San Mateo 6:10 - DIOSPA QHELQACHISQ

¹⁰ Jamuspa noqaykuta kamachiyta qallariy, munayniykitaj kay pachapi ruwasqa kachun, imaynachus janaj pachapi ruwakun, ajinallatataj.

Qheshwa Biblia DC

¹⁰ Reinoyki jamuchun, munayniyki ruwasqa kachun; imaynatachus janaj pachapi, ajinallatataj kay pachapipis.

DIOSPA QHELQACHISQAN DEUTEROCANONICAL

¹⁰ Jamuspa noqaykuta kamachiyta qallariy, munayniykitaj kay pachapi ruwasqa kachun, imaynachus janaj pachapi ruwakun, ajinallatataj.

Quechua South Bolivia: Dios Parlapawanchej

¹⁰ Mayta munaycu tucuyta camachinayquita. Janaj pachapi munayniyqui ruwacushan, ajinallataj cay pachapipis ruwacuchun.

San Mateo 6:10 Referans Kwoze

Hebreos 10:36

Qankuna pacienciakuyta necesitankichej, Diospa munasqanta ruwaspallapuni kanaykichejpaj. Chaypacha Dios imatachus qonawanchejta nisqanta jap'inkichej.

San Juan 4:34

Jesustaj paykunata nerqa: Mikhunayqa Kachamuwaj Diospa munasqanta ruwanay, imatachus ruwanantataj tukuychanay.

San Mateo 26:42

Chantá Jesús ujtawan rispa, mañakullarqataj: Tatáy, ñak'arinaypuni kajtenqa, qanpa munayniyki ruwasqa kachun, nispa.

San Mateo 12:50

Pichus janaj pachapi kashaj Tataypa munayninta ruwajmari wawqey, panay, jinallataj mamaypis, nispa.

1 Tesalonicenses 5:18

Jinallataj tukuy imamanta Diosta pachis nillaychejpuni, imaraykuchus Jesucristoman ujchasqa kasqaykichejrayku Dios chayta munan.

Romanos 12:2

Ama Diosman mana kutirikojkunaj yuyasqankuman jinaqa puriychejchu. Aswanpis saqeychej Dios yuyayniykichejta mosojyachispa mosoj runaman tukuchisunaykichejta. Ajinapi yachankichej qankunapaj Diospa munaynin k'acha, sonqonta kusichej, chantá mana pantayniyoj kasqanta.

San Juan 6:40

Tatayqa munan pillapis Churinta qhawaspa paypi atinikojqa wiñay kawsayniyoj kananta. Chantá noqa kikiy qhepa kaj p'unchaypi chay runata wañusqamanta kawsarichisaj, nispa.

Colosenses 1:9

Chayrayku noqayku tukuy chayta uyarisqaykumantapacha Dioswan parlarikuspa, qankunarayku mañapuyku, Tata Dios munayninta allintapuni rejsichisunaykichejpaj, jinataj Santo Espíritu yuyayta, yachayta ima qosunaykichejpaj.

Efesios 6:6

Ama paykuna qhawashajtillankuchu ruwaj ruwaj tukuychej, imaynatachus wakin ruwanku, ajinataqa. Manachayqa Cristoj wata runan jina, Diospa munasqanta tukuy sonqo ruwaychej.

Salmos 40:8

8 (9) Diosníy, munasqaykita ruwaspa kusikuni, yachachiwasqaykitaj sonqoypi kashan, nispa.

San Mateo 7:21

Mana tukuy pikunachus: Tukuyta Kamachejniyku kanki, nispa niwajkunachu Diospa kamachiyninman yaykonqanku. Manachayqa, janaj pachapi kaj Tata Diosniypa munayninta ruwajkunalla yaykonqanku.

1 Pedro 2:15

Diosqa qankuna allin kajta ruwanaykichejta munan, ajinamanta mana yuyayniyoj nitaj mana imata yachaj runakunaj thawtisqankuta ch'inyachinaykichejpaj.

Hebreos 13:21

Paymin tukuy imata allinta ruwanaykichejpaj qankunata yachachichun. Jinallataj Jesucristonejta qankunapi pay ruwachun, imachus payta kusichin, chayta. Chayrayku pay may jatunchasqa kachun, wiñay wiñaynintinpaj. Ajina kachun.

San Mateo 3:2

Paytaj nerqa: Diosman kutirikuychej, imaraykuchus janaj pachamanta Dios kay pachapi kamachinanpaj wakichisqaña kashan, nispa.

Daniel (hebreo) 7:27

Chantá kay pachapi kamachinapaj atiywan, kallpawan, jatunchasqa kaywan ima Patapi Kaj Diospa ayllunman qosqa kanqa. Paypa kamachiynenqa wiñaypaj kanqa, jinataj kay pachapi kaj chhika suyukuna payta kasonqanku, munaynintataj ruwanqanku, nispa.

San Lucas 22:42

Tatáy, munankichus chayqa, noqamanta karunchay, imatachus ñak'arinay kashan, chayta. Chaywanpis ama noqaj munaynillay kachunchu, manachayqa qanpa munayniyki ruwasqa kachun, nispa.

San Juan 7:17

Pichus Diospa munasqanta ruwayta munajqa, yachachisqay Diosmantachus, chayrí noqallamantachus kasqanta yachanqa.

Daniel (hebreo) 2:44

Chay kuraj kamachejkuna kamachishajtinku, janaj pachapi kaj Tata Dios mana jayk'aj chinkachisqa kanan kamachiyninta sayarichenqa, manataj mayqen suyupis payta atipanqachu. Astawanpis payqa tukuynin waj suyukunata tukuchenqa, paypa suyuntaj wiñaypaj sayanqa.

