San Mateo 8:16 - DIOSPA QHELQACHISQ

¹⁶ Ch'isiyaytaña, chay llajtayojkunaqa Jesusman supayniyoj ashkha runata pusamorqanku. Paytaj uj simita nispalla, chay runakunamanta supaykunata qharqorqa. Ajinallatataj tukuy onqosqakunatapis qhaliyacherqa.

Qheshwa Biblia DC

¹⁶ Ch'isiyaytataj, Jesusman pusamorqanku ashkha supayniyoj runakunata. Paytaj uj simillawan jawaman supaykunata qharqorqa. Ajinallatataj tukuy onqosqastapis thañicherqa.

DIOSPA QHELQACHISQAN DEUTEROCANONICAL

¹⁶ Ch'isiyaytaña, chay llajtayojkunaqa Jesusman supayniyoj ashkha runata pusamorqanku. Paytaj uj simita nispalla, chay runakunamanta supaykunata qharqorqa. Ajinallatataj tukuy onqosqakunatapis qhaliyacherqa.

Quechua South Bolivia: Dios Parlapawanchej

¹⁶ Ch'isiyaycuytari ashqha supayniyojcunata Jesusman runas pusamorkancu. Paytaj ujta parlaskallanwan chay supaycunata kharkorka. Tucuy onkoskastataj thañicherka.

San Mateo 8:16 Referans Kwoze

Éxodo 15:26

Chantá Tata Dios paykunaman nerqa: Sichus Tata Diosniykichej parlasqanta tukuy sonqo uyarinkichej, ñawpaqenpitaj cheqanta ruwankichej, chantá kamachisqantataj kasunkichej chayqa, Egipto llajtayojkunaman kachaykorqani, chay onqoykunata mana qankunaman kachaykamusqaykichejchu. Noqa Tata Diosmin qhaliyachisojniykichej kani, nispa.

San Lucas 4:40

Inti yaykuykushajtinña, runakuna imaymana onqoyniyojkunata Jesusman pusamorqanku, paytaj sapa ujta makinwan llankhaykuspa, qhaliyacherqa.

San Mateo 14:14

Jinapi Jesús botemanta llojsishaspa, ashkha runata rikorqa. Paykunamanta khuyakuspataj, tukuy onqosqakunata qhaliyacherqa.

Hechos 5:15

Jinallataj runakunaqa onqosqakunatapis calleman orqhospa, chaypi suyachej kanku phullupi sirisqata chayrí kallapupi ima, Pedro chaynejta purishajtin, mayqellanmanpis llanthun chayaykunanpaj.

Marcos 5:8

Chayta nerqa, imaraykuchus Jesús kamachisqa: Millay sajra supay, chay runamanta llojsiy, nispa.

San Mateo 12:22

Uj kuti runakunaqa Jesusman pusarqanku supayniyoj ñawsa opa runata, Jesustaj payta qhaliyacherqa. Ajinamanta chay runaqa parlarerqa, qhawarerqataj.

Marcos 2:3

Jinapi tawa runakuna uj suchu runata wantupi apamorqanku.

San Mateo 9:2

Chaymantaj uj suchu runata apamorqanku, phullupi wantumuspa. Jesustaj paypi atinikusqankuta rikuspa, onqosqata nerqa: Sonqochakuy, wawáy. Juchaykeqa pampachasqaña, nispa.

Marcos 9:25

Chantá ashkha runakuna tantakamushajta rikuspa, Jesús chay supayta k'amerqa: Kay waynata opayachej, joq'arayachej supay, noqa kamachiyki: Llojsiy paymanta, amataj ujtawan payman kutiykunkichu, nispa.

San Mateo 8:33

Chayta rikuspa, khuchikunata michejkuna ayqerqanku. Llajtaman chayaspataj, supayniyoj runakunata imachus qhatirisqanta willarqanku.

San Mateo 8:15

Chantá, Jesús onqosqaj makinta llankharejtinkama, k'aja onqoyninmanta qhaliyaporqa. Jatarimuspataj, payqa mikhunata paykunaman jaywarqa.

San Lucas 4:41

Jinallatataj supaykuna ashkha onqosqakunamanta qhaparispa llojsirarqanku: Qanqa Diospa Churin kanki, nispa. Jesustajrí chay supaykunata k'amispa, ch'inyacherqa, imaraykuchus paykuna yacharqanku pay Diospa kachamusqan Cristo kasqanta.

San Lucas 13:12

Chantá Jesús chay warmita rikuytawan, payta wajyaspa, nerqa: Warmisita, onqoyniykimanta qhaliyachisqaña kanki, nispa.