San Mateo 7:7 - DIOSPA QHELQACHISQ

⁷ Diosmanta mañakuychej, qosonqachejtaj. Dios kutichisunanta mask'aychej, tarinkichejtaj. Punkutapis takallaychejpuni, Diostaj kicharimusonqachej.

Qheshwa Biblia DC

⁷ Mañakuychej, qosqaykichejtaj; mask'aychej, tarinkichejtaj; punkuta takaychej, kicharisonqachejtaj.

DIOSPA QHELQACHISQAN DEUTEROCANONICAL

⁷ Diosmanta mañakuychej, qosonqachejtaj. Dios kutichisunanta mask'aychej, tarinkichejtaj. Punkutapis takallaychejpuni, Diostaj kicharimusonqachej.

Quechua South Bolivia: Dios Parlapawanchej

⁷ ‘Diosmanta mañacullaychejpuni, payka kosonkachejtaj. Masc'aychejpuni, Dioska tarichisonkachejtaj. Wajyallaychejpuni Diostaj puncuta kancunaman quicharisonkachej.

San Mateo 7:7 Referans Kwoze

San Mateo 21:22

Kikillantaj sichus qankuna Diospi atinikuspa imatapis paymanta mañakunkichej chayqa, mañakusqaykichejta jap'inkichej, nispa.

1 Juan 3:22

Jinallataj Diosqa tukuy mañakusqanchejta qowasunchej, imaraykuchus kamachisqanta kasunchej, jinataj imachus payta kusichin, chaytapis ruwanchej.

San Juan 15:7

Sichus qankuna noqaman ujchasqallapuni kaspa, tukuy nisqayta kasunkichej chayqa, munasqaykichejta Diosmanta mañakuychej, paytaj qosonqachej.

Marcos 11:24

Chayrayku noqa niykichej: Diosmanta imatapis mañakuspaqa, jap'inaykichejtapuni creeychej, jap'inkichejtaj.

Jeremías 33:3

Mañakuway, noqataj t'ukuna imakunata, chantá mana yachasqayki imakunata ima rejsichisqayki.

San Mateo 6:33

Aswanpis qankunaqa Dios kuraj kamachejniykichej kananta tukuy sonqo munaychej, chayman jina cheqan kawsaytapis ñawpajta mask'aychej, jinapitaj Diosqa chay waj imakunata yapata jina qosonqachej.

San Mateo 7:8

Pichus Diosmanta mañakojqa jap'in, mask'ajtaj tarin, punkuta takajpajpis Dios punkuta kicharin.

San Juan 15:16

Mana qankunachu ajllawarqankichej, aswanpis noqa qankunata ajllarqaykichej. Chantá churarqaykichej, rispa ashkha poqoyniyoj yura jina kanaykichejpaj, chay ruwasqaykichejtaj unaypaj kananpaj. Ajinamanta tukuy imatachus noqaj sutiypi Tata Diosmanta mañakusqaykichejta pay qosonqachej.

Hebreos 11:6

Diospi mana atinikuspaqa, mana pipis atinmanchu Diospa ñawpaqenpi allinpaj qhawasqa kayta, imaraykuchus Diosman qayllaykojqa pay kasqantapuni tukuy sonqo creenan tiyan. Yachanallantaj tiyan, pikunachus Diosta tukuy sonqo mask'anku, chaykunaman Diosqa sumaj t'inkata qonanta.

Proverbios 8:17

Noqaqa pichus munakuwajta munakuni. Pikunachus tukuy sonqo mask'awajkunataj tariwanku.

Salmos 10:17

Tata Dios, pisi tiyapuyniyojkunaj mañakusqankuta uyarinki. Qan paykunaj sonqonkuta oqharinki, uyarinkitaj.

San Juan 4:10

Jinaqa Jesús kutichispa, nerqa: Qanqa Dios imatachus qosuyta munasqanta mana yachankichu, nillataj pichus yakuta mañakusojtapis rejsinkichu. Yachawajchus chayqa, noqamanta yakuta mañakuwankiman, noqataj kawsachej yakuta qoykiman, nispa.

San Mateo 18:19

Kaytapis nillaykichejtaj: Sichus qankunamanta iskay ukhu kay pachapi uj sonqolla kawajchej Diosmanta imatapis mañakunaykichejpaj chayqa, janaj pachapi kashaj Tata Diosneyqa imatachus mañakusqaykichejta qosonqachej.

