San Mateo 7:15 - DIOSPA QHELQACHISQ

¹⁵ Qankunaqa allinta qhawakuychej pikunachus llullakuspa: Diosmanta sut'inchaj kani, nispa nejkunamanta. Paykunaqa oveja jina jamusunkichej, sonqonkupitajrí suwa atoj jina kanku.

Qheshwa Biblia DC

¹⁵ Llulla profetasmanta allinta qhawakuychej; paykunaqa jamusunkichej ovejas jina p'achallisqas; ukhunkupitaj suwa atojkuna kanku.

DIOSPA QHELQACHISQAN DEUTEROCANONICAL

¹⁵ Qankunaqa allinta qhawakuychej pikunachus llullakuspa: Diosmanta sut'inchaj kani, nispa nejkunamanta. Paykunaqa oveja jina jamusunkichej, sonqonkupitajrí suwa atoj jina kanku.

Quechua South Bolivia: Dios Parlapawanchej

¹⁵ ‘Khawacuychej llulla yachachejcunamanta. Chaycunaka pantachisunayquichejpaj jamuncu. Paycunaka ovejaman rijch'acojjinalla cancu, sonkosnincupirí yarkhaska atojcunajina cancu.

San Mateo 7:15 Referans Kwoze

1 Juan 4:1

Munasqa wawqe panakuna, tukuy pikunachus: Diospa Espiritunpa yuyaychasqan kani, nispa ninku, chaykunaj yachachisqankuta ama jap'ikullaychejchu. Manachayqa Diosmantachus kanku, manachus chayta allinta reparaychej, imaraykuchus ashkha mana cheqanta yachachejkuna tukuynejpi purishanku.

San Mateo 24:11

Ashkha llulla sut'inchajkuna rikhurimuspa, may chhika runata pantachenqanku.

Colosenses 2:8

Allinta qhawakuychej: Ama qhasi manakaj yuyaykunawan, nitaj mana cheqan yachachiykunawan q'otiyachikuychejchu. Chayta yachachejkunaqa mana Cristoj yachachisqantachu yachachinku. Manachayqa paykuna Diosman mana kutirikojkunaj yachachisqallanta yachachinku, jinataj kay pachapi atiyniyoj supaykunaj yachachisqankuta ima.

Apocalipsis 19:20

Chantá sierpeqa jap'ichisqa karqa, jinallataj llullakuspa sut'inchajpis. Chay sut'inchajqa sierpej sutinpi runa mana jayk'aj rikusqan t'ukunata ruwaspa, sierpej marcanta apajkunata q'otiyasqa, lantinta yupaychanankupaj. Jinataj sierpewan, llulla sut'inchajninwan ima azufrewan lawrashaj nina qochaman kawsashaj wijch'uykusqa karqanku.

Judas 1:4

Chayta niykichej, imaraykuchus wakinkuna iglesiaman mana reparayllata yaykuykamunku. Paykunaqa Dioswan churanakojkuna kanku, imajtinchus Diospa qhasilla k'acha yanapayninta q'ewinku, munasqankuman jina millayta ruwaspa purinankupaj. Chaywanpis paykuna juchachasqa kanankoqa ñawpajmantapachaña nisqa kashan, imaraykuchus Tukuyta Kamachej Jesucristota qhesachanku.

Miqueas 3:11

Llajtapi justiciata ruwajkuna, qankuna rantichikunkichej. Sacerdotekuna, qankunapis qolqeraykulla yachachinkichej, sut'inchajkunapis qolqeraykullataj imatapis willankichej. Chantá mayta parlankichej Tata Diospi atinikusqaykichejmanta: Tata Dios noqanchejwan kashan, manataj ni ima mana allin kajpis qhatiriwasunchu, nispa.

2 Pedro 3:17

Chayrayku munasqa wawqe panaykuna, chaykunata ñawpajmanta yachaspaña, allinta qhawakuychej. Pajtataj millayta ruwaspa purejkunaj pantayninkuwan aysachikushawajchej, sinch'i sayasqa kasqaykichejmanta urmanaykichejpaj.

