San Mateo 6:12 - DIOSPA QHELQACHISQ

¹² Juchaykutapis pampachapuwayku, imaynatachus pipis mana allinta ruwawajtiyku, noqaykupis juchankuta pampachayku, ajinata.

Qheshwa Biblia DC

¹² Juchasniykuta pampachapuwayku, imaynatachus noqaykupis juchallikuwajniykuta perdonapuyku ajinata.

DIOSPA QHELQACHISQAN DEUTEROCANONICAL

¹² Juchaykutapis pampachapuwayku, imaynatachus pipis mana allinta ruwawajtiyku, noqaykupis juchankuta pampachayku, ajinata.

Quechua South Bolivia: Dios Parlapawanchej

¹² Juchasniycuta khechuspa perdonawaycu. Nokaycumanpis juchata ruwajcunata perdonaycu, ajinallatataj.

San Mateo 6:12 Referans Kwoze

Efesios 4:32

Manachayqa ujkuna ujkunawan k'acha kaychej, khuyakuyniyojtaj. Chantá ujkuna ujkuna qhespichinakuychej, imaynatachus Diospis Cristonejta juchaykichejta pampacharqa, ajinata.

Marcos 11:25

Chaywanpis Diosmanta mañakushaspa, sichus pillawanpis phiñanasqa kawajchej chayqa, contraykipi juchallisqanta ñawpajta pampachaychej. Ajinamanta, janaj pachapi kaj Tataykichejpis contranpi juchallisqaykichejta pampachallanqataj.

Efesios 1:7

Cristo cruzpi wañuspa, kawsayninwan preciota pagarqa kacharichisqa kananchejpaj. Jinataj Cristoman ujchasqa kasqanchejrayku Dios juchanchejta pampacharqa khuyakuynin may jina jatun kasqanrayku.

Colosenses 3:13

Jinallataj ujkuna ujkunawan paciencianakuychej. Sitajchus pipis wajpa contranpi imamantapis quejakun chayqa, purajmanta qhespichinakuychej. Imaynatachus Cristo juchaykichejta pampacharqa, ajinallatataj qankunapis ujkunaj pantasqankuta qhespichiychej.

San Lucas 11:4

Juchaykutapis pampachapuwayku, imaynatachus noqaykupis contraykupi mana allin ruwajkunaj juchankuta pampachayku, ajinata. Ama juchallinaman tanqasqa kanaykuta saqewaykuchu, manachayqa jark'awayku Supayta kasunaykumanta, nispa.

San Lucas 6:37

Ama pitapis juchachaychejchu ama juchachasqa kanaykichejpaj, nitaj juzgaychejchu ama juzgasqa kanaykichejpaj. Wajkunaj juchankutapis pampachay, Diostaj juchaykichejtapis pampachallanqataj.

Éxodo 34:7

Munakuyneyqa mana tukukuyniyoj, wiñaypaj kikillanpuni. Chayrayku tukuy millay ruwasqankuta, mana kasukusqankuta, juchallisqankutapis pampachani. Chaywanpis juchallejtaqa mana qhawakullanichu, aswanpis tata mamaj juchallisqankumanta wawankunata, allchhinkunata, allchhinkunaj wawankukamaraj ñak'arichini, nispa.

Salmos 32:1

(1b) Kusikuyniyojmin runaqa juchan pampachasqa kajtin, tukuy millay ruwasqantaj p'ampasqa kajtin.

Salmos 130:4

Juchallisqayku pampachasqa kananta qanllapi tariyku, qanllata jatunchanaykupaj.

1 Reyes 8:39

qan janaj pachamanta uyariy, maypichus tiyakunki, chaymantapacha. Chantá juchankuta pampachay sapa ujninkuman ruwasqankuman jina qospa, imaraykuchus qanllamin tukuy runaj sonqonkuta, tukuy yuyasqankutapis rejsinki.

1 Reyes 8:30

Kay Templo qhawarisqa, noqa kamachiykej mañakusqayta, Israel aylluykej mañakusqantapis uyariy ari. Janaj pachapi tiyakunki, chaymantapacha uyariwayku, juchaykutataj pampachay.

Isaías 1:18

Tata Dios nillantaj: Jamuychej, kay imamanta parlarisunchej: Mana allin ruwasqaykichej may jina pukapis kachun, rit'ita jina yurajyachisaj. May jina kullipis kachun, yuraj millmata jina yurajyachisaj.

Daniel (hebreo) 9:19

Tukuyta Kamachej Diosniyku, uyariwayku. Tukuyta Kamachej Diosniyku, juchaykuta pampachay ari. Uyarillawayku, Tukuyta Kamachej Diosniyku, jamuspataj yanapariwayku. Qanpa sutiykirayku, Diosníy, usqhayllata jamuy ari, llajtaykipi, aylluykipi ima sutiyki yupaychasqa kasqanrayku, nispa.

1 Reyes 8:34

Jina chayqa, qan janaj pachamanta uyarimuspa, Israel aylluykej juchankuta pampachanki, ñawpa tatankuman jallp'a qosqaykimantaj paykunata kutichimpunki.

1 Reyes 8:50

Chantá qanpa contraykita aylluyki juchallikusqanta, tukuy imaymana pantasqankuta ima pampachay. Jinataj, pikunachus presota apajkunaj sonqonkuman churay aylluykita khuyarinankupaj.

Hechos 13:38

Wawqekuna, kayta yachaychej: Kunan noqayku willashayku Diosqa Jesusnejtamin juchaykichejta pampachananta.

San Mateo 9:2

Chaymantaj uj suchu runata apamorqanku, phullupi wantumuspa. Jesustaj paypi atinikusqankuta rikuspa, onqosqata nerqa: Sonqochakuy, wawáy. Juchaykeqa pampachasqaña, nispa.

San Mateo 26:28

Kaymin yawarneyqa, chaywantaj Diosqa qankunawan mosoj tratota ruwan, chaytaj jich'asqa kanqa ashkha runaj juchanku pampachasqa kananpaj.

San Lucas 13:4

Jinallataj yuyarikuychej jaqay chunka pusajniyoj runakunamanta, pikunatachus Siloepi torre urmaykuspa p'altarparerqa, chaykunamanta. Qankuna yuyankichejchu paykuna aswan juchasapa kasqankuta Jerusalenpi tiyakojkunamanta nisqaqa?