San Mateo 9:13 - DIOSPA QHELQACHISQ

¹³ Qankunarí rispa, yachaqamuychej imatachus Diospa Qhelqachisqanpi pay niyta munasqanta: Noqaqa ujkunata khuyanaykichejta munani, mana uywa wañuchisqa q'olachinatachu, nispa. Noqarí mana cheqan runa kasqankuta yuyakojkunatachu wajyaj jamuni, manachayqa juchasapa kasqankuta reparakojkunata, nispa.

Qheshwa Biblia DC

¹³ Rispa yachamuychej, imatachus kay niyta munasqanta: Khuyakuyta munani, mana uywa wañuchisqatachu. Chayrayku, mana cheqanta kausajkunatachu mask'aj jamuni; astawanqa juchasapasllata.

DIOSPA QHELQACHISQAN DEUTEROCANONICAL

¹³ Qankunarí rispa, yachaqamuychej imatachus Diospa Qhelqachisqanpi pay niyta munasqanta: Noqaqa ujkunata khuyanaykichejta munani, mana uywa wañuchisqa q'olachinatachu, nispa. Noqarí mana cheqan runa kasqankuta yuyakojkunatachu wajyaj jamuni, manachayqa juchasapa kasqankuta reparakojkunata, nispa.

Quechua South Bolivia: Dios Parlapawanchej

¹³ Kancunari sumajta yachamuychej Dios cayta niskanta: “Runas qhuyanacunancoka astawan cusichiwan uywa wañuska jaywanasmanta niskaka”. Juchasapasta wajyaj jamorkani paycuna sajra ruwaskasnincuta sakespa Diosman cutirinancupaj. Manataj jamorkanichu chekan cajcunata wajyaj, —nispa.

San Mateo 9:13 Referans Kwoze

Marcos 2:17

Jesustajrí chayta uyarispa, nerqa: Qhalilla kajkunaqa jampikamayojta mana wajyanankuchu tiyan, manachayqa onqosqa kajkunalla. Noqaqa mana cheqan runa kasqankuta yuyakojkunatachu wajyaj jamuni, manachayqa juchasapa kasqankuta reparakojkunata, nispa.

San Lucas 19:10

Runaj Churenqa jamun, chinkasqa kajta mask'aspa, qhespichinanpaj, nispa.

Oseas 6:6

Noqa munakunawaykichejta munani, manataj uywa ñak'asqata jaywanallawaykichejtachu. Diosniykichejta jina rejsikapunawaykichejta munani, manataj uywa ñak'asqata q'olachispa jaywanallawaykichejtachu.

San Lucas 5:32

Noqaqa mana cheqan runa kasqankuta yuyakojkunatachu wajyaj jamuni, manachayqa juchasapa kasqankuta reparakojkunata wajyani Diosman kutirikunankupaj, nispa.

San Mateo 12:7

Qankunachus yachawajchej imatachus niyta munasqanta: Noqaqa ujkunata khuyanaykichejta munani, manataj uywa ñak'asqa q'olachinata jaywanawaykichejtachu nispa chayqa, qankunaqa mana juchayojkunata mana juchachawajchejchu karqa.

Proverbios 21:3

Tata Dios astawan munan cheqan kajta, allin kajtawan ruwananchejta, uywa ñak'asqata jaywananchejmanta nisqaqa.

2 Pedro 3:9

Chantá Tukuyta Kamachej Jesucristoqa kutimusaj nisqanta mana qonqanchu, imaynatachus wakin qonqapusqanta yuyanku, ajinata. Manachayqa Dios tukuy qankunawan pacienciakun, manataj munanchu pipis chinkananta. Aswanpis Dios munan tukuy runakuna payman kutirikunankuta.

Hechos 3:19

Chayrayku Diosman kutirikuychej Jesuspi atinikuspa, juchaykichej pampachasqa kananpaj.

Hechos 11:18

Pedroj nisqanta uyarispa, chay wawqekunaqa manaña imatapis nerqankuchu. Astawanpis Diosta yupaycharqanku, nerqankutaj: Ajinaqa mana judío kajkunapis Diosman kutirikojtinku, Dios paykunamanpis wiñay kawsayta qollantaj, nispa.

