San Mateo 7:22 - DIOSPA QHELQACHISQ

²² Chay p'unchaypeqa ashkha niwanqanku: Tukuyta Kamachej, manachu sutiykipi sut'incharqayku, sutiykipitaj runakunamanta supaykunata qharqorqayku? Manachu sutillaykipitaj ashkha t'ukuna imakunata ruwarqayku? nispa.

Qheshwa Biblia DC

²² Chay p'unchaypeqa, ashkhas niwanqanku: Señor, Señor! Manachu sutiykipi profetizarqayku, sutiykipitaj supaykunata qharqorqayku; sutillaykipitaj ashkha milagrostapis ruwarqayku?

DIOSPA QHELQACHISQAN DEUTEROCANONICAL

²² Chay p'unchaypeqa ashkha niwanqanku: Tukuyta Kamachej, manachu sutiykipi sut'incharqayku, sutiykipitaj runakunamanta supaykunata qharqorqayku? Manachu sutillaykipitaj ashkha t'ukuna imakunata ruwarqayku? nispa.

Quechua South Bolivia: Dios Parlapawanchej

²² Cutimojtiy, chay p'unchay ashqhas niwankancu: “Ay, Señorníy, Tatáy ¿manachu willanasniyquita willararkaycu? ¿Manachu atiyniyquiwan runasmanta supaycunata kharkorkaycu? ¿Manachu ashqha t'ucuna ruwanastapis atiyniyquiwan ruwarkaycu?” nispa.

San Mateo 7:22 Referans Kwoze

2 Timoteo 1:12

Chayraykumin kay carcelpi wisq'asqa ñak'arishani. Chaywanpis mana p'enqakunichu, imaraykuchus pipichus atinikusqayta allinta yachani. Yachallanitaj pay atiyniyoj kasqanta chay imatachus qowasqanta jamoj p'unchaykama waqaychananpaj.

2 Timoteo 4:8

Chayrayku kasukuspa kawsasqaymanta noqapaj pillu tiyan. Chaytataj jaqay p'unchaypi Tukuyta Kamachej Dios, pichus cheqan kaj Juez t'inkata jina qowanqa. Manataj noqallamanchu qowanqa, aswanpis kutimunan p'unchayta imata jina tukuy suyajkunamanpis qollanqataj.

San Juan 11:51

Caifás mana payllamantachu chayta nerqa. Manachayqa chay watapi kuraj kaj sacerdote kasqanrayku, Dios paynejta sut'incharqa Jesús tukuy judiokunarayku wañunanta.

Números 24:4

Tukuy Atiyniyoj Diospa sutinpi parlani. Noqaqa pay imatachus munasqanta yachani, imaraykuchus paypa ñawpaqenpi karqani.

1 Tesalonicenses 5:4

Qankunarí wawqe panakuna, manaña laqhapi jina mana yachaspa kawsashankichejchu, Tukuyta Kamachej Jesús kutimunan p'unchay suwa jina kaymanta jinalla jap'isunaykichejpaj.

San Lucas 10:12

Noqa niykichej: Jaqay juicio p'unchaypeqa, Sodoma llajtayojkunaraj aswan pisita ñak'arenqanku chay llajtayojkunamanta nisqaqa, nispa. Ajinata Jesús kachankunata kacharqa.

San Mateo 25:11

Jinapi chay phishqa sipaskuna chayamuspa, wajyakusqanku: Wiraqochi, wiraqochi, kicharimuwayku ari, nispa.

San Mateo 24:36

Chay p'unchay, Runaj Churinpa jamunan p'unchay, chayrí chay phani mayk'ajchus kananmantaqa mana pipis yachanchu, ni janaj pachapi angelkunapis, nitaj Churipis. Tata Dioslla chaymantaqa yachan.

San Mateo 7:21

Mana tukuy pikunachus: Tukuyta Kamachejniyku kanki, nispa niwajkunachu Diospa kamachiyninman yaykonqanku. Manachayqa, janaj pachapi kaj Tata Diosniypa munayninta ruwajkunalla yaykonqanku.

Isaías 2:17

Ajinamanta runaj wapuykachaynenqa k'umuykuchisqa kanqa, runaj machu machu kaynintaj urmachisqa kanqa. Chay juicio p'unchaypeqa Tata Dioslla jatunchasqa kanqa.

Isaías 2:11

Uma oqharej runa k'umuykuchisqa kanqa, runaykachaj runataj pampaman urmachisqa kanqa. Chay p'unchaypi Tata Dioslla jatunchasqa kanqa.

2 Timoteo 1:18

Tukuyta Kamachej Jesús jaqay jamoj p'unchaypi khuyakuyninta payman rikuchichun. Qan allinta yachanki Onesiforoqa imaynatachus sumajta yanapawasqanchejta Éfeso llajtapi.

2 Tesalonicenses 1:10

Maypachachus Jesús kutimonqa chaypacha, ajllakusqankuna payta jatunchanqanku, paypi atinikojkunapis t'ukuspa yupaychanqanku. Qankunapis paykunawan khuska kallankichejtaj, imaraykuchus paymanta willasqaykuta jap'ikorqankichej.

San Mateo 10:15

Noqataj sut'ita niykichej: Juicio p'unchaypeqa chay llajtayojkunapaj aswan ñak'ariy kanqa, Sodomapi, Gomorrapi tiyakojkunamanta nisqaqa, astawanraj, nispa.

Números 31:8

Paykunatawan khuska Madianmanta kay phishqa kuraj kamachejkunata wañuchillarqankutaj: Evita, Requenta, Surta, Jurta, Rebata ima. Beorpa churin Balaamtapis espadawan wañuchillarqankutaj.