San Mateo 6:13 - DIOSPA QHELQACHISQ

¹³ Chantá juchallinaman tanqasqa kashajtiyku, ama kasojta saqewaykuchu, manachayqa jark'awayku Supayta kasunaykumanta. Kayta mañarikuyku, imaraykuchus qanmin Tukuyta Kamachej kanki, tukuy atiyniyojtaj, tukuypaj jatunchasqataj wiñay wiñaynintinpaj. Ajina kachun, nispa.

Qheshwa Biblia DC

¹³ Amataj saqeychu juchaman urmanaykuta; astawampis, jark'awayku sajramanta; [imaraykuchus, qampatamin reino, atiy, janaj pacha k'anchay ima; wiñaypa wiñayninkama. Amén.]

DIOSPA QHELQACHISQAN DEUTEROCANONICAL

¹³ Chantá juchallinaman tanqasqa kashajtiyku, ama kasojta saqewaykuchu, manachayqa jark'awayku Supayta kasunaykumanta. Kayta mañarikuyku, imaraykuchus qanmin Tukuyta Kamachej kanki, tukuy atiyniyojtaj, tukuypaj jatunchasqataj wiñay wiñaynintinpaj. Ajina kachun, nispa.

Quechua South Bolivia: Dios Parlapawanchej

¹³ Callpachawaycu jatun llaquiycunapi ama juchallicunaycupaj. Astawanpis wakaychawaycu juchallichiyta munajpa atiyninmanta. Kanka wiñaypaj camachinqui. Tucuy atiyniyoj, may curajpaj, jatunchaskapis canqui. Ajina cachun.

San Mateo 6:13 Referans Kwoze

1 Corintios 10:13

Qankuna juchallinaman tanqasqa kaspaqa, yachaychej wajkunapis qankuna jinallataj juchallinaman tanqasqa kasqankuta. Diostajrí nisqanta junt'aj kasqanrayku mana saqesonqachejchu mana awantay atinata juchallinaman tanqasqa kanaykichejta. Aswanpis juchallinapaj tanqasqa kashajtiykichej, Diosllataj chaymanta maynintachus llusp'inaykichejta rikuchisonqachej, ajinamanta sinch'ita sayaykuyta atinaykichejpaj.

San Juan 17:15

Mana noqata qhatiwajkunata kay pachamanta orqhonaykitachu mañakuyki, manachayqa paykunata Supaymanta waqaychanaykita.

San Mateo 26:41

Rijch'arisqa kaychej, ama puñuspa Dioswan parlarikuychej, juchaman tanqasqa kaspa ama kasunaykichejpaj. Sut'ita niykichej: Qankunaqa sonqoykichejpi kasuyta munankichej. Chaywanpis ukhuykichejqa pisi kallpayoj, nispa.

Apocalipsis 19:1

Chay qhepata janaj pachapi ashkha runaj parlasqanta jina uyarerqani. Paykuna ajinata nisharqanku: Tata Diosninchej jatunchasqa kachun, imaraykuchus payqa tukuy atiyniyoj, jinataj qhespichiwarqanchej. Chayrayku, jatunchasqapuni kachun.

2 Tesalonicenses 3:3

Tukuyta Kamachej Jesucristorí nisqanta junt'ajmin, paytaj kallpachasonqachej, mana allin kajmantataj waqaychasonqachej.

San Mateo 6:10

Jamuspa noqaykuta kamachiyta qallariy, munayniykitaj kay pachapi ruwasqa kachun, imaynachus janaj pachapi ruwakun, ajinallatataj.

Jeremías 15:21

Noqamin preciota pagaspa millay runakunaj makinkumanta kacharichisqayki, mana khuyakojkunaj atiyninkumantataj qhespichisqayki, nispa.

2 Pedro 2:9

Ajinata reparanchej, Diosta kasuspa purejkuna juchallinaman tanqasqa kashajtinku, Tukuyta Kamachej Diosqa paykunata kacharichiyta yachasqanta. Pay yachallantaj millayta ruwajkunata juzganan p'unchaypi jasut'isqa kanankupaj jallch'ayta.

1 Tesalonicenses 1:10

Paykuna parlallankutaj qankuna imaynatachus janaj pachamanta Diospa Churin kutimunanta suyashasqaykichejta. Payta Diosqa wañusqamanta kawsarichimorqa, payllataj jamoj k'araj phiñakuymanta qhespichiwanchej.

Salmos 47:7

7 (8) Sumaj k'achitu takiyta Diosman takirikuychej, imaraykuchus payqa tukuy kay pachapi kamachishan.

1 Crónicas 29:11

Tata Dios, qanpatamin jatunchasqa kana, atiypis, sumaj kayniykej lliphipiyninpis, atipanapis, maypaj qhawana kaypis. Qanpatamin kay pachapi, janaj pachapi tukuy ima kajpis. Tata Dios, qanlla tukuyta kamachinapaj jina kanki, qanllataj tukuymanta aswan jatun atiyniyoj kanki.

