San Mateo 6:5 - DIOSPA QHELQACHISQ

⁵ Dioswan parlarikuspaqa, ama puraj uya jina kaychejchu. Paykunaqa sayaykukuspa, Dioswan parlarikunku tantakuna wasikunapi, plazaj esquinankunapi ima, runakunawan rikuchikunankupaj. Noqarí kayta sut'ita niykichej: Ajinata ruwaspa, paykuna chayllata t'inkata jina jap'enqanku.

Qheshwa Biblia DC

⁵ Diosmanta mañakuspaqa, ama puraj uyas jina kaychejchu. Paykunaqa sayaykukuspa Diosmanta mañakunku, sinagogaspi, plaza esquinaspi ima, runaswan rikuchikunankupaj. Cheqamanta niykichej, ñapis paykunaqa t'inkayojña kanku.

DIOSPA QHELQACHISQAN DEUTEROCANONICAL

⁵ Dioswan parlarikuspaqa, ama puraj uya jina kaychejchu. Paykunaqa sayaykukuspa, Dioswan parlarikunku tantakuna wasikunapi, plazaj esquinankunapi ima, runakunawan rikuchikunankupaj. Noqarí kayta sut'ita niykichej: Ajinata ruwaspa, paykuna chayllata t'inkata jina jap'enqanku.

Quechua South Bolivia: Dios Parlapawanchej

⁵ ‘Diosmanta mañacuspa ama puraj uyajina caychejchu. Paycunaka tantacuna-wasispi jatun plazaspiwan sayaricuspa Diosmanta mañacuyta munancu runas ricunallancupaj. Niyquichej chekatapuni paycunaka ruwaskancumanta tucuyta jap'iskancutaña.

San Mateo 6:5 Referans Kwoze

San Mateo 6:2

Chayrayku qolqeta wajchakunaman qospaqa, ama tukuyman willaychejchu, imaynatachus puraj uya runakuna ruwanku tantakuna wasikunapi, callekunapi ima, ajinata. Paykunaqa runakunawan allinpaj qhawasqa kanallankupaj chayta ruwanku. Noqatajrí kayta sut'ita niykichej: Paykuna ajinata ruwaspa, chayllata t'inkata jina jap'enqanku.

San Lucas 18:13

Impuesto cobraj runatajrí karullapi sayaspa, manchachikuywan mana patallamanpis qhawariyta munasqachu. Manachayqa qhasqonta takakuspa, nisqa: Diosníy, noqa juchasapata khuyarikuway ari, nispa.

Marcos 11:25

Chaywanpis Diosmanta mañakushaspa, sichus pillawanpis phiñanasqa kawajchej chayqa, contraykipi juchallisqanta ñawpajta pampachaychej. Ajinamanta, janaj pachapi kaj Tataykichejpis contranpi juchallisqaykichejta pampachallanqataj.

Jeremías 29:12

Chaypacha qankuna noqamanta mañakuwankichej, noqataj uyarisqaykichej.

Isaías 1:15

Qankuna mañakunawaykichejpaj makiykichejta oqharejtiykichej, mana qhawarisqaykichejchu. Ashkha kutita mañakuwankichej chaypis, noqa manapuni uyarisqaykichejchu, imaraykuchus makiykichejqa yawarlla.

San Lucas 20:47

Chaywanpis warmisapaj kapuyninkuta oqokapunku, mana jina kasqankuta reparachikunankupajtaj unay unayta Dioswan parlarikoj tukunku. Chayrayku paykuna aswan sinch'i ñak'ariywan jasut'isqa kanqanku, nispa.

Santiago 4:6

Chaywanpis Dios qhasilla k'acha yanapayninwan yanapawanchej. Chayrayku Diospa Qhelqachisqanpi nillantaj: Diosqa jatunchakojkunaman sayaykun, k'umuykojkunatatajrí qhasilla k'acha yanapayninwan yanapan, nispa.

San Lucas 18:1

Uj kuti Jesusqa uj rijch'anachinata willaspa, yachacherqa mana sayk'uspa Dioswan parlarikunapuni kasqanta.

Daniel (hebreo) 6:10

10 (11) Danieltajrí chay kamachisqaman kuraj kamachej Darío sutinta qhelqaykusqanta yachaspa, wasinman riporqa. Chantá puñunan cuartonpa ventananta kicharerqa, mayqenchus Jerusalén ladoman qhawarisqa karqa, chayta. Chantá chaypi qonqorikorqa Dioswan parlarikunanpaj, paymantaj pachis ninanpaj ima. Ajinata sapa p'unchay kinsa kutita ruwarqa, yachasqa kasqanman jina.