San Lucas 6:26

Ay, runaj jatunchanan kajkuna, qankunawanqa imallachus kanqapis. Ñawpa tataykichejkuna kikillantataj llulla sut'inchajkunata jatuncharqanku, nispa.

2 Timoteo 3:13

Chaywanpis millayta ruwaj runakuna, q'otiyajkuna ima astawan astawan mana allinman tukonqanku. Wajkunata q'otiyanqanku chaypis, paykunapis q'otiyasqallataj kanqanku.

2 Timoteo 4:3

Chayta niyki, imaraykuchus aswan qhepanejman runakuna cheqan kaj yachachiyta mana uyariyta munanqankuchu. Manachayqa paykuna munasqankuman jina ashkha yachachejkunata mask'anqanku, imatachus uyariyta munasqankuta yachachinankupaj.

Filipenses 3:2

Qhawakuychej alqo jina kaj runakunamanta. Paykuna millayta ruwajkuna kanku, jinallataj: Circuncidakunapuni tiyan, nispa yachachinku.

Efesios 4:14

Ajina kajtin, manaña wawa jinachu kasunchej, waj jinata yachachejkunawan wayrawan jina kayman jaqayman apaykachachikuspa. Mana jasallata apachikusunchejchu, pikunachus q'otiyanankupaj llullakushasqankuta misk'i simiwan sumajta pakanku, chaykunawan.

Gálatas 2:4

Chaywanpis wakinkuna Jesusta qhatejman tukuspa, iglesiaman yaykumorqanku Cristo Jesusnejta kamachisqata junt'anamanta kacharichisqaña kasqaykumanta wateqanawaykupaj. Paykuna watej wata runaman tukuchiyta munawarqayku, Moisespa kamachisqankunata munaspa mana munaspa kasunaykupaj.

San Lucas 12:15

Chantá nillarqataj: Qankunaqa tukuy imata astawan astawan munanamanta sumajta qhawakuychej. Mana yuyanachu qhapaj kayqa allin kawsayman runata apasqanta, nispa.

Ezequiel 22:27

Kay llajtapi kurajkunaqa atojkuna jina jap'isqankuta mithanku, runakunatataj wañuchinku kapuyninkuta suwaspa qhapajyanankupaj.

Apocalipsis 16:13

Chantá chay qhepata rikorqani puka sierpej siminmanta, ñawpajta rikhurimoj sierpej siminmanta, chantá llullakuspa sut'inchajpa siminmanta ima llojsimojta, k'aylankulaman rijch'akoj kinsa millay supaykunata.

Efesios 5:6

Ama piwanpis qhasi manakaj parlasqanwan q'otiyachikuychejchu, imajtinchus chaykunata ruwasqankurayku Diospa k'araj phiñakuynin mana kasukojkunaj patankuman jamun.

Hechos 13:40

Chaywanpis sumajta qhawarikuychej ari, sut'inchajkunaj nisqanku ama qankunapi junt'akunanpaj:

San Juan 10:12

Chaywanpis qolqeraykulla michejqa phiña animal jamushasqanta rikuspa, ovejakunata saqerparispa ayqerikapun, ovejakuna mana paypatachu kasqanrayku. Phiña animaltaj ovejakunata jap'iraspa, ch'eqerachin.

San Mateo 16:11

Imajtintaj mana entiendenkichejchu mana t'antamantachu qankunaman parlashasqayta? Noqa ujtawan niykichej: Allinta qhawakuychej fariseokunaj levadurankumanta, saduceokunajmantawan, nispa.

San Mateo 16:6

Chaypachallataj Jesús nerqa: Allinta qhawakuspa, karunchakuychej fariseokunaj levadurankumanta, saduceokunajmantawan, nispa.

San Mateo 10:17

Allinta qhawakuychej runakunamanta, imaraykuchus juntaman qankunata pusaspa, tantakuna wasikunapi jasut'ichisonqachej.

