Nahúm 1:3 - DIOSPA QHELQACHISQ

³ Tata Diosqa mana usqhayllatachu phiñakun. Chaywanpis payqa may atiyniyoj, chayraykutaj juchallejkunata jasut'enqapuni. Tata Dios sinch'i para wayrapi purin, phuyupis chakin urapi jallp'a jinalla.

Qheshwa Biblia DC

³ Señorqa llamp'u sonqo jinapis may atiyniyoj, chayrayku juchallejkunataqa jasut'enqapuni. Sinch'i loco para kajtimpis Señorqa purillan, phuyuspis chakisnimpeqa jallp'a jinalla.

DIOSPA QHELQACHISQAN DEUTEROCANONICAL

³ Tata Diosqa mana usqhayllatachu phiñakun. Chaywanpis payqa may atiyniyoj, chayraykutaj juchallejkunata jasut'enqapuni. Tata Dios sinch'i para wayrapi purin, phuyupis chakin urapi jallp'a jinalla.

Nahúm 1:3 Referans Kwoze

Salmos 147:5

Tukuyta Kamachej Diosqa jatunmin, may atiyniyojtaj, yuyayninpis mana tukukuyniyojmin.

Nehemías 9:17

Mana kasukuyta munarqankuchu, nitaj yuyarikorqankuchu t'ukuna imakunata paykunata khuyaspa ruwasqaykimanta. Aswanpis may rumi sonqo kasqankurayku, Egiptopi wata runa kayman kutiripunankupaj uj kamachejta churakorqanku. Chaywanpis qanqa juchata pampachayta yachaj Diosmin kanki, llamp'u sonqo, khuyakuyniyoj, munakuyniyojtaj. Chayrayku paykunataqa mana saqerparerqankichu.

Salmos 145:8

Tata Diosqa wawa sonqoyoj, khuyakuyniyojtaj. Mana phiñakullanchu, nitaj munakuyninpis tukukunchu.

Salmos 104:3

Yaku patapi tiyakunaykita wasichanki. Phuyukunaqa lliphipirishaj carretayki jina kanku, wayraj lijranpitaj purinki.

Salmos 103:8

Tata Diosqa k'acha khuyaj sonqoyoj, mana usqhayllata phiñakoj, may jina khuyakuyniyojtaj.

Santiago 1:19

Chayrayku, munasqa wawqe panaykuna, uyariyta yachaychej, chantá allinta qhawarikuspa parlaychej, amataj usqhayllata phiñakuychejchu.

Zacarías 9:14

Tata Diosqa maqanakuman ayllunpa ñawpaqenta renqa, jinaspataj, illapata jina flechankunatapis kacharenqa. Tukuyta Kamachej Tata Dios putututa waqachispa, muyoj wayra chawpipi urayninta renqa.

Isaías 66:15

Chantá Tata Dios ninaj chawpinpi jamonqa, maqanakunapaj carretantaj muyoj wayra jina chayamonqa, manchay k'araj phiñakuyninwan paykunata jasut'inanpaj. Paypa jasut'iynintaj nina lawray jina kanqa.

Job 9:4

Diosqa may yachayniyoj, may atiyniyojtaj. Pitaj Diosman sayaykuspa, llimphu llojsiyta suyanmanri?

Números 14:18

Noqa Tata Diosqa mana usqhayllata phiñakojchu kani. Noqaj khuyakuyneyqa may jinamin. Noqaqa millayta ruwajta, mana kasukojtapis qhespichini chaypis, juchayojta mana qhawakullanichu. Aswanpis tatanku mamanku juchallisqankumanta, wawankuta, allchhinkuta, allchhinkoj wawankutapis jasut'ispa ñak'arichini, nispa.

Apocalipsis 1:7

Qhawaychej: Cristo phuyupi jamushan. Tukuy runakuna payta rikonqanku, jinallataj payta t'ojsejkunapis. Kay pachapi kaj chhika runakuna payta manchachikuspa, manchayta waqanqanku. Arí, ajina kachun.

