San Mateo 6:9 - DIOSPA QHELQACHISQ

⁹ Chayrayku qankuna kay jinata Dioswan parlarikunkichej: Janaj pachapi kaj Tatayku, sutiyki jatunchasqa kachun.

Qheshwa Biblia DC

⁹ Chayrayku qankunaqa, kay jinata mañakunkichej: Janaj pachapi kashaj Tatayku, sutiyki jatunchasqa kachun.

DIOSPA QHELQACHISQAN DEUTEROCANONICAL

⁹ Chayrayku qankuna kay jinata Dioswan parlarikunkichej: Janaj pachapi kaj Tatayku, sutiyki jatunchasqa kachun.

Quechua South Bolivia: Dios Parlapawanchej

⁹ Chayraycu kancunaka cayjinallata mañacunayquichej tiyan: Janaj pachapi caj Tataycu, Tucuy runas sutiyquita yupaychachuncu cheka Dios caskayquiraycu.

San Mateo 6:9 Referans Kwoze

Apocalipsis 4:11

Tukuyta Kamachej Diosniyku, qanllamin jatunchanapaj jina kanki, may sumajpaj jina qhawana, tukuy atiyniyojtaj, imaraykuchus qanmin tukuy kaj chhikata ruwarqanki. Qan chaykunata ruwarqanki, kunankamataj munasqaykirayku kashallankupuni, nispa.

Romanos 8:15

Diosqa mana wata runa kay sonqotachu qankunaman qosorqachej, ujtawan manchasqalla kanaykichejpaj. Aswanpis Diosqa Espiritunta qosorqachej, paypa wawankuna kanaykichejpaj. Chayrayku chay Espiritunejta Diosman qayllaykunchej: Tatáy, Tatitáy, nispa.

Ezequiel 36:23

Qankuna waj suyukunapi may jatun sutiyta ch'ichicharqankichej. Noqatajrí chay suyukunaj ñawpaqenkupi sutiy may jina llimphuchus kasqanta rikuchisaj. Ajinata ruwajtiy, chay suyukuna yachanqanku noqa Tata Dios kasqayta.

Malaquías 1:11

Tukuy kay pachapi runakuna sutiyta jatunpaj qhawanku. Tukuynejpi inciensota noqapaj q'oshñichinku, ofrendatapis maychus qonawankuta qowanku, imaraykuchus suteyqa tukuy suyukunapi manchay uyarisqa. Ajinata noqa Tukuy Atiyniyoj Tata Dios nini.

Salmos 111:9

Tukuyta Kamachej Dios preciota pagaspa ayllunta kacharicherqa, trato ruwasqantataj wiñaypaj sayacherqa. Tata Diosqa may llimphumin, manchachikuna jinataj.

Isaías 64:8

Chaywanpis, Tata Dios, qanmin tatayku kanki. Noqaykoqa llink'i t'uru jinalla kayku, qantaj manka llut'aj jina kanki. Chayrayku noqaykoqa tukuyniyku makiykej ruwasqan kayku.

Isaías 57:15

Ajinata patapi kaj wiñaypaj kawsaj Tata Dios nini, May Llimphu Kaj sutiyoj Dios: Noqa patapi tiyakuni, may llimphu cheqapi. Jinallataj llamp'u sonqoyojwan, k'umuykojwan ima kashani, k'umuykoj sonqoyojkunata, sonqo p'akisqakunatapis kusichinaypaj.

Gálatas 4:6

Wawanña kajtinchejtaj, Diosqa Churinpa Espiritunta noqanchejpi tiyakunanpaj kachamorqa, paytaj Diosta niyta yanapawanchej: Tatáy, Tatitáy, nispa.

Isaías 6:3

Chantá purajmanta ninakusharqanku: Tukuy Atiyniyoj may llimphu, llimphu, llimphu Tata Diosqa. Tukuy kay pacha jatun kayninpa lliphipiyninwan junt'a kashan, nispa.

Apocalipsis 5:12

Tukuyninku jatunmanta parlaspa, nisharqanku: Pichus wañuchisqa karqa, chay Corderoqa tukuy atiyniyoj, may jina qhapaj, tukuy yachayniyoj, chantá sinch'i kallpayoj kasqanta tukuy rimarichunku. Chayrayku maypaj qhawasqa, jatunchasqa, yupaychasqataj ima kachun, nispa.

Salmos 115:3

Diosninchejqa janaj pachapi, paytaj imatachus munasqanta ruwan.

