Nahúm 1:5 - DIOSPA QHELQACHISQ

⁵ Paypa ñawpaqenpi orqokunapis kharkatitinku, lomakunapis yaku jina unuyarin. Payta rikuspaqa, tukuy jallp'antin kharkatitin. Kay pacha, chaypi tiyakojkunapis kharkatitillankutaj.

Qheshwa Biblia DC

⁵ Paypa ñaupaqempeqa orqos kharkatirinku, chay lomaspis unuyallankutaj ñaupaqempeqa. Tukuy jallp'antin kharkatirin Payta qawaspaqa, kay pachapi tiyakojkunapis kharkatitillankutaj.

DIOSPA QHELQACHISQAN DEUTEROCANONICAL

⁵ Paypa ñawpaqenpi orqokunapis kharkatitinku, lomakunapis yaku jina unuyarin. Payta rikuspaqa, tukuy jallp'antin kharkatitin. Kay pacha, chaypi tiyakojkunapis kharkatitillankutaj.

Nahúm 1:5 Referans Kwoze

Miqueas 1:4

Chakin urapi orqokuna unuyanqanku, imaynatachus ceraqa ninaman churaykojtinchej unuyan, jinata. Vallekunapis iskayman khallasqa kanqanku, imaynatachus purishaj yaku wayq'ota ruwan, jinata.

Jeremías 4:24

Orqokunata qhawarejtiy, manchayta ikharikusharqanku. Tukuy juch'uy orqokunapis kharkatitishallarqankutaj.

2 Samuel 22:8

Chaypacha jallp'aqa sinch'ita kharkaterqa, janajpa cimientonkunapis kharkatiterqanku. Tata Diospa phiñakuyninrayku kuyuchisqa karqanku.

Habacuc 3:10

Orqokunaqa rikususpa, kharkatitinku, parapis patamanta imata jina jich'akamun. Chantá mama qochapis chhika patata oqharikuspa, qhollchoqeyasqanwan manchayta ch'ajwarin.

Salmos 68:8

8 (9) jallp'a kharkatiterqa, janajmantataj paramorqa. Israelpa Diosnin, Sinaí orqopis ñawpaqeykipi kharkatitillarqataj.

Jueces 5:5

Qanmin Israelpa Tata Diosnin kanki. Qanpa ñawpaqeykipeqa orqokunapis kharkatiterqanku. Sinaipis kharkatitillarqataj.

Salmos 114:6

Orqokuna, imajtintaj carnerokuna jina phinkiykacharqankichejri? Moqokuna, imajtintaj oveja uña jina sink'uykacharqankichejri?

Salmos 114:4

Orqokunapis carnero jina phinkiykacharqanku, moqokunataj oveja uña jina sink'uykacharqanku.

Salmos 98:7

Mama qocha qhaparichun, tukuy ima chaypi kajpis. Kay pachapis qhaparichun, tukuy chaypi kawsajkunapis.

Salmos 46:6

6 (7) Tukuy runakuna manchachikuspa qhaparinku, kuraj kamachejkunaj kamachisqanku suyukunapis kharkatitinku. Dios parlarejtinkama, jallp'apis kharkatitillantaj.

Éxodo 19:18

Tukuynin Sinaí orqo q'oshñisharqa, imaraykuchus Tata Diosqa nina chawpipi orqoman urayk'amorqa. Q'oshñeqa hornomanta jina llojsisharqa, tukuynin orqotaj manchayta kharkatiterqa.

Apocalipsis 20:11

Chay qhepata noqa uj jatun yuraj kamachina tiyanata rikorqani, chaypi tiyasqa kashajtawan ima. Paypa ñawpaqenmantataj kay pacha, janajpis chinkasqata chinkarqanku.

San Mateo 28:2

Kaymanta jinataj jallp'aqa ikhakorqa, imaraykuchus Tukuyta Kamachej Diospa uj angelnin janaj pachamanta urayk'amorqa. Aya p'ampanata wisq'aj rumita tijraspataj, chay patapi tiyaykukorqa.

San Mateo 27:51

Chaypachallataj Templopi jatun velo ujllata iskayman llik'irparikorqa patamanta urakama. Jallp'ataj sinch'ita ikhakorqa, chhankakunapis phatararqanku.

