San Mateo 7:13 - DIOSPA QHELQACHISQ

¹³ Diospa kamachiyninman k'ullku punkunejta yaykuychej, imaraykuchus chinkayman pusaj ñan jatunmin, chayman yaykuna punkupis jatunllataj. Chaynejta yaykojkunapis may ashkhallataj kanku.

Qheshwa Biblia DC

¹³ K'ullku punkunejta yaykuychej, imaraykuchus anchomin punkoqa, jatuntaj chinkayman pusaj ñampis; chaynejta yaykojkunarí ashkhas kanku.

DIOSPA QHELQACHISQAN DEUTEROCANONICAL

¹³ Diospa kamachiyninman k'ullku punkunejta yaykuychej, imaraykuchus chinkayman pusaj ñan jatunmin, chayman yaykuna punkupis jatunllataj. Chaynejta yaykojkunapis may ashkhallataj kanku.

Quechua South Bolivia: Dios Parlapawanchej

^13-14 ‘Wiñay causayman chayrí wiñay wañuyman kancuna yaycuyta ajllanayquichej tiyan. Imaraycuchus wiñay wañuyman puncoka jatunmin, chayman chayaj ñanpis. Ashqhastaj chaynejta yaycuncu. Wiñay causayman yaycuchej puncurí c'ullcumin, chayman chayanapaj ñanpis c'ullcullataj. Pisistaj Diospa munayninta ruwaspa wiñay causayman yaycuncu. Chayraycu c'ullcu puncunejta yaycuychej.

San Mateo 7:13 Referans Kwoze

Proverbios 16:25

Runamanqa imata ruwayta yuyasqanpis allin rijch'an. Qhepanejmanrí imatachus ruwayta yuyasqan wañuyman apan.

San Juan 14:6

Chantá Jesús kuticherqa: Noqa ñan kani, cheqa kajtaj, kawsaytaj. Mana pipis Tata Diosman chayayta atinchu, mana noqanejta rispaqa.

San Juan 10:9

Noqarí punku jina kani. Noqanejta yaykojqa qhespichisqa kanqa, mana pej ima nisqantaj yaykuyta, llojsiyta atenqa, chantá sumaj mikhunata tarenqa.

Isaías 55:7

Millayta ruwajqa millay kawsayninta saqechun. Millay runapis imatachus yuyasqanta saqechun. Tata Diosman kutirikamuchun, imaraykuchus paymanta khuyakonqa. Diosninchejman kutirikuchun, paytaj jatun sonqoyoj kasqanman jina chay runaj tukuy juchanta pampachanqa.

Proverbios 9:6

Wampu kayniykichejta saqeychej, kawsankichejtaj. Sumaj yuyayniyoj runakuna jina puriychej, nispa.

Gálatas 5:24

Cristojta kajkunaqa juchallinaman aysaj sonqonkuta chakatanku, millay ruwayta yachasqa kaynintawan khuskata.

San Mateo 3:2

Paytaj nerqa: Diosman kutirikuychej, imaraykuchus janaj pachamanta Dios kay pachapi kamachinanpaj wakichisqaña kashan, nispa.

San Mateo 3:8

Allinta puriychej ari. Ajinata juchallisqaykichejmanta Diosman kutirikusqaykichejta sut'ita rikuchinkichej.

2 Corintios 6:17

Chayrayku Dios nillantaj: Paykunaj chawpinkumanta llojsiychej, t'aqakuychejtaj. Ama ch'ichipaj qhawasqa kajta llankhaychejchu, noqataj qankunata jap'ikapusqaykichej.

San Mateo 23:13

Ay qankunamanta, puraj uya fariseokuna, Diospa kamachisqanmanta yachachejkuna ima. Qankunaqa Diospa janaj pacha kamachiyninman yaykunata wisq'ankichej. Qankuna chayman mana yaykunkichejchu, nitaj yaykuyta munajkunatapis yaykojta saqenkichejchu.

Apocalipsis 20:15

Jinallataj pejpa sutinchus Kawsay P'anqapi mana listasqachu karqa chayqa, chay runa nina qochaman wijch'uykusqa karqa.

Filipenses 3:19

Paykunaqa wiñay chinkayman rishanku, imaraykuchus paykunaj diosninkoqa sonqonkoj munasqanta ruwanalla. Chay runakuna p'enqayta ruwasqankumanta runaykachanku, sonqonkutaj kay pachapi millay kajllata mask'an.

2 Corintios 4:4

Kay pachapi kamachej diosninku Satanasqa Jesuspi mana atinikojkunaj yuyayninkuta laqhayachin, Jesusmanta sumaj willaypa k'anchayninta mana rikunankupaj. Chay sumaj willayqa Cristoj jatun kayninmanta willawanchej. Cristotaj Diospa jatun kayninpa lliphipiyninta rejsichiwanchej.

