Números 11:25 - DIOSPA QHELQACHISQ

²⁵ Chantá Tata Dios chayman phuyupi urayk'amuspa, Moiseswan parlarqa. Chaymantataj Diosqa Moisesman qosqan espiritumanta qanchis chunka kurajkunaman qorqa. Espíritu paykunaman yaykojtinkamataj, Diosmanta sut'incharqanku. Chaymanta qhepamanrí manaña Diosmanta sut'incharqankuñachu.

Qheshwa Biblia DC

²⁵ Señortaj chayman phuyupi uraykamorqa, Moisesmantaj parlarqa. Moiseswan kasharqa chay espiritumantataj, wakinta chay qanchis chunka kurajkunaman qorqa. Espíritu paykunaman chayajtintaj, chay kutilla Diosmanta sut'inchajkuna jina parlayta qallarerqanku.

DIOSPA QHELQACHISQAN DEUTEROCANONICAL

²⁵ Chantá Tata Dios chayman phuyupi urayk'amuspa, Moiseswan parlarqa. Chaymantataj Diosqa Moisesman qosqan espiritumanta qanchis chunka kurajkunaman qorqa. Espíritu paykunaman yaykojtinkamataj, Diosmanta sut'incharqanku. Chaymanta qhepamanrí manaña Diosmanta sut'incharqankuñachu.

Números 11:25 Referans Kwoze

Números 11:17

Noqataj chayman urayk'amuspa, qanwan parlasaj. Chantá qanpi kaj espirituta paykunamanpis qollasajtaj, paykuna kay runakunata pusayta yanapasunankupaj. Ajinamanta qanqa manaña sapallaykichu pusanki.

1 Samuel 10:10

Saulwan, kamachinwan ima Gabaa llajtaman chayajtinku, Diosmanta sut'inchajkuna paykunawan tinkukorqanku. Chaypacha Tata Diospa Espíritun Saulman jamorqa, Saultaj Diosmanta sut'inchajkuna jina paykunawan khuska Diosmanta sut'incharqa.

Números 12:5

Chaymantataj Tata Diosqa phuyupi urayk'amuspa, Dioswan Tinkukuna Toldo punkupi sayarqa. Chantá Mariata, Aarontawan ima wajyarqa. Paykuna qayllaykojtinkutaj,

2 Pedro 1:21

imaraykuchus Diosmanta sut'inchajkuna mana jayk'ajpis runaj munasqanman jinachu sut'incharqanku. Manachayqa Santo Espiritumin Diosmanta sut'inchajkunata yuyaycharqa, paykunataj Diospa sutinpi parlarqanku.

2 Reyes 2:15

Chaypacha Jericomanta sut'inchajkuna Jordán mayoj chimpanmanta chayta qhawamusharqanku. Jinataj ninakorqanku: Eliseoqa Eliaspa cuentanpi qhepakun, nispa. Chantataj paykunaqa Eliseota taripaj rerqanku, qayllaykuspataj, pampakama k'umuykorqanku.

Santiago 1:17

Tukuy ima allin kaj, jinataj k'acha kaj imaqa patamanta jamun, janajpi ch'askakunata ruwaj Tatamanta. Payqa mana uj jinayanchu, nitaj maychus kasqanmanta waj jinaman tukunchu.

1 Corintios 14:32

Chaywanpis Diosmanta sut'inchajqa chay sut'inchanapaj atiywan mana apaykachachikunchu,

Hechos 11:28

Jinapi paykunamanta ujnin Agabo sutiyoj sayarerqa, Santo Espíritoj yuyaychasqan kaspataj, nerqa: Manchay jatun yarqhay jamonqa tukuy suyunchejman, nispa. Chay nisqantaj junt'akorqa Claudio kamachishajtin.

Salmos 99:7

Tata Diosqa phuyu ukhumanta paykunawan parlarqa, paykunataj nisqanta junt'arqanku, tukuy kamachisqantataj kasorqanku.

Éxodo 40:38

P'unchayqa Tata Diospa phuyun Dioswan Tinkukuna Toldo patapi karqa, tutantaj nina k'anchay karqa. Ajinata israelitakunaqa tukuy puriyninkupi sapa p'unchay phuyuta, ninatawan rikorqanku.

Éxodo 34:5

Tata Diostaj phuyupi urayk'amuspa, Moiseswan karqa. Chantá Tata Diosqa paypa sutinta rejsicherqa.

Números 27:18

Tata Diostaj kuticherqa: Nunpa churin Josueta wajyay, imaraykuchus payqa sumaj wakichisqa runa. Chantá umanman makiykita churay.

Jueces 3:10

Otonielmantaj Tata Diospa Espíritun jamorqa, paytaj israelitakunata kamacherqa. Tata Diosqa Otonielta yanaparqa maqanakuman israelitakunata pusajtin, kuraj kamachej Cusán Risatayinta atipanankupaj.

Isaías 63:11

Chantá Moisespa tiemponmanta yuyarikorqanku, nerqankutaj: Maytaj kunan chay Dios, pichus Moiseswan ovejakunata jina michispa mama qochata chimpacherqa, chayri? Maytaj kunan pichus May Llimphu Espiritunta israelitakunaj chawpinkuman churarqa, chayri?

Ezequiel 8:11

Chay lantikunaj ñawpaqenkupitaj Israel ayllumanta qanchis chunka kurajkuna sayasharqanku. Safanpa churin Jazaniaspis paykunawan kasharqa. Chantá sapa ujninku incienso q'oshñichinayoj karqanku, incienso q'oshñitaj phuyu jina llojsisharqa.

Éxodo 32:32

Chaywanpis noqa mañarikuyki, paykunaj juchankuta pampachanaykita. Manachus juchallisqankuta pampachanki chayqa, kunanpacha qhelqaykimanta sutiyta orqhopuway, nispa.

Números 16:25

Chantá Moisés sayarispa, israelitakunaj kurajninkukunawan khuska Datanwan, Abiranwan ima parlaj rerqa.

Números 24:2

Chantá Balaam israelitakunata jatun aylluman jina jarasqata rikorqa. Diospa espirituntaj payman jamorqa.

Nehemías 9:20

Chay jawarí paykunata yachachinaykipaj, k'acha Espirituykita qorqanki. Manataj jayk'ajpis siminkumanta piserqachu janaj pachamanta apachimusqayki t'antaqa. Yakutapis ch'akiyninkuta thasnunankupaj qorqanki.