Nehemías 9:5

Chaymantataj levitakunamanta Josué, Cadmiel, Bani, Jasabnías, Serebías, Hodías, Sebanías, Petajías ima runakunata nerqanku: Sayarikuspa, Tata Diosninchejta wiñay wiñaypaj yupaychaychej, nispa. Chantá Diosman parlaspa, kay jinata nerqanku: Tata Diosniyku, may sumaj sutiykeqa jatunchasqa kachun, tukuy kaj chhika patapi tukuy jatunchaymanta aswan patapi.

San Mateo 7:11

Qankunachus mana allin runakuna kashaspa, allin kajta wawaykichejkunaman qoyta yachankichej chayqa, astawanraj janaj pachapi kaj Tataykichejqa mañakojkunaman allin kajta qonqa.

Isaías 63:16

Qanlla tatayku kanki, tatayku Abraham mana rejsikuwajtiykupis. Ñawpa tatayku Israel mana yuyarikuwajtiykupis, qanpuni tatayku kanki, Tata Dios. Wiñaymantapacha pagaspa kacharichiwajniyku kanki.

Salmos 72:18

Tata Diosqa, Israelpa Tukuy Atiyniyoj Diosnin yupaychasqa kachun, imaraykuchus payllamin t'ukuna imakunata ruwan.

San Mateo 26:29

Kayta sut'itapuni niykichej: Manaña ujtawan vinota ujyasajchu, Diospa kamachiyninpi kaspa, mosoj vinota qankunawan khuska ujyanaykama, nispa.

San Mateo 23:9

Kay pachapi ama pitapis ninkichejchu: Tatáy, nispa, imaraykuchus Tata Dioslla Tataykichejqa, paytaj janaj pachapi kashan.

San Mateo 5:16

Ajinallatataj, k'anchayniykichejqa runakunaj ñawpaqenpi k'anchachun. Ajinamanta paykuna allin ruwasqaykichejta rikuspa, janaj pachapi kashaj Tata Diosniykichejta jatunchanqanku.

2 Crónicas 20:6

mañakorqa: Tata Dios, ñawpa tataykoj Diosninku, qanqa janaj pachapi Dios kanki, tukuy kay pachapi suyukunatataj kamachinki. Qanqa atiyniyoj, kallpasapataj kanki, manataj pipis qanwanqa churanakusunkimanchu.

San Lucas 15:18

Chayrayku tataypa wasinman kutiripusaj, chantá nisaj: Tatáy, Diospa contranta juchallini, qanpa contraykitapis.

Zacarías 14:9

Chay p'unchayqa Tata Dioslla tukuy kay pachata kamachenqa. Chaypacha uj k'ata Tata Dioslla kanqa, uj k'atallataj sutinpis kanqa.

1 Reyes 8:43

qanqa janaj pachamanta uyarimuy, maypichus tiyakunki, chaymantapacha, ruwaytaj karu llajtayojpa mañakususqanta. Chay jinamanta tukuy suyu rejsisonqanku, sutiykitataj manchachikonqanku Israel aylluyki jina. Ajinamanta yachanqanku kay ruwapususqay Templopi sutiyki may oqharisqa kasqanta.

Habacuc 2:14

Chaypachataj kay pachaqa Tata Diospa jatun kayninmanta yachaywan junt'a kanqa, imaynatachus mama qochaman yaku junt'aykun, jinata.

Ezequiel 38:23

Ajinata ruwaspa, jatun kayniyta, chantá may llimphu Dios kasqayta sut'inchasaj. Jinataj kay pachamanta tukuy runaman rejsichikusaj. Chaypachataj tukuyninku yachanqanku noqa Tata Dios kasqayta, nispa.

1 Crónicas 17:24

Imatachus niwasqaykeqa junt'akuchunpuni, sutiykitaj jatunchasqapuni kachun, tukuy ninankupaj: Tukuy Atiyniyoj Tata Diosqa israelitakunaj Diosnin kasqa, nispa. Jinallataj noqaj mirayniy qanpa ñawpaqeypi wiñaypaj sayachisqa kachun.

2 Samuel 7:26

Sutiykeqa jatunchasqapuni kachun, nichunkutaj Tukuy Atiyniyoj Tata Dios Israelpa Diosnin kasqaykita. Noqaj mirayneyqa ñawpaqeykipi sumaj sayachisqa kachun.

