Números 13:17 - DIOSPA QHELQACHISQ

¹⁷ Moisés paykunata Canaán suyuta qhawamunankupaj kachashaspa, nerqa: Kaymanta Neguevman rispa, orqokunanejta rinkichej.

Qheshwa Biblia DC

¹⁷ Moisesqa chay runasta Canaán jallp'ata qhawamunankupaj kachashaspa nerqa: Neguevnejta rispa orqoman wicharinkichej.

DIOSPA QHELQACHISQAN DEUTEROCANONICAL

¹⁷ Moisés paykunata Canaán suyuta qhawamunankupaj kachashaspa, nerqa: Kaymanta Neguevman rispa, orqokunanejta rinkichej.

Números 13:17 Referans Kwoze

Jueces 1:9

Chaymantaqa orqonejpi tiyakoj cananeokunawanñataj maqanakorqanku Néguev chaynejpi, jinataj chay pampakunanejpi tiyakojkunawanpis.

Génesis 12:9

Chaymantataj Abramqa Néguev nisqa cheqanejman alliymanta alliy rillarqapuni.

Jueces 1:19

Judá jatun ayllumanta kajkunataj Tata Diospa yanapayninwan wijch'ullarqankutaj orqokunapi tiyakojkunatapis. Chaywanpis manapuni wijch'orqankuchu chay pampakunanejpi kajkunataqa, chaypi tiyakojkuna fierromanta carretayoj kasqankurayku.

Jueces 1:15

Acsataj kuticherqa: Jallp'a qowasqaykeqa ch'aki jallp'a mana yakuyoj. Mañarikuyki ari yaku juturikunayoj jallp'akunatawan qonawaykita, nispa. Chantá Calebqa yaku juturiyoj jallp'akunatawan paykunaman qorqa, wichaynejpi, jinataj uranejpipis.

Josué 15:3

Chaymanta mojonnenqa uraynejman Acrabín q'asanta, Zin nisqa ch'innejkama rillarqapuni, chaymanta Cadés Barneakama wicharerqa, chaymantataj Jesronman rerqa. Adarninta wicharispataj, Carcanta muyuykamorqa.

Génesis 13:1

Abramqa Egiptomanta ripuspa, warminwan, chantá tukuy imanwan Néguev nisqa ch'innejman kutiporqa. Lot sobrinonpis paykunawan khuska rillarqataj.

Deuteronomio 1:44

Chay orqokunapi tiyakoj amorreokunarí qankunawan maqanakoj llojsimuspa, wayronqo jina Jormakama qhatiykusorqachej, Seirpitaj atiypakusorqachej.

Números 14:40

Chantá q'ayantin israelitakunaqa tutamanta jatarispa, aswan patanej orqoman wicharerqanku. Nerqankutaj: Diospa contranta juchallisqaykuta rimariyku. Chaywanpis kunan Tata Diospa qowasqanchej jallp'ata jap'ej rinaykupaj jina kashayku, nispa.

Números 13:29

Néguev cheqanejpi amalecitakuna tiyashanku. Orqonejpitaj jititakuna, jebuseokuna, amorreokuna ima tiyakushanku. Mama qocha chaynejpi, Jordán mayu kantupitaj, cananeokuna tiyakushanku, nispa.

Génesis 14:10

Chaypacha Sidín vallepi ashkha pujyukuna breawan junt'a karqa. Chantá Sodomata kuraj kamachej, jinataj Gomorrata kuraj kamachej ima maqanakupi atipaykuchikorqanku. Chaymanta ayqeshaspataj, soldadonkukunaqa breayoj pujyukunaman urmaykorqanku, wakin soldadokunataj orqokunaman ayqekorqanku.

Génesis 13:3

Chantá Neguevmanta alliymanta alliy thaskispa, Betel llajtaman kutiporqa. Chaymantataj maypichus ñawpajta toldonta sayachisqa Betelwan, Haiwan tinkuypi, chaynejman chayarqa.

Génesis 13:17

Qan purispa, wichaynejta uranejta kay jallp'ata muyumuy, imaraykuchus noqa kay jallp'ata qanman qosqayki, nispa.

Números 13:18

Chantá sumajta qhawankichej imaynachus chay jallp'a kasqanta. Qhawallankichejtaj chaypi tiyakoj runakuna kallpararachus chayrí manachus kanku, chaytawan. Jinallataj ashkhachus chayrí pisillachus kanku, chaytapis qhawallankichejtaj.

Josué 2:1

Nunpa churin Josueqa Sitín nisqa chaymantapacha iskay wateqajkunata mana pejpa yachasqallan kachaspa, nerqa: Rispa, chay jallp'ata, chantá Jericó llajtatawan allinta qhawamuychej, nispa. Paykunataj rispa, Jericó llajtapi uj sajra purikoj warmej wasinman chayakorqanku, chay ch'isitaj chaypi qhepakorqanku. Chay warmej sutenqa Rajab karqa.

Josué 10:40

Ajinata Josueqa chay tukuynin llajtata jap'erqa, orqo kinraykunapi tiyakoj kuraj kamachejkunata wañurachispa. Néguev orqokunapi, wichay pampakunapi, wichaynejpi tiyakojkunata ima tukuynintapuni wañuracherqa, Israelpa Tata Diosnin kamachisqanman jina.