Números 13:29 - DIOSPA QHELQACHISQ

²⁹ Néguev cheqanejpi amalecitakuna tiyashanku. Orqonejpitaj jititakuna, jebuseokuna, amorreokuna ima tiyakushanku. Mama qocha chaynejpi, Jordán mayu kantupitaj, cananeokuna tiyakushanku, nispa.

Qheshwa Biblia DC

²⁹ Neguev cheqaspi amalecitas tiyashanku; loma chaynejkunapitaj tiyashanku hititas, jebuseos, amorreoswan; mar qocha chaynejpitaj Jordán mayu cantopi cananeos tiyashanku.

DIOSPA QHELQACHISQAN DEUTEROCANONICAL

²⁹ Néguev cheqanejpi amalecitakuna tiyashanku. Orqonejpitaj jititakuna, jebuseokuna, amorreokuna ima tiyakushanku. Mama qocha chaynejpi, Jordán mayu kantupitaj, cananeokuna tiyakushanku, nispa.

Números 13:29 Referans Kwoze

Números 14:43

Amalecitakunawan, cananeokunawan ima qankunawan maqanakunankupaj suyaykushasunkichej, paykunataj wañuchisonqachej. Tata Diosta qhatiyta qhesachasqaykichejrayku, payqa manaña qankunawanchu kashan, nispa.

Jueces 6:3

Israelitakuna imallatapis tarpojtinkoqa, madianitakuna, amalecitakunapis, chantá inti llojsimuynejmanta runakunapis chajrankuman suwaj yaykuykullajpuni kanku.

Salmos 83:7

7 (8) Gebalmanta kajkunapis oqharikullankutaj, Amonmanta, Amalecmanta, Filisteamanta, chantá Tiropi tiyakojkuna ima.

1 Samuel 30:1

Minchhantenqa Davidwan, chantá soldadonkunawan ima Siclag llajtaman chayarqanku. Chantá rikorqanku amalecitakuna Neguevman, jinataj Siclag llajtaman yaykuykamusqankuta, tukuyta phirispataj, ninawan jap'iykuchisqankuta.

1 Samuel 14:48

Ashkha soldadota tantaykuspa, amalecitakunatapis atipaykullarqataj. Ajinamanta israelitakunata suwajkunamanta kacharicherqa.

Números 24:20

Chaymanta Balaamqa amalecitakunata qhawarispa, kay jinata nillarqataj: Amalecqa manchay atiyniyoj suyu karqa, tukuy suyumanta nisqa astawan atiyniyoj. Chay tukuywanpis tukuynin chinkachisqa kanqa, nispa.

Números 14:45

Chantá chay orqo kinraykunapi tiyakoj amalecitakuna, cananeokuna ima israelitakunawan maqanakoj llojsimorqanku. Israelitakunata atipaykuspataj, Jormakama qhatiykorqanku.

Números 14:25

Vallepi amalecitakuna, chantá cananeokuna ima tiyakushanku. Chayrayku qankunaqa q'ayapacha Puka Mama Qochaman rej ñannejta ch'innejman kutiriychej, nispa.

Éxodo 3:17

Chayrayku noqa Egiptopi sinch'ita ñak'arinaykichejmanta qankunata kacharichisqaykichej. Pusasqaykichejtaj lechewan, abeja misk'iwan yaku jina purishan, chay sumaj jallp'aman, maypichus kunan cananeokuna, jeteokuna, amorreokuna, ferezeokuna, heveokuna, jebuseokuna ima tiyakushanku, chayman.

Éxodo 3:8

Chayrayku Egipto llajtayojkunaj makinmanta paykunata kacharichinaypaj urayk'amuni, Egiptomanta orqhospa, paykunata sumaj jallp'aman pusanaypaj, maypichus lechewan, abeja misk'iwan yaku jina purishan, chayman. Chay jallp'api tiyashanku: Cananeokuna, jeteokuna, amorreokuna, ferezeokuna, heveokuna, jebuseokuna ima.

Génesis 14:7

Quedorlaomerqa, pikunachus paywan kasharqanku, chaykunawan kutimushaspa, Enmispatman chayarqanku. Chay cheqajta ujnin sutin Cadés karqa. Chantá Amalec llajtayojkunaj jap'iyninkupi tarisqanku chhikata, tukuyninta tukucherqanku. Jinallataj Jasesón Tamarpi tiyakoj amorreokunatapis wañucherqanku.

Números 13:17

Moisés paykunata Canaán suyuta qhawamunankupaj kachashaspa, nerqa: Kaymanta Neguevman rispa, orqokunanejta rinkichej.