1 Pedro 1:17

Sichus Diosta Tataykichejpaj rejsikapunkichej chayqa, waj llajtayoj jina kaypi kawsanaykichejkama payta may jina jatun respetowan qhawaspa kawsaychej. Payqa sapa runata ruwasqanman jina juzgan, ni piman kutikuspa.

1 Timoteo 6:16

Pay k'atamin ni jayk'aj wañojqa, payllatajmin mana chimpay atina k'anchaypi tiyakojqa. Payta mana pipis rikorqachu, nitaj pipis rikuyta atinchu. Ajina kasqanrayku pay jatunchasqapuni kachun, may jatun atiynintaj wiñaypa wiñaynintinpaj kachun. Ajina kachun.

San Lucas 15:21

Jinapi churin nisqa: Tatáy, Diospa contranta juchallini, qanpa contraykitapis. Manaña wawayki kanaypaj jinachu kani, nispa.

San Lucas 2:14

Janaj pachapi Dios jatunchasqa kachun, kay pachapitaj allinpi kawsay kachun, pikunawanchus Dios sonqo junt'asqa kashan, chaykunapaj, nispa.

Isaías 66:1

Tata Dios nin: Janaj pachaqa noqaj kamachinay tiyana, kay pachataj chakiypa sarunan. Jina kajtenqa, maypitaj wasita ruwapuwankichejmanri? May cheqapitaj noqaqa samarikusajri?

San Mateo 6:14

Sichus qankuna contraykichejpi mana allin ruwasqankuta pampachankichej chayqa, janaj pachapi kaj Tataykichejpis juchallisqaykichejta pampachallanqataj.

San Mateo 6:6

Qankunarí Tata Diosniykichejwan parlarikunaykichejpajqa, cuartoykichejman yaykuspa punkuta wisq'aychej, chaypitaj pakaypi Tata Diosniykichejwan parlarikuychej. Chantá pakaypi parlarikusqaykichejta uyarej Tata Diosniykichejqa tukuypa ñawpaqenpi t'inkachisonqachej.

San Mateo 5:48

Janaj pachapi kashaj Tata Diosniykichejqa cheqan munakuyniyoj. Chayrayku qankunapis ajinallataj kaychej. Ajinata nispa Jesús yachacherqa.

Levítico 10:3

Chaymanta Moisesqa Aaronta nerqa: Kay kananta mana munaspa Tata Dios ajinata nerqa: Noqaman qayllamuwajkunaman may llimphu kayniyta rikuchisaj. Tukuy israelitakunamantaj jatun kayniypa lliphipiyninta rikuchillasajtaj, nispa. Aarontajrí ch'inlla karqa.

Gálatas 1:1

Noqa Pablo Jesuspa kuraj kachan kani, mana runaj churasqanchu nitaj wajkunaj kachasqanchu. Manachayqa Jesucristoj churasqan kani, Tata Diospatawan, pichus Cristota wañusqamanta kawsaricherqa, chaypata.

San Juan 20:17

Jesustaj nerqa: Ama jap'iwaychu, imaraykuchus patapi kashaj Tatayman manaraj rinirajchu. Astawanqa wawqeykunaman nimuy: Pay nisunkichej: Tatayman, Tataykichejman, Diosniyman, Diosniykichejmantaj rishani, nispa.

San Mateo 26:42

Chantá Jesús ujtawan rispa, mañakullarqataj: Tatáy, ñak'arinaypuni kajtenqa, qanpa munayniyki ruwasqa kachun, nispa.

Isaías 37:20

Kunanrí Tata Diosniyku, asiriokunaj makinmanta kacharichiwayku ari, ajinamanta kay pachapi kaj chhika suyukuna yachanankupaj qan k'atalla Tata Dios atiyniyoj Dios kasqaykita, nispa.

Romanos 1:7

Noqa kay cartata Roma llajtapi Diosta qhatejkunaman apachimuykichej. Qankunaqa Diospa munakusqan kankichej, Diospaj t'aqasqa kanaykichejpaj wajyasqataj. Kunantaj napaykuykichej: Tata Diosninchejpa, chantá Tukuyta Kamachej Jesucristojta qhasilla k'acha yanapayninku, sonqo tiyaykuyninku ima qankunawan kachun.

San Mateo 10:29

Manachu runakuna iskay p'isqetutapis phisullapi vendenku? Chaywanpis, Tata Diosniykichej mana munajtenqa, ni uj p'isqetullapis pampaman urmanchu.