Apocalipsis 21:4

Payqa tukuy waqayta ñawinkumanta pichanqa, manañataj wañuy kanqachu, nitaj waqanapis, nitaj ayqonapis, nillataj nanaypis, imaraykuchus imachus ñawpajta karqanku, chaykunaqa manaña kanqachu, nispa.

Salmos 10:16

Tata Diosqa wiñaypaj Kuraj Kamachejmin. Qanman mana kutirikojkunarí llajtankumanta wijch'usqa kanqanku.

Apocalipsis 3:10

Qanqa pacienciawan suyanaykita kamachisqayta kasorqanki. Chayrayku noqapis ñak'ariy p'unchaypi qanta waqaychasqayki. Chay ñak'arinaqa tukuy kay pachapi kaj chhika runakunaman jamonqa imayna sonqoyojchus kasqanku yachakunanpaj.

1 Juan 3:8

Pichus juchallispallapuni purejrí Kuraj Supaypata kasqanta rejsichikushan, imaraykuchus Kuraj Supay qallariymantapacha juchallispallapuni purin. Chayrayku Diospa Churenqa Kuraj Supaypa ruwasqanta phirinanpaj jamorqa.

1 Pedro 5:8

Jinallataj allin yuyayniyoj jina, allinta qhawakuspa puriychej, imaraykuchus awqaykichej Kuraj Supayqa phiña león jina qhaparirispa, muyuykachashasunkichej, mayqellantapis oqoykunanpaj.

Salmos 41:13

13 (14) Israelpa Tata Diosnin wiñay wiñaynintinpaj yupaychasqa kachun. Jinapuni kachun.

1 Crónicas 16:36

Israelitakunaj Tata Diosnin wiñay wiñaynintinpaj yupaychasqa kachun, nispa. Chantá takiyta tukojtinku, tukuy kuticherqanku: Ajina kachun, nispa. Chantá Tata Diosta yupaycharqanku.

1 Crónicas 4:10

Jabestaj israelitakunaj Diosninmanta kay jinata mañakorqa: Yanapaway, jatun jallp'ata qonawaykita mañakuyki. Mañakullaykitaj yanaparinawaykita, tukuy sajra kajmantataj waqaychanawaykita, ama imata ñak'arispa kawsakunaypaj, nispa. Diostaj imatachus mañakusqanta qorqa.

Deuteronomio 8:16

Ch'innejpi maná nisqata mikhuchisorqachej, ñawpa tataykichejkunaj mana rejsisqanku mikhunata. Chaykunata payqa, qankunata k'umuykuchinanpaj, chantá sonqoykichejta yachananpaj ruwarqa, qankunaj allinniykichejpaj.

Éxodo 15:18

Tata Diosmin wiñay wiñaypaj kamachenqa, nispa.

Génesis 22:1

Chaymanta qhepanejman Diosqa, Abraham kasukonqachus manachus chayta yachariyta munaspa, payta wajyarqa: Abraham, nispa. Paytaj kuticherqa: Kaypi kashani, nispa.

Gálatas 1:4

Jesucristomin Tata Diosninchejpa munasqanman jina juchanchejrayku wañuchisqa kananpaj jaywaykukorqa, kay pachapi millay kawsaymanta kacharichinawanchejpaj.

2 Corintios 1:20

Jinapi Cristo Jesusnejta imatachus Dios qonawanchejta nisqanta, arí nispa, nisqanta junt'an. Chayrayku Jesucristonejta Diosta jatunchaspa, noqanchej ninchej: Ajina kachun, nispa.

Salmos 47:2

2 (3) Patapi Kaj Tata Diosqa may jina manchachikunapaj jina, paytaj tukuy kay pachapi Kuraj Kamachej kashan.

Números 5:22

Tata Diosnejta ñak'arichisqa kasqaykita rikuspataj, llajta masiykikuna wananqanku, nispa. Chayta sacerdote nejtintaj, warmi kutichenqa: Ajina kachun, nispa.

Apocalipsis 2:10

Chaywanpis imatachus ñak'arinaykimanta ama manchachikuychu, imaraykuchus Kuraj Supay qankunamanta wakinta wisq'achenqa, cheqatapunichus noqapi atinikusqaykichejta yachananpaj. Chaypacha, chunka p'unchayta ñak'arichisqa kankichej. Qanrí wañunaykikama kasuwaspallapuni puriy, noqataj wiñay kawsayta t'inkata jina qosqayki.

Apocalipsis 1:18

chantá pichus kawsaj. Wañusqa karqani, kunantajrí wiñay wiñaypaj kawsashani. Noqallataj runakunata wañusqamanta kawsarichinaypaj atiyniyoj kani, jinallataj ukhu pachaj llaventawan jap'ishani.

