San Mateo 8:2 - DIOSPA QHELQACHISQ

² Chantá llejti onqoyniyoj uj runaqa Jesusman qayllaykorqa, ñawpaqenman pampakama k'umuykukuspataj, nerqa: Wiraqochíy, munankichus chayqa, onqoyniymanta qhaliyachiwayta atinki, Diospa ñawpaqenpi llimphu kanaypaj, nispa.

Qheshwa Biblia DC

² Uj lepra onqoyniyoj runataj, Jesusman qayllaykorqa; ñaupaqenman qonqoriykukuspataj, nerqa: Señor, munanki chayqa, atinki llimphuchawayta.

DIOSPA QHELQACHISQAN DEUTEROCANONICAL

² Chantá llejti onqoyniyoj uj runaqa Jesusman qayllaykorqa, ñawpaqenman pampakama k'umuykukuspataj, nerqa: Wiraqochíy, munankichus chayqa, onqoyniymanta qhaliyachiwayta atinki, Diospa ñawpaqenpi llimphu kanaypaj, nispa.

Quechua South Bolivia: Dios Parlapawanchej

² Ajinapitaj uj manchay chimpa chimpa lepra onkoyniyoj runa Jesusman kayllaycorka. Konkoricuspataj payta yupaychananpaj, mañacorka: —Tucuy atiyniyoj canqui, Señor. Munanqui chayka, llimphuchawaspa atinqui thañichiwayta, —nispa.

San Mateo 8:2 Referans Kwoze

San Mateo 18:26

Chay kamachirí kuraj kamachejpa ñawpaqenman qonqoriykukuspa, maytapuni mañakusqa: Kuraj kamachejníy, suyarillawayraj ari, chantá tukuyninta qopullasqayki, nispa.

San Mateo 15:25

Chaywanpis chay warmi qayllaykuspa, Jesuspa ñawpaqenpi pampakama k'umuykorqa, chantataj nerqa: Wiraqochíy, ama jina kaspa, yanaparillaway ari, nispa.

1 Corintios 14:25

Ajinamanta sonqon ukhupi pakasqa kaj sut'inchasqa kanqa, paytaj qonqorikuspa, Diosta yupaychanqa: Cheqapuni Dios qankunawan kashan, nispa.

Hechos 10:25

Jinapi Pedro wasiman yaykushajtin, Cornelio taripaj llojsimuspa, Pedroj ñawpaqenman pampakama k'umuykukorqa payta yupaychananpaj.

San Juan 9:38

Chantá chay runa nerqa: Tukuyta Kamachej, qanpi atinikuni, nispa. Chantá Jesuspa ñawpaqenpi qonqoriykukuspa, payta yupaycharqa.

San Mateo 28:17

Paykunataj Jesusta rikuspa, payta yupaycharqanku. Wakinkunarí iskayrayasharqanku.

San Lucas 4:27

Jinallataj Israel suyupeqa Diosmanta sut'inchaj Eliseoj tiemponpi llejtiwan onqosqa ashkha runakuna karqanku. Chaywanpis mana ni mayqenninku qhaliyachisqachu karqa, manachayqa Siria llajtayoj Namanlla, nispa.

San Mateo 26:6

Chaykama Jesús Betania llajtapi kasharqa, Simonpa wasinpi, pichus ñawpajta llejti onqoyniyoj karqa, chaypapi.

San Mateo 20:20

Chaypacha Zebedeoj warminwan, churinkunawan ima Jesusman qayllaykorqanku. Warmitaj Jesuspa ñawpaqenpi qonqoriykukuspa, uj imata mañakorqa.

San Mateo 14:33

Chaymantataj botepi kajkuna Jesusman qayllaykuspa, k'umuykukorqanku, nerqankutaj: Qanpuni Diospa Churin kanki, nispa.

San Mateo 13:58

Chay llajtayojkuna Jesuspi mana atinikusqankurayku, payqa mana ashkha t'ukuna imakunata ruwarqachu.

San Mateo 9:18

Jesús chay imakunata parlashajtinraj, judiokunamanta uj kamachej runa payman qayllaykorqa, ñawpaqenpi qonqorikuspataj, nerqa: Ususiy kunallanraj wañorqapun. Ama jina kaspa jamuy ari, makiykita payman churajtiyki, pay kawsarenqa, nispa.