Amós 5:4

Tata Diosqa israelitakunaman nillantaj: Noqaman kutirikamuwaychej kawsanaykichejpaj.

Santiago 5:15

Paykuna tukuy sonqo mañapojtinkutaj, onqosqa runa qhaliyaponqa, Tukuyta Kamachej Diostaj payta sayarichenqa. Sitajchus juchallikorqa chayqa, Diosqa juchallisqanta pampachallanqataj.

Salmos 27:8

Sonqoyqa niwan: Tata Diosta mask'ay, nispa, noqataj, Tata Dios, qanta mask'ayki.

San Lucas 18:1

Uj kuti Jesusqa uj rijch'anachinata willaspa, yachacherqa mana sayk'uspa Dioswan parlarikunapuni kasqanta.

San Mateo 7:11

Qankunachus mana allin runakuna kashaspa, allin kajta wawaykichejkunaman qoyta yachankichej chayqa, astawanraj janaj pachapi kaj Tataykichejqa mañakojkunaman allin kajta qonqa.

Salmos 50:15

Llakiykuna qhatirisojtin, wajyakuway, noqataj kacharichisqayki. Chaymantataj qan jatunchawanki, nispa.

TAKIYKUNA 3:2

Chantá jatarikuspa, tukuynin llajtata mask'aspa purerqani. Tukuy ñankunanejta, plazakunanejta sonqoypa munasqanta mask'arqani, nitaj tarikaporqanichu.

Romanos 2:7

Allinta ruwaspa mana sayk'ojkunaman Dios wiñay kawsayta qonqa, pikunachus Diospa ñawpaqenpi jatunpaj qhawasqa kayta mask'anku, mana jayk'aj wañuyta ima, chaykunaman.

Salmos 119:12

Tata Dios, noqa jatunchayki. Kunantaj kamachisqaykita yachachiway.

Salmos 86:5

Tukuyta Kamachej Dios, qan k'acha kanki, runaj juchanta qhespichiyta yachanki, qanta wajyakojkunapajtaj jatun munakuyniyoj kanki.

Salmos 70:4

4 (5) Qanta tukuy mask'asojkunarí kusiywan junt'asqa kachunku. Qhespichinaykita munajkuna nichunku: Dios jatunchasqapuni kachun, nispa.

Salmos 69:32

32 (33) Chayta rikuspa, ñak'arichisqa kajkunapis kusikullanqankutaj, Diosta mask'ajkunaj sonqonkutaj kusiywan qhallallarenqa,

1 Reyes 3:5

Uj ch'isi Tata Diosqa Gabaonpi Salomonman mosqoypi rikhurispa, payta nerqa: Mañakuway imatachus munasqaykita, noqataj qosqayki, nispa.

Salmos 10:4

Payqa Diosta mana mask'anchu. Chantá nin: Dios mana kanchu. Cuentata mañawajqa mana pipis kanchu, nispa. Yuyayninpeqa Diospi yuyana mana kanchu.

Romanos 3:11

Yuyayniyojqa mana pipis kanchu, nillataj Diosta mask'ajpis.

San Lucas 13:25

Wasiyoj runa punkuta wisq'ajtinña, qankunaqa jawapi rikhurispa, punkuta takankichej: Tukuyta Kamachej, kichaririwayku, nispa. Paytajrí kutichisonqachej: Mana rejsiykichejchu, manataj yachanichu maymantachus kasqaykichejta, nispa.

Salmos 34:4

4 (5) Tata Diosta qhaparikorqani, paytaj uyariwarqa, jinataj tukuy manchachikusqaymanta pay librawarqa.

Salmos 37:4

Tata Diosta munakuspa, mayta kusikuy, paytaj sonqoykej munasqanta qosonqa.

Isaías 30:19

Sionmanta runakuna, pikunachus Jerusalén llajtapi tiyakushankichej, qankuna manaña astawan waqankichejchu. Khuyakoj Tata Dios yanapananta mañakusqaykichejta uyarisonqachejpacha.

Génesis 26:32

Chay kikin p'unchayllataj Isaacpa kamachinkuna willaj jamorqanku, allasharqanku chay pujyupi yakuta tarisqankumanta.