San Mateo 5:37

Chayrayku qankuna kay jinallata parlankichej: Maypachachus arí, nispa ninkichej chaypachaqa, ajina kachun. Maypachachus mana, nispa ninkichej chaypacharí, ajinallataj kachun. Chaymanta astawan parlanaqa sajraj yuyaychasqanmin.

Daniel (hebreo) 4:25

25 (22) Aswan qhepaman qanqa runakuna chawpimanta qharqosqa kanki, uywakunawantaj kawsanki. Waka jina qhorata mikhunki, chhullapis ukhuykita joq'osonqa. Ajinata kawsanki qanchis wata junt'ata, qan ninaykikama: Janaj pachapi kaj Diosmin kay pachapi kaj tukuy suyuta kamachin, paytaj pitachus munasqanta kamachinanpaj churan, nispa.

Proverbios 30:8

Ñawpajta, mana jayk'aj llullakunaypaj yanapaway. Qhepantarí ama qhapajyachiwaychu, nitaj wajchayachiwaychu. Sapa p'unchay kawsanaypaj imatachus necesitasqallayta qoway.

Deuteronomio 8:2

Qankuna tukuy ch'innejta tawa chunka watata purisqaykichejta yuyarikuychej. Tata Diosniykichej chaynejta pusamusorqachej qankunata k'umuykuchinanpaj, chantá sonqoykichejpi imachus kasqanta yachananpaj.

1 Corintios 14:16

Qanchus espiritullaykiwan mana rejsisqa parlaypi Diosta yupaychawaj chayqa, imatachus nishasqaykita mana yachajkuna imaynatataj qanwan khuska Diosta jatunchankumanri? Chayrí, sichus imatachus nishasqaykita mana yachankumanchu chayqa, imaynatataj qanwan khuska Diosta pachis ninkuman?

San Mateo 28:20

Chantá paykunaman yachachimuychej, imatachus noqa kamacherqaykichej, chayta, paykunapis kasunankupaj. Jinallataj yachaychej noqa qankunawan tuta p'unchay kanayta kay pacha tukukunankama, nispa.

Daniel (hebreo) 7:18

Chay qhepatarí Patapi Kaj Dios ayllunman kamachina atiyta qonqa, paykunataj wiñaypaj kamachenqanku, nispa.

Salmos 106:48

Israelpata Tata Diosnin wiñay wiñaypaj jatunchasqa kachun. Tukuytaj nichunku: Ajina kachun, nispa. Tata Dios jatunchasqa kachun.

Salmos 89:52

52 (53) Tata Dios wiñaypaj yupaychasqa kachun. Ajina kachun.

Salmos 72:19

Qhapaj sutenqa wiñaypaj yupaychasqa kachun. Jatun kaynenqa kay pachantinpi junt'a kachun. Ajina kachun.

1 Reyes 1:36

Chantaqa Joyadáj churin Benaiasqa kuraj kamachej Davidta nerqa: Ajina kachun, kuraj kamachejníy. Tata Diosniyki ajina kananta kamachichun.

Apocalipsis 19:4

Chaymantá chay iskay chunka tawayoj kuraj runakuna, chantá chay tawa kawsajkuna ima pampakama k'umuykuspa, Diosta yupaycharqanku, pichus kamachina tiyanapi tiyasqa kasharqa, chayta. Nerqankutaj: Ajina kachun, Tata Dios jatunchasqa kachun, nispa.

Apocalipsis 5:13

Jinallataj noqa tukuy ima ruwasqa kajta janaj pachapi, kay pachapi, jallp'a urapi, mama qochapi ima ajinata takejta uyarillarqanitaj: Kamachina tiyanapi tiyasqa kajman, Corderomanpis wiñay wiñaypaj kachun maypaj qhawasqa kay, jatunchasqa kay, tukuy atiy ima, nispa.

Apocalipsis 3:14

Laodicea llajtapi iglesiaj angelninman kay nisqayta qhelqay: Ajina kachun nej, cheqanta willaj, mana llullakoj testigo, pinejtachus Dios tukuy imata qallariypi ruwarqa, chay nisunki:

Hebreos 11:36

Wakinkunaqa p'enqaypi rikhurichisqa karqanku, jasut'isqataj. Wakinkunataj carcelman cadenawan watasqa wisq'achikorqanku.

1 Timoteo 1:17

Chayrayku wiñaypaj Kuraj Kamachej Dios yupaychasqa, jatunchasqataj kachun. Payqa mana jayk'aj wañunchu, mana rikukoj, uj k'ata Dios wiñay wiñaynintinpaj. Ajina kachun.

Jeremías 28:6

Arí, may allinchá kanman ajinata Tata Dios ruwajtenqa. Tata Dios sut'inchasqayki junt'akunanta munachun, Diospa Templonpi kaj imakunata kutichimpunankupaj, jinallataj Babiloniaman apasqa kajkunatapis kutichimpunankupaj.

Salmos 22:28

28 (29) imaraykuchus Tata Diosqa kuraj kamachejmin, paytaj tukuy suyukunata kamachin.