Números 14:10 - DIOSPA QHELQACHISQ

¹⁰ Chaywanpis israelitakunaqa Josueta Calebtawan ima rumiwan ch'anqaykunankupaj qhawasharqanku. Chantá tukuy israelitakunaj rikunankuta, Dioswan Tinkukuna Toldopi Tata Diospa jatun kayninpa lliphipiynin rikhurerqa.

Qheshwa Biblia DC

¹⁰ Chayta uyarispataj runasqa paykunata rumiwan ch'anqaykuyta munarqanku. Jina kajtintaj Dioswan tinkukuna toldopi Señorpa k'anchaynin rikhurerqa, tukuy israelitaspa rikunankuta.

DIOSPA QHELQACHISQAN DEUTEROCANONICAL

¹⁰ Chaywanpis israelitakunaqa Josueta Calebtawan ima rumiwan ch'anqaykunankupaj qhawasharqanku. Chantá tukuy israelitakunaj rikunankuta, Dioswan Tinkukuna Toldopi Tata Diospa jatun kayninpa lliphipiynin rikhurerqa.

Números 14:10 Referans Kwoze

Éxodo 17:4

Chantá Moisesqa Tata Diosmanta mañakorqa: Imanasajtaj kay runakunawanri? Tumpamantawan rumiwan ch'anqaspa, wañuchiwanqanku, nispa.

Levítico 9:23

Chantá Moiseswan, Aaronwan ima Dioswan Tinkukuna Toldoman yaykorqanku. Chaymanta llojsimuspataj, israelitakunata ujtawan samincharqanku. Jinallapi Tata Diospa jatun kayninpa lliphipiynin tukuyninkuman rikhurerqa.

Éxodo 16:10

Aarón israelitakunawan parlashajtin, chaypacha tukuyninku ch'innejta qhawarerqanku. Chantá Tata Diospa jatun kayninpa lliphipiynin phuyupi rikhurisqanta rikorqanku.

San Mateo 23:37

Jesús nillarqataj: Ay Jerusalén, qanqa Diosmanta sut'inchajkunata wañuchej llajta kanki. Qanman Diospa kachamusqankunatapis rumiwan ch'anqaykuspa, wañuchillankitaj. Noqa mashkha kutitachus wawaykikunata tantayta munarqani, imaynatachus wallpa chillwinkunata lijran uraman tantaykun, ajinata. Qantajrí mana munarqankichu.

1 Samuel 30:6

Davidqa sinch'i phutisqa kasharqa, imaraykuchus soldadonkunaqa payta rumiwan ch'anqaykuyta munarqanku. Tukuyninku wawankukunamanta manchay llakisqa kasharqanku. Chaywanpis Davidqa Tata Diosninmanta jap'ikuspa, kallpachakorqa.

Números 20:6

Chantá Moiseswan, Aaronwan ima israelitakunamanta ithirispa, Dioswan Tinkukuna Toldo punkuman rerqanku. Chaypitaj qonqorikuspa, pampakama k'umuykorqanku. Chantá Tata Diospa jatun kayninpa lliphipiynin rikhurimorqa.

Números 16:42

42 (17.7) Chantá tukuy israelitakuna Moisespa, chantá Aaronpa contranpi tantaykukuspa, Dioswan Tinkukuna Toldoman rerqanku. Chantá chay ratopacha phuyu Dioswan Tinkukuna Toldota p'ampaykorqa, Tata Diospa jatun kayninpa lliphipiynintaj rikhurerqapacha.

Números 16:19

Chaymantataj Coré, Dioswan Tinkukuna Toldo punkupi, Moisespa contranpi chantá Aaronpa contranpiwan tukuy israelitakunata tantachejtinkama, ujllata Tata Diospa jatun kayninpa lliphipiynin rikhurimorqa.

Éxodo 16:7

Tutamanta Tata Diospa jatun kayninpa lliphipiyninta rikunkichej. Payqa paypaj rimasqaykichejta uyarisunkichej. Noqaykurí, pitaj kayku, noqaykupaj thutunaykichejpajri? nispa.

Hechos 7:59

Chay jinata payta ch'anqaykushajtinku, Estebanqa Diosmanta mañakuspa, nerqa: Tukuyta Kamachej Jesusníy, almayta jap'ikapuy, nispa.

Hechos 7:52

Diosmanta mayqen sut'inchajtataj ñawpa tatanchejkuna mana qhatiykacharqankuchu ñak'arichinankupaj? Chantá wañuchillarqankutaj pikunachus unaymantapacha willarqanku cheqan kaj runa jamunanta, chaykunata. Pay jamojtintaj, qankunaqa payta wasanchaspa wañuchillarqankichejtaj.

Éxodo 40:34

Chantá Dioswan Tinkukuna Toldota phuyu p'ampaykorqa, Tata Diospa jatun kayninpa lliphipiynintaj toldoman junt'aykorqa.

Números 17:7

7 (22) Chaymanta Moisesqa tukuy varakunata Dioswan Tinkukuna Toldopi Tata Diospa ñawpaqenman churarqa.