Apocalipsis 6:14

Janajpis papel jina k'uyukuspa, chinkariporqa. Tukuy orqokunataj, mama qochapi churukunapis kasqankumanta kuyurichisqa karqanku.

Salmos 18:7

7 (8) Chantá jallp'a sinch'ita khatatiterqa. Orqokunapis tejsinmantapacha kharkatiterqanku Tata Dios phiñakusqanrayku.

Isaías 5:25

Chayrayku Tata Diospa phiñakuynenqa ayllunpa contranta k'ajarin, makintataj jasut'inanpaj oqharin. Orqokunapis kharkatitinku, wañusqakunapis callepi q'opa jina wijch'urayashanku. Chay tukuywanpis Tata Diospa k'araj phiñakuynin manaraj thasnukunchu. Payqa jasut'inanpaj makin oqharisqallapuni kashan.

Isaías 24:1

Tata Dios kay pachata ch'usajllata, q'arallatataj saqenqa. Jallp'a patata t'ustirparenqa, chaypi tiyakojkunatataj ch'eqerachenqa.

Isaías 24:20

Kay pachaqa machasqa runa jina chankaykachanqa, wayraj phukusqan ch'ujlla jinataj kaynejman jaqaynejman wajtaykachakonqa. Diospa contranta oqharikuspa juchallikusqanqa kay pachata manchaytapuni llasaykonqa urmachinankama, manañataj ujtawan sayarenqachu.

Joel 2:10

Jallp'a kharkatitin paykunaj ñawpaqenkupi. Janajpis chujchurin. Intipis, killapis laqhayaykunku, ch'askakunataj ayphuyaykunku.

Zacarías 4:7

Chhika jatun orqo, imataj qan kankiri? Zorobabelpa ñawpaqenpi pampachasqa kanki. Temploj cimientonpaj sumaj kaj rumita orqhoshajtin, runakuna qhaparenqanku: Chayqa manchay k'achitu, may k'achitupuni, nispa.

Malaquías 4:1

1 (3.19) Tukuy Atiyniyoj Tata Dios nin: Horno jina lawraj juicio p'unchay qayllamushanña, chay p'unchaypitaj tukuy jatunchakojkuna, tukuy millayta ruwajkuna ima ichhu jina ruphanqanku. Chay jamoj p'unchaypi ninaqa tukuyninkuta q'olanqa, nitaj imapis paykunamanta puchonqachu.

Job 9:5

Diosqa k'arajta phiñakuspa orqokunata kuyurichin, urmachintaj, nitaj pipis reparanchu.

Job 26:11

Dios mancharichejtin, manchariywan kharkatitinku, may orqopichus janaj pacha atisqa kashan, chaykuna.

Salmos 18:8

8 (9) Diospa senqanmantaqa q'oshñi llojsimusharqa, siminmantataj tukuy imata q'olaj nina jina. K'ajaj ninata jina siminmanta ajtumusharqa.

Salmos 104:32

Tata Dios qhawarimojtin, kay pacha kharkatitin, llankharejtintaj, orqokuna q'oshñirinku.

Jeremías 10:10

Tata Diostajrí cheqa kaj Diospuni, kawsaj Dios, wiñaypaj Kuraj Kamachejtaj. Maypachachus pay phiñakun, chaypacha, kay pacha kharkatitin. Phiñakojtenqa, suyukunapis mana sayayta atinkuchu.

Ezequiel 38:20

Chantá mama qochapi kaj challwakuna, phawaj p'isqokuna, campopi kaj phiña animalkuna, pampata qhatatakuspa purej animalkuna, tukuy kay pachapi kaj runakuna ima ñawpaqeypi kharkatitenqanku. Jatuchaj orqokuna loqherakonqanku, tukuy perqakunataj thuñikuspa, pampaman urmanqanku.

Amós 9:5

Tukuy Atiyniyoj Tata Dios jallp'ata llankhan, jallp'ataj unuyan, chaypi tiyakojkunataj waqanku. Jallp'a oqharikonqa, tiyaykonqataj, imaynatachus Egiptopi Nilo mayu ashkhayantaj, pisiyantaj, jinata.