Números 10:33 - DIOSPA QHELQACHISQ

³³ Ajinata israelitakunaqa Tata Diospa orqonmanta purirerqanku, rerqankutaj kinsa p'unchay puriyta. Tata Diospa trato ruwasqan arcaqa ñawpaqenkuta risharqa, maynejpichus jarakunankuta mask'aspa.

Qheshwa Biblia DC

³³ Ajinata israelitasqa riporqanku Señorpata nisqa chay orqoman, rerqankutaj kinsa día puriyta. Diospa leyninwan kasharqa chay cajontaj ñaupaqenkuta risharqa, maypichus jarakunankuta mask'aspa.

DIOSPA QHELQACHISQAN DEUTEROCANONICAL

³³ Ajinata israelitakunaqa Tata Diospa orqonmanta purirerqanku, rerqankutaj kinsa p'unchay puriyta. Tata Diospa trato ruwasqan arcaqa ñawpaqenkuta risharqa, maynejpichus jarakunankuta mask'aspa.

Números 10:33 Referans Kwoze

Deuteronomio 1:33

Payqa ñawpaqeykichejta rispa, maynejpichus jarakunaykichejta qhawarqa. Tutaqa ninawan k'anchaspa, maynintachus rinaykichejta rikuchisorqachej, p'unchaytaj phuyuwan.

Éxodo 3:1

Jetroqa Madianpi sacerdote karqa. Moisestaj suegron Jetroj ovejankunata michej karqa. Uj kuti ch'innejpi ovejakunata michishaspa, Moisesqa Diospa orqon Horeb nisqaman chayarqa.

Hebreos 13:20

Sonqo tiyaykusqa kawsakuyta qoj Diosqa ovejakunaj jatun Michejnin Jesucristota wañusqamanta kawsaricherqa, jinataj paypa yawar jich'asqanwan noqanchejwan wiñaypaj tratota ruwarqa.

Ezequiel 20:6

Chay p'unchaypi tiluspa, nillarqanitaj: Egiptomanta orqhospa, qankunata pusasqaykichej, mayqen jallp'atachus qankunapaj ajllarqani, chay jallp'aman. Chay jallp'apeqa lechewan, abeja misk'iwan yaku jina puririshan. Chay jallp'aqa tukuy jallp'amanta aswan sumajmin kashan, nispa.

Jeremías 6:16

Tata Dios ayllunman nillantaj: Ñankunapi sayaykuspa, qhawaychej. Chantá ñawpa ñankunamanta tapurikuychej, mayqenchus aswan allin ñan kasqanta. Chantá chay ñanta puriychej, sonqo samariytataj tarinkichej, nispa. Paykunatajrí nerqanku: Manapuni chayninta puriykumanchu, nispa.

Jeremías 3:16

Qankuna jallp'aykichejpi kaspaña, astawan mirajtiykichej, ashkha wawayojñataj kajtiykichej, mana pipis parlanqañachu Tata Diospa trato ruwasqan arcamanta. Manaña pipis chaypi yuyanqañachu, nitaj ujtawan yuyarikunkichejñachu. Manataj pipis watukonqañachu, nitaj qankuna waj mosoj arcata ruwakunkichejchu. Noqa Tata Diosmin chayta nini.

Isaías 66:1

Tata Dios nin: Janaj pachaqa noqaj kamachinay tiyana, kay pachataj chakiypa sarunan. Jina kajtenqa, maypitaj wasita ruwapuwankichejmanri? May cheqapitaj noqaqa samarikusajri?

Isaías 28:12

Paykunaman Dios nisqaña: Kaypi samarikuy tiyan, sayk'usqa kajkunaqa samarikuchunku, nispa. Paykunatajrí mana kasorqankuchu.

Salmos 95:11

Chayrayku sinch'i phiñakuyniypi tiluspa, nerqani: Paykuna samarinankupaj qosqay jallp'aman manapuni yaykonqankuchu, nispa.

1 Samuel 4:3

Chantá israelita soldadokuna jarankuman kutipojtinku, kurajkuna tapunakorqanku: Imaraykutaj Tata Dios filisteokunawan atipaykuchiwanchejri? Silomanta Tata Diospa arcanta apamunachej, noqanchejwan kaspa awqanchejkunamanta jark'akunawanchejpaj, nispa.

Jueces 20:27

Jaqay tiempopeqa Diospa trato ruwasqan arcaqa Betelpi kasharqa,

Josué 4:7

Chaypacha qankuna ninkichej: Maypachachus Tata Diospa trato ruwasqan arca Jordán mayuta chimparqa chaypacha, yakoqa arcaj ñawpaqenpi iskayman p'itikorqa. Kay tawqasqa rumeqa kaypi imachus kasqanta wiñaypaj yuyarikunanchejpaj kanqa, nispa.

Deuteronomio 31:26

Kay qhelqata jap'ispa, Tata Diosniykichejpa trato ruwasqan arcaj qayllanman churaychej, chaypi qankunaj contraykichejpi parlananpaj.

Deuteronomio 9:9

Noqa chay orqoman iskay p'alta rumipi qhelqasqa kamachisqakunata Tata Diosmanta jap'ej wicharerqani, qankunawan Tata Dios tratota ruwarqa, chaykunata. Chaypitaj mana mikhuspa, nitaj imatapis ujyaspa, tawa chunka p'unchayta, tawa chunka tutatawan qhepakorqani.

Números 10:12

Chaypacha israelitakunaqa Sinaí ch'innejmanta purirerqanku. Phuyutaj Parán nisqa ch'innejpi sayarqa.

Éxodo 19:3

Chaymantataj Moisesqa Dioswan parlaj orqoman wicharerqa. Tata Diostaj orqomantapacha payta wajyaspa, nerqa: Jacobpa miraynin israelitakunaman kay jinata willanki:

Isaías 11:10

Chaypacha Yesejpa saphinmanta ijimojqa tukuy suyupaj wiphala jina uj señal kanqa. Tukuy runakuna payta mask'anqanku, tiyakunantaj jatun kayninwan lliphipirenqa.

Jeremías 31:2

Tata Dios nillantaj: Pikunachus maqanakupi wañunamanta llusp'ejkunata ch'innejpi khuyakorqani, Israel ayllukuna samarikuyta mask'ashajtinku, nispa.