuyuta, ninatawan rikorqanku.

Génesis 32:30

30 (31) Chantá Jacob chay cheqata “Peniel”, nispa suticharqa, nerqataj: Diospa uyanta rikuni, chaywanpis kawsashaniraj, nispa.

1 Corintios 13:12

Kunanqa ayphu espejopi jina ayphullata rikunchej. Qhepamantajrí Dioswan uyapurakuspa imatapis maychus kajta yachasunchej. Kunanqa wakillantaraj yachani. Qhepamantajrí allinta yachasaj, imaynatachus Dios noqamanta tukuy imata yachan, ajinata.

San Juan 14:9

Jesustajrí payman kuticherqa: Felipe, chhika unaytaña qankunawan kashajtiy, manarajpunichu rejsiwanki? Pichus noqata rikuwajqa Tataytapis rikullantaj. Jinaqa, imaraykutaj nishanki: Tata Diosta rikuchiwayku, nispari?

Salmos 105:39

Chaypacha Tata Diosqa israelitakunata llanthunanpaj phuyuchimorqa, ch'isintaj paykunata ninawan k'anchacherqa.

Deuteronomio 34:10

Chaymantaqa manaña jayk'ajpis Israelpi, Moisés jina ujwan Diosmanta sut'inchaj karqachu. Nillataj pay jina Tata Dioswan uyapura parlajqa karqañachu.

1 Juan 3:2

Munasqa wawqe panaykuna, noqanchejqa Diospa wawankunaña kanchej. Chaywanpis aswan qhepanejman imaynachus kananchejta Dios mana rikuchiwanchejrajchu. Jinapis Jesucristo rikhurimojtin, pay jina kananchejta yachanchej, imaraykuchus payta imaynachus kasqanta rikusunchej.

Éxodo 33:16

Qan noqaykuwan mana riwajchu chayqa, noqa, jinataj aylluyki Israel imaynapitaj yachasqayku qan khuyarikuwasqaykutari? Noqaykuwan rejtiykeqa, sut'ita yachakonqa noqa, jinataj aylluyki kay pachapi runakunamanta t'aqasqa kasqayku, nispa.

Deuteronomio 1:19

Chantá Tata Dios kamachiwasqanchejman jina Horebmanta puririspa, amorreokunaj orqorara cheqanejman chayarqanchej. Tata Diosninchej kamachiwasqanchejman jina purerqanchej, chay jina manchachikuna jatun ch'innejta Cadés Barneaman chayananchejkama. Chayta qankuna rikorqankichej.

Deuteronomio 5:24

Cheqatapuni Tata Diosniykoqa jatun kayninpa lliphipiyninta, qhapaj atiyninta ima rikuchiwayku. Parlamusqantataj nina lawray chawpimanta uyariyku. Kunan yachayku Diosqa runawan parlayta atisqanta, runataj mana wañusqanta.