2 Reyes 15:5

Tata Diostajrí Azariasta llejti onqoywan onqoykucherqa wañupunankama. Azariasqa sapan uj wasipi tiyakorqa, churin Yotantaj kamachinan wasita, jinataj tukuy suyuta sutinpi kamacherqa.

2 Reyes 5:27

Chayrayku Namanpa qosqanta jap'ikusqaykirayku, llejti onqoynin qanman wiñaypaj chimpaykusonqa, jinataj mirayniykimanpis, nispa. Jinamanta Guejaziqa Eliseoj ñawpaqenmanta llejti onqoyniyoj, rit'i jina yurajlla llojserqa.

Números 12:10

Chantá phuyu Dioswan Tinkukuna Toldomanta oqharikojtinkama, Mariaqa yurajpacha llejti onqoyniyoj rikhurerqa. Aarón Mariata qhawarispataj, llejti onqoyniyoj kashasqanta rikorqa.

Apocalipsis 19:10

Chayta ángel nejtin, noqaqa payta yupaychanaypaj chakin chaynejman pampakama k'umuykorqani. Paytajrí niwarqa: Ama chayta ruwaychu. Noqaqa qan jina, chantá Jesuspa nisqanta jap'ikoj wawqe panaykikuna jina Diospa kamachillantaj kani. Qanqa Diosllata yupaychay, imaraykuchus Diosmanta sut'inchajkunaj nisqankoqa, Jesusmanta willanallapajpuni runaj sonqonta aysan, nispa.

San Mateo 28:9

Jinata rishajtinku, Jesús ujllata paykunaman rikhurerqa, paykunatataj napaykorqa. Paykunataj Jesusman qayllaykuytawan, qonqoriykukuspa chakinta ojllaykorqanku, paytataj yupaycharqanku.

San Mateo 10:8

Chantá onqosqakunata qhaliyachiychej, wañusqakunatataj kawsarichiychej. Jinallataj llejti onqoyniyojkunata qhaliyachispa llimphuchaychej, supaykunatapis runakunamanta qharqoychej. Qankunaqa kay atiyta qhasilla jap'erqankichej. Chayrayku chay ruwasqaykichejmantaqa ama pagachikuychejchu.

San Mateo 4:9

Jesustataj nerqa: Noqa kay tukuy imata qosqayki, sichus qan qonqoriykukuspa, yupaychawanki chayqa, nispa.

San Mateo 2:11

Wasiman yaykuspataj, wawata, María mamantawan rikorqanku, qonqoriykukuspataj, wawata yupaycharqanku. Chantá, q'epinkumanta imatachus apamusqankuta orqhospa qorita, inciensota, mirratawan ima jaywarqanku.

2 Reyes 5:1

Uj runa Namán sutiyoj, Siria suyumanta soldadokunata kamachej karqa. Payqa Siriapi kuraj kamachejpaj manchay respetowan qhawasqa karqa, imaraykuchus paynejta Tata Diosqa Siria suyu atipananpaj yanapasqa. Chay runa maqanakunapaj may jina wapu kashaspapis, llejtiwan onqosqa karqa.

2 Samuel 3:39

Diospa churasqan kuraj kamachej kani chaypis, mana kallpayoj jina kashani, Seruyáj churinkuna chay millayta ruwasqankurayku. Tata Diosqa chay juchankuman jina kutichipuchun ruwajkunamanqa, nispa.

San Mateo 8:1

Jesús orqomanta urayk'amusqantawan, ashkha runakuna payta qhaterqanku.

San Mateo 8:25

Chantá yachachisqankuna Jesusman qayllaykuytawan rijch'arichispa, nerqanku: Wiraqochi, yanapawayku ari, yakuman chinkaykushanchejña, nispa.

Hechos 10:14

Pedrotajrí kuticherqa: Tukuyta Kamachej Jesusníy, manapuni noqaqa kunankama ni jayk'aj mikhorqanichu Moisespa kamachisqanpi imatachus ch'ichipaj qhawasqa kasqanta nin, chaykunata, nispa.