San Mateo 8:11 - DIOSPA QHELQACHISQ

¹¹ Nillaykichejtaj: Ashkha runa inti llojsimuynejmanta jamonqanku, inti yaykuynejmanta ima. Chantá Diospa janaj pacha kamachiyninpi paykuna Abrahamwan mikhonqanku, Isaacwan, Jacobwan ima.

Qheshwa Biblia DC

¹¹ Niykichej ari: Ashkha runakuna jamonqanku inti llojsimuynejmanta, inti yaykuynejmanta ima. Janaj pachapitaj Diospa reinompi mikhonqanku Abrahamwan, Isaacwan. Jacobwan ima.

DIOSPA QHELQACHISQAN DEUTEROCANONICAL

¹¹ Nillaykichejtaj: Ashkha runa inti llojsimuynejmanta jamonqanku, inti yaykuynejmanta ima. Chantá Diospa janaj pacha kamachiyninpi paykuna Abrahamwan mikhonqanku, Isaacwan, Jacobwan ima.

Quechua South Bolivia: Dios Parlapawanchej

¹¹ Astawanpis niyquichej ashqha runas tucuy cay pachamanta jamunancuta. Paycunaka Dios camachin, chaypi cusiywan miqhonkancu cusca jatun tatasninchej —Abrahamwan, Isaacwan Jacobwanpis.

San Mateo 8:11 Referans Kwoze

Efesios 3:6

Chay pakasqa wakichisqaqa kaymin: Jesucristoj sumaj willayninnejta mana judío kajkuna judiokunawan khuska qhespichisqa kanata jap'inkichej. Jinallataj judiokunawan uj ayllulla kankichej, chantá Dios imatachus qonanta nisqanta jap'illankichejtaj Jesucristoman ujchasqa kasqaykichejrayku.

Malaquías 1:11

Tukuy kay pachapi runakuna sutiyta jatunpaj qhawanku. Tukuynejpi inciensota noqapaj q'oshñichinku, ofrendatapis maychus qonawankuta qowanku, imaraykuchus suteyqa tukuy suyukunapi manchay uyarisqa. Ajinata noqa Tukuy Atiyniyoj Tata Dios nini.

San Lucas 12:37

Kusikuyniyojmin kanqanku chay kamachikuna, pikunatachus patronninku chayamuspa, rijch'arisqata taripanqa, chaykuna. Sut'ita niykichej: Kikin patronninku paykunata tiyaykuchispa, mikhunata jaywanqa.

Colosenses 3:11

Chay mosoj kawsaypitaj manaña imananchu mana judío kasqanchej, chayrí judío kasqanchej, nitaj circuncidasqa kasqanchej, chayrí mana circuncidasqa kasqanchej ima. Manallataj imananchu yachayniyoj kana, mana yachayniyoj kanapis, nitaj wata runa kana, chayrí mana wata runa kanapis. Manachayqa Cristolla aswanmin, paytaj tukuyninchejpi tiyakushan.

Hechos 11:18

Pedroj nisqanta uyarispa, chay wawqekunaqa manaña imatapis nerqankuchu. Astawanpis Diosta yupaycharqanku, nerqankutaj: Ajinaqa mana judío kajkunapis Diosman kutirikojtinku, Dios paykunamanpis wiñay kawsayta qollantaj, nispa.

Hechos 10:45

Jinataj pikunachus Jopemanta Pedrowan jamoj judío wawqekunapis t'ukushaj qhepakorqanku, Diosqa mana judío kajkunamanpis Santo Espirituta qosqanmanta.

San Mateo 24:31

Noqataj angelniykunata kachamusaj, trompetata sinch'ita waqachispa. Paykunataj tukuy ajllasqaykunata tantanqanku kay pachaj ujnin k'uchunmantapacha, janajpa ujnin kantunkama.

Isaías 59:19

Inti yaykuynejpi tiyakojkunaqa Tata Diosta manchachikonqanku. Jinallataj inti llojsimuynejpi tiyakojkunapis Tata Diosta jatunchanqanku, imaraykuchus payqa ashkha mayu yaku jina manchayta llump'irimonqa, sinch'i wayraj apamusqan.

Apocalipsis 7:6

Aser jatun ayllumanta 12.000, Neftalí jatun ayllumanta 12.000, Manasés jatun ayllumantataj 12.000 sellasqa karqanku.

2 Tesalonicenses 1:5

Chay ñak'arisqaykichejqa yachayta qoshan Diospa juicion cheqan kasqanmanta, qankunataj Diospa kamachiyninman yaykunapaj jina kasqaykichejmanta ima. Chayrayku chay jinata ñak'arishankichej.

1 Corintios 15:20

Chaywanpis Cristo wañusqamanta kawsarimpusqanqa jinapuni. Pay wañojkunamanta ñawpajta kawsarimoj kaspa, yachayta qon qhepanejman wajkunapis kawsarimunallankutataj.

1 Corintios 6:9

Manachu yachankichej mana cheqan kajta ruwajkunaqa Diospa kamachiyninman mana yaykunankuta? Ama q'otiyachikuychejchu: Khuchichakuypi purejkuna, lantikunata yupaychajkuna, warminkuta qosankuta wasanchaspa wajwan khuchichakojkuna, qhari kashaspa warmiman tukojkuna, qharipura jinanakojkunapis Diospa kamachiyninman mana yaykonqankuchu.