Hechos 3:19

Chayrayku Diosman kutirikuychej Jesuspi atinikuspa, juchaykichej pampachasqa kananpaj.

Apocalipsis 20:3

Chantá angelqa sierpeta ukhu pachaman wijch'uykorqa, wisq'aykuytawantaj llaveykorqa, sellaykorqataj, waranqa wata junt'akunankama amaña runakunata q'otiyananpaj. Chaywanpis qhepanejman uj pisi p'unchayllapaj kacharisqa kanqa.

1 Juan 5:19

Yachallanchejtaj noqanchej Diospata kasqanchejta, kay pachapi tukuy millayta ruwaspa purejkunatajrí Kuraj Supaypa makinpi kasqankuta.

San Mateo 25:46

Chaymantataj paykuna wiñay ñak'ariyman renqanku, cheqan kajta ruwajkunatajrí wiñay kawsayman yaykonqanku, nispa. Ajinata Jesús yachacherqa.

San Mateo 25:41

Chantá Kuraj Kamachejqa lloq'enpi kajkunatañataj nenqa: Qankunaqa millayta ruwaj kankichej. Chayrayku kaymanta wiñaypaj nina lawrayman riychej, mayqenchus wakichisqa kashan Kuraj Supaypaj, chantá angelninkunapaj ima, chayman.

Génesis 6:12

imajtinchus tukuy runakuna allintapuni millayta purinaman qokapusqanku. Kay pachapi millayta ruwaspa purina anchañapuni kasqanta Tata Dios rikorqa.

Apocalipsis 13:8

Kay pachapi tukuy runataj chay waj sierpeta yupaycharqanku. Kay pacha manaraj ruwasqa kashajtin, pichus wañuchisqa kanan karqa, chay Corderoqa kawsay p'anqapi qhelqasqa, pikunachus wiñay kawsayniyoj kananku karqa, chay sutinkuta. Kay ujkunaj sutinkurí mana chay p'anqapi qhelqasqachu karqa.

Romanos 9:22

Ajinallatataj Diosqa phiñakuyninta, atiynintawan rikuchiyta atinman karqa. Chaywanpis pay pacienciakorqa, pikunaj patankumanchus phiñakuynin urmanan kasharqa chaykunawan, paykuna chinkachisqa kanankupaj churasqa kashajtinkupis.

San Lucas 14:33

Jina ari, qankunamanta pillapis tukuy tiyapusqanta mana saqejqa mana yachachisqay kayta atinmanchu, nispa.

Isaías 1:9

Sichus Tukuy Atiyniyoj Tata Dios noqanchejmanta wakinkunata mana kawsashajta saqenmanchu karqa chayqa, Sodoma jina, Gomorra jinataj chinkachisqa kasunman karqa.

Apocalipsis 12:9

Ajinata chay jatun sierpe jawaman wijch'usqa karqa. Chay sierpeqa unay ñawpa katari, pichus Kuraj Supay, Satanastaj sutichasqa kashan, chay. Payqa llullakuspa, kay pachapi tukuy runata loq'eyan. Chantá sierpeta, angelninkunatawan ima kay pachaman wijch'umorqanku.

Génesis 6:5

Tata Diosrí rikorqa kay pachapi runakunaj millayta ruwasqanku anchañapuni kasqanta. Jinallataj Tata Dios yacharqa runakuna qhepanejman millayta ruwaspa purinallapipuni yuyasqankuta.

San Lucas 9:33

Chantá Moiseswan, Eliaswan Jesusmanta karunchakushajtinku, Pedroqa Jesusta nerqa: Yachachej Wiraqochíy, walejpuni kaypi kasqanchejqa. Chayrayku kunanqa kinsa ch'ujllata ruwasqayku: Ujta qanpaj, ujta Moisespaj, ujtataj Eliaspaj, nispa. Pedro chayta parlarqa, imatachus nisqanta mana yachaspa.

Proverbios 7:27

Chay warmej wasinman yaykojkunaqa cheqanta jallp'aj sonqonman yaykupunku.

Isaías 35:8

Chaypitaj rumiwan chakasqa uj sumaj ñan kanqa, sutintaj kanqa “Juchamanta May Llimphu Kaj Ñan”. Chayninta mana llimphuchasqa runakuna manapuni riyta atenqankuchu, nitaj ima wampu runapis chay ñanta purenqachu.

San Mateo 7:14

Chaywanpis wiñay kawsayman pusaj ñanqa k'ullkumin, chayman yaykuna punkupis k'ullkullataj. Chayta tarejkunataj pisilla kanku.