Nahúm 1:2 - DIOSPA QHELQACHISQ

² Tata Diosqa celoso, vengakojtaj. Payman sayaykojkunamanta vengakunpuni, awqankunapajtaj sinch'ita phiñakun.

Qheshwa Biblia DC

² Señorqa, celosakuyta vengakuytataj yachaj Diosmin; Payman sayaykojkunamanta vengakunmin, enemigosnimpajpis phiñakullantaj.

DIOSPA QHELQACHISQAN DEUTEROCANONICAL

² Tata Diosqa celoso, vengakojtaj. Payman sayaykojkunamanta vengakunpuni, awqankunapajtaj sinch'ita phiñakun.

Nahúm 1:2 Referans Kwoze

Zacarías 8:2

Noqa Tukuy Atiyniyoj Tata Dios ajinata nini: Sionmanta anchatapuni celosakuni, payta munakusqayrayku.

Éxodo 20:5

Amallataj chaykunaman qonqorikunkichu, nillataj yupaychankichu, imaraykuchus noqamin Tata Diosniyki kani. Noqa celoso kani mana munanichu chay lantikunata yupaychanaykichejta. Noqata chejnikuwaj tata mama juchallisqankumanta imachus kananta chayachisaj, wawankuman, allchhinkuman, chantá allchhinkoj wawankuman ima.

Salmos 94:1

Tata Diosníy, qanmin vengakoj Dios kanki. Chayrayku jasut'ej Dios kasqaykita rejsichikuy.

Éxodo 34:14

Amapuni ni mayqen diosman qonqorikunkichejchu, imajtinchus Tata Diosqa manchay celoso, sutenqa: “Celoso Dios”.

Josué 24:19

Josuetajrí israelitakunata nerqa: Qankunaqa Tata Diosta kasuspa puriyta mana atinkichejchu, imaraykuchus payqa manchay llimphu Diosmin, celosotaj. Payqa mana qhawallanqachu contranpi oqharikusqaykichejta nitaj juchallisqaykichejtapis.

Hebreos 10:30

Noqanchej Tukuyta Kamachej Diospa nisqanta yachanchej: Vengakunaqa noqajtamin, jinataj ruwasqankuman jina noqa pagachikusaj, nispa nisqanta. Nillarqataj: Tukuyta Kamachej Diosqa ayllunta juzganqa, nispa.

Isaías 42:13

Tata Diosqa kallpasapa runa jina rikhurimonqa. Maqanakupi soldado jina phiñakonqa, manchayta qhaparispataj, awqanta atipanqa.

Deuteronomio 4:24

Tata Diosniykichejqa manchay celosomin. Sichus pay jasut'isunkichejman chayqa, tukuy imata ruphaj nina jina tukuchisunkichejman.

2 Pedro 2:9

Ajinata reparanchej, Diosta kasuspa purejkuna juchallinaman tanqasqa kashajtinku, Tukuyta Kamachej Diosqa paykunata kacharichiyta yachasqanta. Pay yachallantaj millayta ruwajkunata juzganan p'unchaypi jasut'isqa kanankupaj jallch'ayta.

Romanos 12:19

Munasqa wawqe panakuna, ama qankuna kikiykichej vengakuychejchu, manachayqa saqeychej Dios millayta ruwajkunata jasut'inanta. Diospa Qhelqachisqanpi nin: Tukuyta Kamachej Dios nin: Vengakunaqa noqajta. Ruwasqankuman jina jasut'ispa, noqa pagachikusaj, nispa.

Miqueas 5:15

15 (14) Ajinamanta sinch'ita phiñakuspa, mana kasuwaj suyukunamanta vengakusaj.

Joel 2:18

Chaypacha Tata Dios ayllunman munakuyninta rikuchenqa, suyunpi kajkunamantataj khuyakonqa.

Ezequiel 39:25

Chayrayku noqa Tukuyta Kamachej Tata Dios nillanitaj: Kunanqa Jacobpa mirayninta kutichimpusaj. Israel ayllumantaqa tukuyninkumanta khuyakusaj, manataj may llimphu sutiyta ch'ichichanankuta saqesajchu.

Ezequiel 6:12

Karupi kajkunaqa onqoywan wañonqanku, qayllapi kajkunataj maqanakupi tinkuspa wañonqanku. Kawsashajkunataj yarqhaywan wañonqanku. Ajinata phiñakuyniyta paykunawan thasnukusaj.

Jeremías 4:4

Judá suyupi, Jerusalén llajtapipis runakuna, noqawan trato ruwasqaykichejta junt'aychej. Sumajta sonqoykichejta wakichiychej yachachisqayta jap'inaykichejpaj. Pajtataj millay ruwasqaykichejrayku phiñakuyniy nina jina k'ajarinman, jap'iykukojtintaj, ni pi thasnuyta atinmanchu, nispa.

Isaías 51:20

Churiykikunaqa yarqhaywan llawch'iyaspa, tukuy ñan patapi wijch'urayashanku, tojllapi jap'isqa taruka jina. Tata Dios k'araj phiñakuyninwan paykunata jasut'erqa, Diosniykitaj paykunata sinch'ita k'amirparerqa.

Isaías 51:17

Jerusalén llajta, rijch'ariy, rijch'arikuy, sayarikuytaj. Qanqa Tata Diospa k'araj phiñakuyninwan junt'a kashan, chay copata makinmanta jap'ispa, ujyarqanki. Qan machanaykikama phiñakuynin copamanta qonchuntinta ujyaykorqanki.

Job 20:23

Yarqhayninta thasnunanpaj mikhushajtin, Diosqa sinch'i phiñakuyninta paypa patanman kachaykonqa. Phiñakuyninta paypa patanman parata jina kachaykonqa.

