San Mateo 9:22 - DIOSPA QHELQACHISQ

²² Jesustaj kutirikuytawan, payta qhawarispa, nerqa: Sonqochakuy wawáy, noqapi atinikusqaykirayku qhaliyasqa kanki, nispa. Chaymantapachataj warmeqa qhaliyakaporqa.

Qheshwa Biblia DC

²² Jesustaj kutirikuspa payta qhawarerqa, nerqataj: Sonqochakuy wawáy; feniykirayku thañisqa kanki. Chaymantapachataj warmeqa thañikaporqa.

DIOSPA QHELQACHISQAN DEUTEROCANONICAL

²² Jesustaj kutirikuytawan, payta qhawarispa, nerqa: Sonqochakuy wawáy, noqapi atinikusqaykirayku qhaliyasqa kanki, nispa. Chaymantapachataj warmeqa qhaliyakaporqa.

Quechua South Bolivia: Dios Parlapawanchej

²² Jesusrí cutiricuspa warmita khawarerka. Nerkataj: —Cusicuy, mamáy. Diospi jap'icuskayquiraycu thañiska canqui. Warmeka chaypachita sumajta thañicaporka.

San Mateo 9:22 Referans Kwoze

San Lucas 7:50

Jesustajrí warmita nerqa: Noqapi atinikusqaykirayku qhespichisqa kanki. Chayrayku mana imamanta llakikuspa, ripuy, nispa.

San Mateo 15:28

Jinapi, Jesús payta nerqa: Warmisita, sinch'itapuni noqapi atinikunki. Chayrayku munasqaykiman jina ruwasqa kachun, nispa. Chaymantapachataj chay warmej ususenqa qhaliyaporqa.

San Mateo 9:2

Chaymantaj uj suchu runata apamorqanku, phullupi wantumuspa. Jesustaj paypi atinikusqankuta rikuspa, onqosqata nerqa: Sonqochakuy, wawáy. Juchaykeqa pampachasqaña, nispa.

San Lucas 18:42

Jesustaj nerqa: Ñawiyki rikuchun, noqapi atinikusqaykirayku qhaliyachisqaña kanki, nispa.

San Lucas 17:19

Chaymantataj Jesús chay runata nerqa: Sayarispa, ripullay. Noqapi atinikusqaykirayku qhaliyachisqa kanki, nispa.

San Lucas 8:48

Chantá Jesús nerqa: Wawáy, noqapi atinikusqaykirayku qhaliyachisqa kanki. Kunantaj sonqo tiyaykusqa ripuy, nispa.

Marcos 10:52

Chantá Jesusqa payta nerqa: Ripullay, noqapi atinikusqaykirayku qhaliyasqaña kanki, nispa. Nisqantawankamataj, ñawsa runaqa qhawarerqa. Chantá Jesuswan khuska rerqa.

Marcos 5:34

Jesustaj payta nerqa: Wawáy, noqapi atinikusqaykirayku qhaliyachisqa kanki. Kunanqa sonqo tiyaykusqa ripuy, imaraykuchus manaña ajinata onqoykunkichu, nispa.

San Mateo 9:29

Chantá Jesús ñawinkuta llankhaykuspa, nerqa: Noqapi atinikusqaykichejman jina ruwasqa kachun, nispa.

Hechos 16:18

Ajinallatapuni unayta sapa p'unchay qhaparishajtin, Pabloqa amisqaña kaspa, kutiriytawan sipaspi kashaj supayta nerqa: Jesucristoj sutinpi kamachiyki paymanta llojsinaykita, nispa. Chay ratopachataj chay supayqa sipasmanta llojserqa.

San Juan 4:53

Wawaj tatantaj repararqa chay phanita jina Jesús payman nisqanta: Wawaykeqa kawsashan, nispa. Chantá chay runa, wasinpi tukuy kajkunapis Jesuspi atinikorqanku.

Hebreos 4:2

Ñawpa tatanchejkunaman jina, noqanchejmanpis samarinamanta sumaj willayta willallawarqanchejtaj. Chaywanpis paykuna chay willayta uyarisqankuwanqa mana imatapis tarerqankuchu, chay willasqanta mana jap'ikusqankurayku.

Hechos 14:9

Uj kutipi Pablo Jesusmanta willashajtin chay runaqa Pabloj parlasqanta uyarisharqa. Pablotaj suchu runata qhawarispa, yacharqa Jesuspi atinikusqanta qhaliyapunanpaj.

San Mateo 17:18

Chantá Jesusqa waynapi kaj supayta k'amerqa, supaytaj waynamanta llojserqa. Chaymantapachataj chay waynaqa qhaliyaporqa.

San Mateo 8:13

Chaymanta Jesusqa chay capitanta nerqa: Wasiykiman ripuy, noqapi atinikusqaykirayku munasqayki ruwasqa kachun, nispa. Chayta Jesús nisqantawantaj, capitanpa uywasqan qhaliyaporqa.