San Mateo 9:3 - DIOSPA QHELQACHISQ

³ Chaywanpis, Diospa kamachisqanmanta wakin yachachejkuna sonqonkupi nerqanku: Kay runaqa ajinata parlaspa, Diospa contranta rimashan, nispa.

Qheshwa Biblia DC

³ Wakin leymanta yachachejkunataj sonqonku ukhupi nisharqanku: Kay runa Diospis kanman jina parlashan.

DIOSPA QHELQACHISQAN DEUTEROCANONICAL

³ Chaywanpis, Diospa kamachisqanmanta wakin yachachejkuna sonqonkupi nerqanku: Kay runaqa ajinata parlaspa, Diospa contranta rimashan, nispa.

Quechua South Bolivia: Dios Parlapawanchej

³ Waquin yachaysapacuna sonkoncupi nisharkancu: “Cay runaka Dios caskanmanjina parlaspa payta phiñachishan”, nispa.

San Mateo 9:3 Referans Kwoze

San Mateo 26:65

Chayta uyariytawankama, kuraj kaj sacerdote patanchana p'achanta llik'irakuspa, nerqa: Kay runaqa Diospa contranpi millayta riman. Imapajñataj testigokunata munanchejri? Qankuna uyarinkichejña Diospa contranpi imaynatachus millayta rimasqanta.

San Lucas 5:21

Chantá Diospa kamachisqanmanta yachachejkuna, fariseokunawan ima paykuna ukhupi unanchaspa, nisharqanku: Kay runaqa pi kasqantataj yuyakunri, ajinata Diospa contranta rimananpajri? Dioslla juchata pampachayta atin, nispa.

Levítico 24:16

Pichus Tata Diospa contranta rimajtaqa tukuy runakuna rumiwan ch'anqaykuspa, wañuchenqanku. Waj llajtayojpis, chayrí israelitapis kachun wañuchisqa kanqa.

Marcos 14:64

Qankuna uyarinkichejña imaynatachus kay runaqa Diospa contranpi mana allin kajta rimasqanta. Kunanqa, ima ninkichejtaj? nispa. Tukuyninkutaj Jesús juchayojpuni kasqanta nispa qhaparerqanku. Chantá, Jesusta wañuchisqa kananpaj juchacharqanku.

Marcos 7:21

Runaj sonqon ukhumanta kay imakuna llojsimun: Millayta yuyay, khuchichakuy, suwakuy, runata wañuchiy,

San Mateo 7:29

Astawan t'ukorqanku, imaraykuchus Jesusqa kasuchikunapaj jina yachacherqa, manataj Diospa kamachisqanmanta yachachejkuna jinachu.

Números 15:30

Sichus mayqellanpis, israelitapis kachun, chayrí waj llajtayojpis kachun, yachashaspa juchallinman chayqa, noqata manakajpaj qhawawan. Chayrayku chay runaqa israelitakuna ukhumanta wijch'usqa kanqa.

Marcos 3:28

Kayta sut'ita niykichej: Diosqa runakunaj ima juchankutapis, tukuy mana allin rimasqankutapis pampachayta atin.

Marcos 3:29

Santo Espíritoj contranta rimajpatarí, mana jayk'ajpis juchan pampachasqachu kanqa, manachayqa pay wiñaypaj juchachasqa kanqa, nispa.