San Mateo 3:2

Paytaj nerqa: Diosman kutirikuychej, imaraykuchus janaj pachamanta Dios kay pachapi kamachinanpaj wakichisqaña kashan, nispa.

Hechos 5:31

Diostaj atiyninwan Jesusta aswan pataman oqharerqa Tukuyta Kamachej chantá runata Qhespichej kananpaj. Dios munallantaj noqanchej israelitakuna payman kutirikunanchejta, tukuy juchanchej pampachasqa kananpaj.

San Lucas 24:47

Chantá Jerusalenpi qallarispa, payta qhatikojkuna Jesuspa sutinpi tukuy runaman willananku karqa Diosman kutirikunankuta, ajinamanta Dios juchankuta pampachananpaj.

San Mateo 4:17

Chaymantapacha Jesús kay jinata tukuyman willarayta qallarerqa: Diosman kutirikuychej, imaraykuchus janaj pachamanta Dios kay pachapi kamachinanpaj wakichisqaña kashan, nispa.

Hechos 2:38

Pedrotaj kuticherqa: Sapa ujniykichej Diosman kutirikuychej, jinaspataj, Jesucristoj sutinpi bautizachikuychej, Jesusqa Diospa kachamusqan kasqanta rejsikapuspa. Ajinamanta Dios juchaykichejta pampachanqa, jinataj Santo Espirituta qosonqachej.

San Mateo 3:8

Allinta puriychej ari. Ajinata juchallisqaykichejmanta Diosman kutirikusqaykichejta sut'ita rikuchinkichej.

Hechos 20:21

Ajinallatataj noqa judiokunaman, mana judío kajkunamanpis sut'ita yachacherqani Diosman kutirikunamanta, Tukuyta Kamachej Jesucristopi atinikunamanta ima.

San Mateo 21:42

Chantá Jesús nerqa: Manachu jayk'ajpis Diospa Qhelqachisqanpi kayta ñawirerqankichej? Ajinata nin: Wasi ruwajkunaj qhesachasqanku rumeqa cimiento esquinapaj sumaj rumiman tukupun. Chayqa Tukuyta Kamachej Diospa ruwasqanmin, noqanchejtaj t'ukuspa qhawanchej, nispa.

San Mateo 12:3

Jesustajrí fariseokunata nerqa: Manachu jayk'ajpis ñawirerqankichej David, paywan kajkunawan ima, yarqhachikuspa imatachus ruwasqankumanta?

Marcos 12:26

Wañusqakuna kawsarimuyninmantaqa, manachu ñawirerqankichej Moisespa qhelqasqallanpitaj imatachus Dios lawrashaj t'ankar sach'amanta parlamusqanta? Pay nisqa: Noqaqa Abrahampa Diosnin kani, Isaacpata, Jacobpata ima, nispa.

San Juan 10:34

Chantá Jesús kuticherqa: Kamachisqa qhelqaykichejpi nin: Noqa nini dioskuna kasqaykichejta, nispa.

San Mateo 19:4

Jesustaj kuticherqa: Manachu Diospa Qhelqachisqanpi ñawirerqankichej, imaynatachus kay pachata ruwaj Diosqa qallariypi qharitawan, warmitawan ruwasqanta?

San Mateo 12:5

Chayrí, manachu Moisespa kamachisqanpi ñawirerqankichej, Templopi sacerdotekuna samarina p'unchaypi ruwanankuta junt'ashaspapis mana juchayojchu kasqankuta?

San Lucas 10:26

Jesustaj kutichispa taporqa: Imataj Diospa kamachisqanpi qhelqasqa kashanri? Imatataj ñawirinkiri? nispa.

Marcos 12:33

Chantá Diosta tukuy sonqonchejwan munakuna, tukuy yuyayninchejwan, tukuy kallpanchejwan ima, jinallataj runa masinchejtapis noqanchejta jina munakunanchej tiyan. Chaymin aswan uywa ñak'asqa q'olachinamanta, Diosman waj jaywanata jaywanamanta ima nisqaqa, nispa.

San Lucas 5:31

Jesustajrí kuticherqa: Mana walej kajkunachu jampikamayojta wajyananku tiyan manachayqa onqosqa kajkunalla.