Levítico 26:28

noqapis qankunaj contraykichejta sayaykusaj. Phiñakuspataj, juchaykichejrayku qanchis kutitawanraj jasut'isqaykichej.

Romanos 13:4

Kamachejqa allinniykipaj Diospa kamachisqanta ruwan. Manatajchus allinta ruwanki chayrí, manchachikuy, imaraykuchus kamachejqa mana qhasipajchu churasqa. Aswanpis payqa Diospa kamachinmin, mana allinta ruwajta jasut'inanpaj.

Zacarías 1:14

Chaymanta Tata Diospa angelnin kamachiwarqa kayta willanayta: Tukuy Atiyniyoj Tata Dios kay jinata nin: Noqa Jerusalentawan, Sión orqotawan sinch'ita munakuni.

Miqueas 7:18

Qan jina Dios mana waj dios kanchu, imaraykuchus qanqa juchaykuta pampachanki, qonqayman churanki puchoj aylluykej juchankuta. Qanqa munakuwasqaykuta rejsichiwayku, nitaj wiñaypajchu phiñakunki.

Ezequiel 38:18

Chaywanpis Tukuyta Kamachej Tata Dios nillantaj: Maypachachus Israelpa contranpi Gog jatarimonqa, chay p'unchaypi k'araj phiñakuyniy phatanqa.

Ezequiel 36:6

Chayrayku Israelpa suyunmanta sut'inchaspa, orqokunata lomakunata, wayq'okunata, vallekunatapis kay jinata niy: Tukuyta Kamachej Tata Dios kay jinata nisunkichej: Waj suyukuna qankunamanta alqochakuspa asikorqanku, noqataj chaymanta manchay k'arajta phiñasqa kashani.

Ezequiel 8:18

Chayrayku sinch'i phiñakuyniywan paykunata jasut'isaj. Paykunamantaqa mana uj chhikallantapis khuyakusajchu, nillataj paykunata saminchasajchu. Jatunmanta qhaparispapis wajyakuwachunku, noqaqa paykunata manapuni uyarisajchu, nispa nerqa Tata Dios.

Ezequiel 5:13

Ajinata ruwaspa, k'araj phiñakuyniyta thasnukusaj. Tukuy phiñakuyniyta qankunawan pagachikusaj sonqoy tiyaykusqa kanankama. Phiñakuyniy tiyaykojtintaj, chaypacha yachankichej noqa Tata Dios qankunamanta celosakuspa chayta nisqayta, nispa.

Lamentaciones 4:11

Tata Dios may jatun k'araj phiñakuyninta kachaykamuspa, phiñakuyninta thasnukorqa. Sión llajtaman ninata jap'iykucherqa, cimientonmantapachataj ushphaman tukucherqa.

Jeremías 36:7

Uyarispa, ichapis Tata Diosmanta mañakunkuman, millay ruwasqankumantataj kutirikunkuman, imaraykuchus Tata Diospa k'araj phiñakuynenqa manchachikunapaj jinamin, nispa.

Jeremías 25:15

Israelpa Diosnin Tata Dios niwarqa: Qhawariy: Kay vasoqa vinowan jina phiñakuyniywan junt'a kashan. Chayta makiymanta jap'ispa, ujyachimuy maymanchus kachasqayki, chay tukuy suyukunaman.

Jeremías 3:5

Qanqa nishawankiraj: Phiñasqallapunichu kanki? Wiñaypajchu noqapaj phiñasqa kanki? nispa. Chayta nishawaspapis, qanqa atisqaykita millay kajta ruwashallankipuni, nispa.

Isaías 66:15

Chantá Tata Dios ninaj chawpinpi jamonqa, maqanakunapaj carretantaj muyoj wayra jina chayamonqa, manchay k'araj phiñakuyninwan paykunata jasut'inanpaj. Paypa jasut'iynintaj nina lawray jina kanqa.

Deuteronomio 7:10

Payta chejnikojkunatarí millayta ruwasqankumanta chinkarparichin, usqhayllatataj jasut'in.

Jeremías 28:8

Manaraj qan, nitaj noqapis kashajtinchej, Diosmanta sut'inchajkuna ashkha suyoj contrankupi, jinataj atiyniyoj kuraj kamachejkunaj contrankupi ima unay willasqankuña maqanakuymanta, yarqhaymanta, onqoymantawan.

Ezequiel 38:19

K'araj phiñakuyniypitaj tiluspa, noqa nini: Chaypacha Israel suyupi sinch'i jallp'a ikhakuy kanqa.

Éxodo 34:7

Munakuyneyqa mana tukukuyniyoj, wiñaypaj kikillanpuni. Chayrayku tukuy millay ruwasqankuta, mana kasukusqankuta, juchallisqankutapis pampachani. Chaywanpis juchallejtaqa mana qhawakullanichu, aswanpis tata mamaj juchallisqankumanta wawankunata, allchhinkunata, allchhinkunaj wawankukamaraj ñak'arichini, nispa.

Números 25:11

Israelitakunaj contrankuta phiñakusqayta Eleazarpa churin Finés tiyaykuchin, imaraykuchus noqajta jinallataj paypa sonqonpis chay juchamanta t'impurerqa. Chayrayku israelitakunaj contrankuta sinch'ita phiñakushaspapis, mana paykunata tukucherqanichu.

Jeremías 50:15

Tukuynejpi maqanakuman yaykunapaj qhapariychej. Babilonia atipasqaña kashan, torrenkuna, phatu perqankunapis thuñisqaña. Kayqa Tata Diospa vengakuyninmin. Babiloniamanta vengakuychej. Imaynatachus qankunawan ruwarqanku, ajinallatataj paykunawanpis ruwaychej.