San Mateo 26:64

Jesustaj kuticherqa: Arí, qan ninki. Astawanqa niykichej: Kunanmanta ñawpajman Runaj Churinta rikunkichej Tukuy Atiyniyoj Diospa pañanpi tiyashajta, jinallataj phuyu patapi janaj pachamanta jamushajta ima, nispa.

Jonás 4:2

Chantá Tata Dioswan parlarikuspa, kay jinata nerqa: Ay, Tata Dios, kaytamá nerqani llajtaypi kashaspallaraj. Chayrayku Tarsisman ayqerqani. Yachani ari, khuyakuyniyoj, jatun sonqoyoj, mana usqhayllata phiñakoj, chhikatapuni munakoj Dios ima kasqaykita. Yachallarqanitaj qan: Chay runakunata millayta ruwasqankumanta jasut'isaj, nishaspapis, mana jasut'inaykita.

Daniel (hebreo) 7:13

Chay tutapi mosqoypi jina rikusqayta qhawashaspallapuni, runaj churinman rijch'akojta phuyu chawpipi jamushajta rikorqani. Payqa, maypichus Wiñaymantapacha Kaj kasharqa, chayman risqa, paytataj Wiñaymantapacha Kajman qayllachisqanku.

Isaías 19:1

Isaías Egipto suyoj contranpi sut'inchaspa, kay jinata nerqa: Qhawariychej, Tata Diosqa Egiptoman phuyu patapi usqhayta jamushan. Chantá Egiptopi kaj lantikuna payta rikuytawan, kharkatitenqanku, Egiptomanta runakunataj maytapuni mancharikonqanku.

Salmos 66:3

Diosta niychej: Ruwasqaykeqa manchay t'ukunapaj jina. Jatun atiyniykirayku awqaykikuna ñawpaqeykipi k'umuykonqanku.

Salmos 62:11

11 (12) Uj kuti Dios parlarqa, chaytataj iskay kutita uyarini: Noqaqa Tukuy Atiyniyoj Dios kani, nispa nejta.

Job 38:1

Chantá Tata Dios muyoj wayramantapacha parlamuspa, Jobta nerqa:

Job 10:14

Juchallisajchus manachus, chayta qhawashawarqanki, ajinamanta juchallikojtiy, juchachanawaykipaj.

Joel 2:13

Sinch'i llakisqa kasqaykichejmanta p'achaykichejta llik'inaykichejtaqa sonqoykichejta p'akikuychej, nispa. Tata Diosniykichejman kutirimpuychej, imaraykuchus Tata Diosqa may khuyakuyniyoj, jatun sonqoyojtaj. Jinallataj pay may pacienciayoj, tukuy munakuyniyojtaj. Jasut'inan kashajtinpis, payqa runaj juchanta pampachan.

Salmos 50:3

Diosninchejqa mana ch'inllamantachu jamushan. Ñawpaqenta sinch'i q'olaj nina jamushan, muyuynintataj sinch'i para.

2 Samuel 22:10

Janajta llik'iraspa, pay urayk'amorqa. Chakin urapitaj laqhayarishaj yana phuyu karqa.

Isaías 29:6

noqa Tukuy Atiyniyoj Tata Dios paykunata jasut'isaj, qhon qhonkunawan, jallp'a ikhakuywan, manchay ch'ajwawan, sinch'i wayrawan, llojlla parawan, tukuyta q'olaj ninawan ima.

Jeremías 4:13

Chantá israelitakuna nenqanku: Qhawariychej, awqanchejkuna phuyu jina jamurishanku. Carretankupis sinch'i muyoj wayraman rijch'akunku, caballonkutaj ankakunamantapis aswan usqhayta phawanku. Ay, noqanchejqa imallapichus tukukusunchejpis, nispa.

Oseas 8:7

Israelitakuna wayraman tarporqanku, oqharerqankutaj muyoj wayrata. Trigo chajra mana poqosqanrayku, jak'u mana kanqachu. Sichus poqonman chaypis, waj llajtayojkuna mikhukaponqanku.