Números 12:13 - DIOSPA QHELQACHISQ

¹³ Chantá Moisesqa Tata Diosmanta mañaporqa: Tata Diosníy, mañarikuyki Mariata thañichipunaykita, nispa.

Qheshwa Biblia DC

¹³ Chaymanta Moisesqa qhaparispa Señormanta mañarqa: Mañakuyki ari, Señor, thañichiy ari payta, nispa.

DIOSPA QHELQACHISQAN DEUTEROCANONICAL

¹³ Chantá Moisesqa Tata Diosmanta mañaporqa: Tata Diosníy, mañarikuyki Mariata thañichipunaykita, nispa.

Números 12:13 Referans Kwoze

Santiago 5:15

Paykuna tukuy sonqo mañapojtinkutaj, onqosqa runa qhaliyaponqa, Tukuyta Kamachej Diostaj payta sayarichenqa. Sitajchus juchallikorqa chayqa, Diosqa juchallisqanta pampachallanqataj.

Romanos 12:21

Ama mana allin kajta ruwayta munanawan atipachikuychu, aswanpis mana allin kajta allin kajwan atipay.

San Lucas 6:28

Jinallataj qankunata maldicejkunapaj Diospa sutinpi saminchaychej, qhasimanta qankunata tumpajkunapajtaj Diosmanta mañapuychej.

San Lucas 23:34

Chaymanta qhepamantaj Jesús nerqa: Tatáy, juchankuta pampachay, imaraykuchus mana yachankuchu imatachus ruwasqankuta, nispa. Chaykamataj soldadokuna suerteta choqaspa, Jesuspa p'achanta rak'inakorqanku.

Jeremías 17:14

Tata Dios, qan jampiway, qhaliyachisqataj kasaj. Qan qhespichiway, kacharichisqataj kasaj, imaraykuchus Tata Dios, qanllata yupaychayki.

Isaías 30:26

Chaypacha killaj k'anchaynenqa intej k'anchaynin jina kanqa. Inteqa k'anchasqanmanta qanchis jinatawan jina k'anchanqa, qanchis intikunapis ujllapi k'anchamushanman jina. Chaypachallataj Tata Diosqa ayllunpa k'irisqanta jampenqa, mayqenkunatachus payllataj k'iriykorqa, chayta.

1 Samuel 15:11

Saulta kuraj kamachej kananpaj churasqaymanta sonqoy ukhupi sinch'ita llakikuni, imaraykuchus payqa noqamanta karunchakun, manataj nisqayta junt'anchu, nispa. Chantá Samuelqa sinch'i llakisqa qhepakorqa, tukuy tutantintaj Tata Diosmanta mañakorqa.

1 Samuel 12:23

Noqarí Tata Diosmanta mañapullasqaykichejpuni. Mana mañapuykichejmanchu chayqa, juchalliyman. Jinallataj qankunata yachachisqaykichej imaynatachus sumajta, cheqantataj purinaykichejta.

Números 16:41

41 (17.6) Q'ayantinrí tukuy israelitakunaqa Moisespaj, Aaronpaj ima rimarqanku: Qankunaqa Tata Diospa ayllunta wañurachishankichej, nispa.

Números 14:2

Chantá tukuy israelitakuna Moisespa, chantá Aaronpa contranta ima rimayta qallarerqanku: Walej kanman karqa Egiptopi wañunanchej, chayrí kay ch'inpi wañunanchejpis.

Hechos 7:60

Qonqoriykukuspataj, sinch'ita qhaparerqa: Tukuyta Kamachej Jesusníy, kay ruwasqankumanta ama paykunata juchachaychu, nispa. Chayta niytawantaj, wañorqa.

Génesis 20:17

Chaymanta Abrahamqa Diosmanta mañaporqa. Diostaj Abimelecta, jinallataj warmintapis, chantá warmi kamachinkunatapis thañichillarqataj, paykuna wawayoj kayta atinankupaj.

Éxodo 4:7

Chaymanta Tata Dios nillarqataj: Ujtawan makiykita ojllayniykiman churaykuy, nispa. Moisestaj ujtawan makinta ojllayninman churaykorqa. Makinta orqhospataj, tukuy ukhun jina mana imanasqata rikorqa.

Números 11:2

Chantá israelitakuna qhaparispa, Moisesta yanaparinanta nerqanku. Moisestaj paykunarayku Tata Diosmanta mañaporqa, ninataj wañorqa.

Números 12:12

María ama kachunchu mamanpa wijsanpi wawa wañuspa, asnashaj paqarin jinaqa, nispa.

Salmos 30:2

2 (3) Tata Dios, Diosníy, yanapanawaykita mañakorqayki, qantaj qhaliyachiwarqanki.

Salmos 41:4

4 (5) Noqa nerqani: Tata Diosníy, khuyarikuway ari. Qanpa contraykita juchallikorqani chaypis, onqoyniymanta qhaliyachiway, nispa.

Éxodo 15:26

Chantá Tata Dios paykunaman nerqa: Sichus Tata Diosniykichej parlasqanta tukuy sonqo uyarinkichej, ñawpaqenpitaj cheqanta ruwankichej, chantá kamachisqantataj kasunkichej chayqa, Egipto llajtayojkunaman kachaykorqani, chay onqoykunata mana qankunaman kachaykamusqaykichejchu. Noqa Tata Diosmin qhaliyachisojniykichej kani, nispa.

1 Reyes 13:6

Chantá kuraj kamachej Jeroboanqa Diosmanta sut'inchajta nerqa: Mañakuyki Tata Diosniykimanta mañapunawaykita kay makiy qhaliyapunanpaj, nispa. Diosmanta sut'inchajtaj Tata Diosmanta mañarqa, kuraj kamachejpa makintaj qhaliyaporqa.