Efesios 6:18

Mana sayk'uyta Dioswan parlarikuspallapuni kaychej, Diosmanta mañakusqaykichejtaj Santo Espíritoj yuyaychasqanman jina kachun. Chantá qhawaspallapuni kashaychej, jinataj Dioswan parlarikuspa, tukuynejpi Diosta qhatejkunarayku mañapuychej.

San Lucas 11:43

Ay qankunamanta, fariseokuna. Qankunaqa tantakuna wasipi ñawpajpipuni tiyayta munankichej. Ajinallatataj callepipis may respetowan napaykuchikuyta munallankichejtaj.

San Mateo 21:22

Kikillantaj sichus qankuna Diospi atinikuspa imatapis paymanta mañakunkichej chayqa, mañakusqaykichejta jap'inkichej, nispa.

Salmos 55:17

17 (18) Waqaspa, noqa sut'iyayta Diosman qhaparikusaj chawpi p'unchayta, ch'isiyayta ima. Paytaj qhaparikusqayta uyariwanqa.

Salmos 5:2

2 (3) Kuraj kamachejníy, Diosníy, qhaparikuspa mañakususqayta uyariway, imaraykuchus qanmanta mañakuni.

1 Tesalonicenses 5:17

Chantá mana sayk'uspa, Dioswan parlarikullaychejpuni.

San Juan 16:24

Kunankama mana imatapis sutiypi mañakunkichejrajchu. Mañakuychej ari, jap'inkichejtaj, sonqoykichej kusikuywan junt'asqa kananpaj.

Marcos 12:38

Jinallataj Jesús runakunaman yachachishaspa, nerqa: Allinta qhawakuychej Diospa kamachisqanta yachachejkunamanta. Paykunaqa qhoysu p'achayoj puriykachanku, tukuymanta aswan sumaj runapis kankuman jina. Plazakunapipis tukuy runawan napaykuchikuyta munanku.

San Mateo 9:38

Chayrayku chajrayojmanta mañakuychej astawan ashkha oqharejkunata kachamunanpaj, nispa.

San Mateo 23:13

Ay qankunamanta, puraj uya fariseokuna, Diospa kamachisqanmanta yachachejkuna ima. Qankunaqa Diospa janaj pacha kamachiyninman yaykunata wisq'ankichej. Qankuna chayman mana yaykunkichejchu, nitaj yaykuyta munajkunatapis yaykojta saqenkichejchu.

Proverbios 16:5

Tata Diosqa runaykachajkunata millachikun, paykunataj jasut'isqapuni kanqanku.

San Mateo 23:6

Jatun mikhuykunapipis ñawpajpipuni tiyayta munanku, jinallatataj tantakuna wasikunapipis.

Proverbios 15:8

Tata Diosqa mana allin ruwajkunaj jaywasqankuta millachikun. Cheqan runakunaj mañakusqankutarí kusisqa uyarin.

San Mateo 6:16

Ayunaspaqa, ama llakiy uyalla kaychejchu, puraj uya runakuna jina. Paykuna uyankuta uj jinayachinku, runakuna ayunasqankumanta mayta parlanankupaj. Noqatajrí sut'ita niykichej: Ajinata ruwaspa, paykuna chayllata t'inkata jina jap'enqanku.

San Mateo 6:1

Jesús yachachillarqataj: Ima allinta ruwaspaqa, ama runakunaj rikunantachu ruwaychej, paykuna jatunchasunaykichejpaj. Ajinata ruwajtiykichejqa, janaj pachapi kashaj Tata Diosniykichejqa mana ima t'inkatapis qosonqachejchu.

San Mateo 23:5

Chantá chay kurajkuna imatapis ruwanku, runawan rikuchikunallankupaj. Diospa Qhelqachisqanmanta wakin qhelqasqata mat'inkuman, makinkuman ima watakunku. Jinallataj jatuchaj waych'ayoj p'achakunata churakunku.

San Lucas 6:24

Ay, qhapaj runakuna, qankunawanqa imallachus kanqapis, imaraykuchus kusikuyniykichejqa kunallanpaj kay pachallapi kanqa.