Números 13:30

Chantá israelitakuna thutuyta qallarerqanku, Calebtaj Moisespa ñawpaqenpi kashaj runata ch'inyachispa, nerqa: Rispa, chay jallp'ata jap'imunachej. Noqanchejqa paykunata atipasunchej, nispa.

Josué 5:1

Chaypacha amorreokunaqa Jordanmanta inti yaykuynejpi tiyakusharqanku, cananeokunataj Jatun Mama Qocha qayllapi. Chantá chay llajtayojkunaj kuraj kamachejninkukuna uyarerqanku israelitakuna chimpanankupaj Tata Dios imaynatachus Jordán mayuta ch'akichisqanta. Chayrayku manchachikuywan llawch'iyaspa, israelitakunawan mana maqanakuyta munarqankuchu.

Josué 9:1

Chay tukuy kasqanmanta kay kuraj kamachejkuna uyarerqanku: Jititakunamanta, amorreokunamanta, cananeokunamanta, ferezeokunamanta, heveokunamanta, jebuseokunamanta ima. Paykunaqa tiyakusqanku Jordán mayu kantupi inti yaykuyninnejpi, chantá chay orqorara cheqanejpi, Jatun Mama Qocha kantu pampankunapi, Líbano jap'iykama.

Josué 10:5

Ajinamanta phishqantin amorreo kuraj kamachejkuna tantaykukorqanku Jerusalenmanta, Hebronmanta, Jarmutmanta, Laquismanta, Eglonmanta ima. Chantá paykunaqa tukuy soldadonkukunata tantaykuytawan, Gabaón llajtaj chimpanpi jarakuspa, llajtata jap'inankupaj wakichikorqanku.

Josué 10:6

Chantá Gabaón llajtayojkunaqa Josué Gilgalpi kashajtin willachimorqanku: Ama mana niwaykuchu, kay kamachiykikunata yanapaj jamuwayku. Usqhayllata jamuychej jark'akunawaykupaj, yanapanawaykupajtaj, imaraykuchus tukuy amorreokunaj kuraj kamachejninkukuna tantaykukuspa, noqaykuwan maqanakoj jamuykunku, nispa.

1 Samuel 7:14

Filisteokunaqa israelitakunamanta qhechusqanku llajtakunata kutichiporqanku Ecrón llajtamanta Gat llajtakama. Jinamanta israelitakunaqa filisteokunaj makinmanta jallp'ankuta qhechukaporqanku. Chantá israelitakunawan amorreokunawanqa allinta kawsakorqanku.

Deuteronomio 7:1

Maypachachus Tata Diosniykichej, jap'inaykichej kashan, chay jallp'aman pusasonqachej chaypachaqa, ñawpaqeykichejmanta qanchis suyukunapi tiyakojkunata wijch'onqa. Chay suyukunapi tiyakojkunaqa qankunamanta aswan ashkha, chantá aswan kallpayoj kanku. Chaykunaqa kanku: Jititakuna, gergeseokuna, amorreokuna, cananeokuna, ferezeokuna, jivitakuna, chantá jebuseokuna ima.

Deuteronomio 20:17

Tata Diosniykichej kamachisusqanman jina, kaykunata ni uj puchuyojta tukuchinkichej: Jititakunata, amorreokunata, cananeokunata, ferezeokunata, heveokunata, jebuseokunata ima.

Josué 3:10

Kawsaj Dios qankunawan kashasqanta kay jinamanta yachankichej: Risqaykichejman jina cananeokunata, jititakunata, heveokunata, ferezeokunata, gergeseokunata, amorreokunata, chantá jebuseokunata ima, paymin ñawpaqeykichejmanta wijch'onqa.

Jueces 3:5

Jinamanta israelitakunaqa tiyakorqanku cananeokunawan, jititakunawan, amorreokunawan, ferezeokunawan, heveokunawan, jebuseokunawan ima.

1 Samuel 27:8

Davidqa soldadonkunawan ima Gesur llajtaman, Guezerman, chantá amalecitakunaman ima suwaj yaykorqanku. Chay llajtayojkunaqa Telayinmantapacha, Shur nisqa ch'innejpi, Egipto suyukama unaymantaña tiyakusqanku.

Nehemías 9:8

Repararqanki payqa qanpi atinikoj runa kasqanta, jinataj paywan uj tratota ruwarqanki. Nerqankitaj payman jinataj mirayninman uj jallp'ata qonaykita, maypichus cananeokuna, jititakuna, amorreokuna, ferezeokuna, jebuseokuna, gergeseokuna ima tiyakusharqanku, chay jallp'ata. Chay nisqaykitataj junt'arqanki, imaraykuchus qanqa nisqaykita junt'ajmin kanki.