Hechos 14:27

Chantá Antioquiaman chayaytawan, Pablowan Bernabewan ima iglesiata tantaykuspa, willarqanku imaynatachus Dios tukuy imapi paykunata yanapasqanta. Willallarqankutaj imaynatachus Dios mana judío kajkunapajpis punkuta kicharisqanta, paykunapis Jesuspi atinikunankupaj.

Hechos 14:22

Chay llajtakunapitaj paykuna Jesuspi atinikojkunata kallpacharqanku Jesusta qhatikusqankupi sinch'ita sayanankupaj, nerqankutaj: Diospa kamachiyninman yaykunanchejpaj noqanchej tukuy imaynamanta ñak'arinanchejpuni tiyan, nispa.

San Lucas 16:22

Uj p'unchay chay wajcha runa wañuporqa, angelkunataj almanta pusarqanku, maypichus Abraham kashan, chayman. Qhapaj runapis wañupullarqataj, runakunataj payta p'ampamorqanku.

San Mateo 3:2

Paytaj nerqa: Diosman kutirikuychej, imaraykuchus janaj pachamanta Dios kay pachapi kamachinanpaj wakichisqaña kashan, nispa.

Daniel (hebreo) 2:44

Chay kuraj kamachejkuna kamachishajtinku, janaj pachapi kaj Tata Dios mana jayk'aj chinkachisqa kanan kamachiyninta sayarichenqa, manataj mayqen suyupis payta atipanqachu. Astawanpis payqa tukuynin waj suyukunata tukuchenqa, paypa suyuntaj wiñaypaj sayanqa.

Jeremías 16:19

Chantá noqa Jeremías nerqani: Tata Dios, qanmin kallpay, waqaychawajniytaj kanki. Ñak'ariypi qanllamin pakakunay kanki. Qanman kay pachaj k'uchunmantapacha jamuspa, nisonqanku: Ñawpa tatanchejkunaj diosninkoqa qhasi manakaj ni imapaj walej dioskunalla kasqanku.

Isaías 52:10

Tata Diosqa makinta q'empirakun atiyninta rikuchinanpaj tukuy suyoj ñawpaqenkupi. Chantá tukuy kay pachaj k'uchunpi tiyakojkunaqa Diosninchej kacharichiwasqanchejta rikonqanku.

Isaías 49:6

Pay niwan: Qanqa kamachiy kanki, mana Jacobpa ayllullantachu watej sayarichinaykipaj, nitaj Israelmanta puchojkunallatachu kutirichimunaykipaj. Aswanpis waj suyukunapaj k'anchay jina kanaykipaj churayki, noqa qhespichej kasqayta tukuy kay pachaj k'uchunkama willamunaykipaj, nispa.

Isaías 11:10

Chaypacha Yesejpa saphinmanta ijimojqa tukuy suyupaj wiphala jina uj señal kanqa. Tukuy runakuna payta mask'anqanku, tiyakunantaj jatun kayninwan lliphipirenqa.

Salmos 98:3

Payqa Israel ayllunrayku khuyakuyninta, cheqa kaynintawan ima mana qonqarqachu. Tukuy kay pachapi runakunaqa Diosninchejpa atipasqanta rikorqanku.

Salmos 22:27

27 (28) Tukuy kay pachamanta runakunapis Tata Diosmanta yuyarikuspa, payman kutirikullanqankutaj, ñawpaqenpitaj tukuy runakuna qonqorikonqanku,

Génesis 49:10

Judá ayllumanta kamachina varata ni pi qhechonqachu. Nillataj pipis mirayninpa makinmanta kamachina varata qhechonqachu varaj dueñon chayamunankama, pichus tukuy kay pachata kamachenqa, chay.

Génesis 28:14

Mirayniykeqa t'iyu jina mana yupay atina kanqa, paykunataj wichaynejman, uranejman, inti llojsimuynejman, inti yaykuynejman ima junt'aykonqanku. Qannejta, jinallataj mirayniykinejtapis kay pachapi tukuy runakuna saminchasqa kanqanku.

Génesis 22:18

Nisusqayta kasuwasqaykiraykutaj noqa kay pachapi tukuy runata mirayniykinejta saminchasaj, nispa.

Génesis 12:3

Qanta saminchasojkunata noqa saminchasaj, qanta maldicisojkunatatajrí maldicillasajtaj. Jinallataj qannejta kay pachapi tukuy runata saminchasaj, nispa.

Isaías 49:12

Aylluymanta kajkunaqa karumanta kutimonqanku. Wakenqa wichaynejmanta, wakintaj inti yaykuynejmanta jamonqanku, wakintaj Egipto suyupi Sinim llajtamanta.

San Mateo 8:10

Jesús chayta uyarispa, t'ukorqa. Paywan rejkunatataj nerqa: Kayta sut'ita niykichej: Kay runa noqapi atinikusqanta jinaqa, Israel ayllupi mana ujtapis tarinichu.

San Mateo 21:41

Kurajkunataj kuticherqanku: Chay millayta ruwaj llank'ajkunata mana khuyaspa wañurachenqa, jallp'antataj waj llank'ajkunaman qonqa, pikunachus poqoymanta partenta qoponqanku, chaykunaman, nispa.