Zacarías 13:4

Chay p'unchaypi sut'inchajkunapis mosqoypi jina rikusqankuta sut'inchayta p'enqakonqanku. Ni pipis sut'inchajpa qara p'achanwan p'achallikuyta munanqachu wajkunata q'otiyananpaj.

Ezequiel 22:25

Kay suyupi kamachejkunaqa Diosmanta sut'inchajkuna leonkuna jina kanku. Qhaparispa, mithaspataj runakunata wañurachinku. Chay runakunaj qolqe waqaychanankuta, kapuyninkutawan suwanku. Jinallataj ashkha warmej qosankutapis wañurachinku.

Ezequiel 13:22

Qankunaqa llullakusqaykichejwan cheqan ruwajkunata llakichinkichej. Noqataj mana munanichu llakisqa kanankuta. Qankunarí sonqochankichej sajra sonqoyojkunata millay purisqankumanta ama t'aqakunankupaj.

Ezequiel 13:16

Perqata llut'ajkunaqa Israelpa sut'inchajninkuna kanku, pikunachus mosqoypi jina llulla rikusqankuta Jerusalenman willaspa, nerqanku: Tukuy imapis allillan, nispa, manapis jinachu kashajtin, chaykuna. Noqa Tukuyta Kamachej Tata Dios chayta nini.

Jeremías 29:32

Chayrayku noqa Tata Dios nini: Noqa Nejelán llajtayoj Semaiasta, tukuy miraynintawan jasut'isaj. Mana kay pachapi paypa mirayninmanta ni ujpis qhepakonqachu, nitaj kusikonqachu aylluy Israelman allin kawsayta qoshajtiy, imaraykuchus pay ajinata parlaspa, contraypi oqharikunankupaj aylluyta enqhaykorqa. Noqa Tata Diosmin chayta nini.

Jeremías 29:21

Israelpa Tukuy Atiyniyoj Tata Diosnin kay jinata nin: Colaiaspa churin Ajab, jinataj Maseiaspa churin Sedequías ima llullakuspa nishanku: Tata Diospa sutinpi qankunaman willashayku, nispa. Noqatajrí paykunata Babiloniata kuraj kamachej Nabucodonosorpa makinman urmachisaj, paytaj rikushajtiykichej, paykunata wañurachenqa.

Apocalipsis 17:6

Repararqanitaj chay warmeqa Diospa ajllakusqankunaj yawarninkuwan, chantá Jesusmanta willajkunaj yawarninkuwan ima machasqa kasqanta. Payta rikuspa, noqa maytapuni t'ukorqani.

Hechos 13:6

Paykuna chay tukuynin churupi puriytawan, Pafos llajtamanñataj chayarqanku. Chaypitaj tinkukorqanku Barjesús sutiyoj uj judío runawan. Chay runa layqa karqa, llullata sut'inchaj.

1 Reyes 13:18

Machu runatajrí nerqa: Noqapis qan jina Diosmanta sut'inchajllataj kani, Tata Diospa uj angelnintaj kamachiwan: Rispa, Diosmanta sut'inchajta wasiykiman pusamuy mikhunanpaj, ujyananpaj, nispa. Chaywanpis machu runaqa llullakushasqa.

Daniel (hebreo) 11:34

Ajina ñak'arichisqa kashajtinku, wajkuna pisillata paykunata yanapanqanku, paykunaman k'askakojkunataj mana sonqomantachu k'askakonqanku.

San Mateo 7:14

Chaywanpis wiñay kawsayman pusaj ñanqa k'ullkumin, chayman yaykuna punkupis k'ullkullataj. Chayta tarejkunataj pisilla kanku.

Apocalipsis 20:10

Jinapi paykunata q'otiyaj, chay Kuraj Supayqa azufrewan lawrashaj nina qochaman wijch'uykusqa karqa, maypichus chay ñawpaj kaj sierpe, chantá llulla sut'inchaj ima kasharqanku, chayman. Chaypitaj paykuna tuta p'unchay, wiñaypa wiñayninkama ñak'arenqanku.