San Mateo 7:14 - DIOSPA QHELQACHISQ

¹⁴ Chaywanpis wiñay kawsayman pusaj ñanqa k'ullkumin, chayman yaykuna punkupis k'ullkullataj. Chayta tarejkunataj pisilla kanku.

Qheshwa Biblia DC

¹⁴ Punkoqa k'ullkumin; k'ullkullataj kausayman pusaj ñampis. Pisistaj kanku chayta tarejkunaqa.

DIOSPA QHELQACHISQAN DEUTEROCANONICAL

¹⁴ Chaywanpis wiñay kawsayman pusaj ñanqa k'ullkumin, chayman yaykuna punkupis k'ullkullataj. Chayta tarejkunataj pisilla kanku.

San Mateo 7:14 Referans Kwoze

San Mateo 22:14

Noqataj niykichej: Ajina ari, wajyasqakunaqa ashkha kanku, ajllasqakunatajrí pisilla, nispa.

Romanos 12:2

Ama Diosman mana kutirikojkunaj yuyasqankuman jinaqa puriychejchu. Aswanpis saqeychej Dios yuyayniykichejta mosojyachispa mosoj runaman tukuchisunaykichejta. Ajinapi yachankichej qankunapaj Diospa munaynin k'acha, sonqonta kusichej, chantá mana pantayniyoj kasqanta.

Isaías 35:8

Chaypitaj rumiwan chakasqa uj sumaj ñan kanqa, sutintaj kanqa “Juchamanta May Llimphu Kaj Ñan”. Chayninta mana llimphuchasqa runakuna manapuni riyta atenqankuchu, nitaj ima wampu runapis chay ñanta purenqachu.

Marcos 8:34

Chaymanta Jesús yachachisqankunata, chay tantasqa runakunatawan wajyaspa, nerqa: Pillapis yachachisqay kayta munajqa munasqanman jinalla purinanta saqechun, cruzninta oqharispataj, qhepayta jamuchun.

Hechos 14:22

Chay llajtakunapitaj paykuna Jesuspi atinikojkunata kallpacharqanku Jesusta qhatikusqankupi sinch'ita sayanankupaj, nerqankutaj: Diospa kamachiyninman yaykunanchejpaj noqanchej tukuy imaynamanta ñak'arinanchejpuni tiyan, nispa.

Proverbios 8:20

Noqaqa cheqan ñanta purini, justiciata ruwaspa purini.

Isaías 30:21

Chantaqa lloq'eman chayrí pañaman rejtiykichejpis, kayta nishajta uyarinkichej: Kaymin cheqan ñanqa. Mana pantaykuspa chayninta riychej, nispa nejta.

San Juan 16:33

Kay tukuyta niykichej, noqaman ujchasqa kaspa, sonqoykichej tiyaykusqa kanaykichejpaj. Kay pachapeqa llakiykunata, chantá pisipaj qhawasqa kayta ima ñak'arinkichej. Chaywanpis sonqoykichejpi kallpachakuychej, imaraykuchus noqaqa Diosman mana kutirikojkunaj tukuy yuyasqankuta atipaniña, nispa.

San Mateo 20:16

Chantá parlayta tukunanpaj Jesús nerqa: Ajinallataj kunan qhepapi kajkunaqa chaypacha ñawpajpi rikhurenqanku, ñawpajpi kajkunataj qhepapi kanqanku, nispa.

Jeremías 6:16

Tata Dios ayllunman nillantaj: Ñankunapi sayaykuspa, qhawaychej. Chantá ñawpa ñankunamanta tapurikuychej, mayqenchus aswan allin ñan kasqanta. Chantá chay ñanta puriychej, sonqo samariytataj tarinkichej, nispa. Paykunatajrí nerqanku: Manapuni chayninta puriykumanchu, nispa.

San Lucas 12:32

Qankuna pisi t'aqa oveja jinalla kaspapis, ama manchachikuychejchu, imaraykuchus Tataykichej kamachishaspa, mayta munan paywan khuska kamachinaykichejta.

Isaías 57:14

Tata Dios nillantaj: Ñanta pichaychej. Ñanmanta rumikunata wijch'uychej aylluy chayninta karu suyumanta kutimpunanpaj.

Romanos 9:32

Imarayku? Imaraykuchus paykuna ruwasqankunejta cheqanpaj qhawasqa kayta mask'arqanku, manataj Diospi atinikusqankuraykuchu. Chayrayku Cristoqa paykunapaj misk'ana rumi jina karqa.

San Juan 16:2

Qankunataqa judío masiykichejkuna tantakunanku wasimanta wijch'usonqachej. Chaypachataj pillapis qankunata wañuchispaqa, yuyanqa Diospaj allinta ruwashasqanta.

Salmos 16:11

Aswanpis wiñay kawsayman pusaj ñanta rikuchiwanki. Ñawpaqeykipi may jatun kusikuy tiyan, qanwan khuskataj wiñaypaj sonqo qhallallarishaj kasaj.

San Mateo 7:13

Diospa kamachiyninman k'ullku punkunejta yaykuychej, imaraykuchus chinkayman pusaj ñan jatunmin, chayman yaykuna punkupis jatunllataj. Chaynejta yaykojkunapis may ashkhallataj kanku.

San Mateo 7:15

Qankunaqa allinta qhawakuychej pikunachus llullakuspa: Diosmanta sut'inchaj kani, nispa nejkunamanta. Paykunaqa oveja jina jamusunkichej, sonqonkupitajrí suwa atoj jina kanku.