Apocalipsis 19:6

Jinallataj ashkha runaj parlasqanta jina uyarillarqanitaj, ashkha yakoj phajchasqanta jina, chantá ashkha qhon qhonkunaj manchay sinch'i t'ojyasqanta jina. Paykunataj nisharqanku: Tata Dios jatunchasqa kachun, imaraykuchus Tukuyta Kamachej, Tukuy Atiyniyoj Diosninchej kamachishanña.

1 Tesalonicenses 4:3

Dios munan, qankuna juchamanta t'aqasqa kajkuna jina allinta purinaykichejta. Munallantaj khuchichakuspa purinamanta karunchakunaykichejta.

Hechos 21:14

Chantá ni imaynapi payta jark'ayta atispa, saqellarqaykuña: Tukuyta Kamachej Jesuspa munasqan ruwasqa kachun, nispa.

Daniel (hebreo) 4:35

35 (32) Paypa ñawpaqenpi kay pachapi tiyakoj runakuna manakaj jinalla kanchej. Payqa munayninman jina ruwan janaj pachapi, jinallataj kay pachapipis. Manataj pipis Diospa atiyninman sayaykojqa kanchu, manallataj pipis payta tapurej kanchu: Imarayku kay jinata ruwankiri? nispa.

Hechos 13:22

Chaywanpis Diosqa Saulta kuraj kamachej kananmanta wijch'uspa, Davidtañataj churarqa kuraj kamachej kananpaj. Paymantataj Dios nerqa: Yesejpa churin Davidta tarini, paytaj sonqoypa tukuy munasqanta ruwanqa, nispa.

San Mateo 4:17

Chaymantapacha Jesús kay jinata tukuyman willarayta qallarerqa: Diosman kutirikuychej, imaraykuchus janaj pachamanta Dios kay pachapi kamachinanpaj wakichisqaña kashan, nispa.

Apocalipsis 12:10

Chay qhepata noqa janaj pachamanta jatunmanta parlamojta uyarerqani: Kunan Diosninchej jatun atiyninwan ayllunta qhespichin, jinallataj tukuy runata kamachishan. Chantá Criston kasuchikunanpaj atiyniyojllataj kashan. Wawqe pananchejkunata ch'atajtarí ñapis janaj pachamanta wijch'umunkuña, pichus Diosninchejpa ñawpaqenpi tuta p'unchay paykunata ch'ataykoj, chayta.

1 Pedro 4:2

Ajinaqa kay pachapi kawsanaykichejkamaqa manaña sonqoykichejpa munasqanman jinachu kawsankichej, manachayqa imata jina Diospa munasqanta ruwaspa kawsankichej.

Hebreos 10:7

Chayrayku nerqani: Kaypi kashani, Diosníy, munasqaykiman jina ruwanaypaj, imaynachus noqamanta p'anqapi qhelqasqa kashan, chayman jina, nispa.

San Lucas 19:38

Paykuna nerqanku: Jatunchasqa kachun Diospa sutinpi jamoj kuraj kamachejqa. Janaj pachapi allin kawsay kachun, jinallataj patapipis Dios jatunchasqa kachun, nispa.

Marcos 3:35

Pichus Diospa munayninta ruwan, chaymá wawqeyqa, panaypis, mamaypis, nispa.

San Mateo 16:28

Kayta sut'ita niykichej: Kaypi kajkunamanta wakin mana wañonqankuchu, Runaj Churinta kamachinanpaj jamushajta rikunankukama, nispa.

Daniel (hebreo) 7:13

Chay tutapi mosqoypi jina rikusqayta qhawashaspallapuni, runaj churinman rijch'akojta phuyu chawpipi jamushajta rikorqani. Payqa, maypichus Wiñaymantapacha Kaj kasharqa, chayman risqa, paytataj Wiñaymantapacha Kajman qayllachisqanku.

Nehemías 9:6

Qanllamin uj k'ata Tata Dios kanki. Qan ruwarqanki janajta, janajmanta aswan patapi kajtapis, chaypi tukuy kaj ch'askakunatapis. Ruwallarqankitaj kay pachata, chaypi tukuy ima kajtapis, mama qochatapis, chaypi tukuy ima kajtapis. Qanqa tukuy imaman kawsayta qonki. Chayraykumá janajpi tukuy ch'askakunapis yupaychasunku.

Marcos 11:10

Dios saminchachun ñawpa tatanchej Davidpa jamoj kamachiyninta. Janaj pachapipis qhespichej Dios jatunchasqa kachun, nispa.

Apocalipsis 11:15

Maypachachus qanchis kaj ángel trompetanta waqacherqa chaypacha, janaj pachapi jatunmanta parlasqanku uyarikorqa: Diosninchej, chantá kachamusqan Cristo ima kay pachapi kamachishankuña. Paykunataj wiñay wiñaypaj kamachenqanku, nispa.

Apocalipsis 20:4

Rikullarqanitaj kamachina tiyanakunata, chaykunapitaj tiyakusharqanku, pikunachus juzganankupaj atiyta jap'erqanku, chaykuna. Umanku qholusqa kajkunaj almankutapis rikullarqanitaj, pikunachus Jesusmanta, chantá Diospa simi nisqanmanta ima willasqankurayku wañuchisqa kasqanku, chaykunata. Paykunaqa sierpeta, lantintapis mana yupaychasqankuchu, manallataj mat'inkupi, chayrí makinkupipis marcanwan marcachikusqankuchu. Kunantajrí paykuna kawsarimpuspa, Cristowan khuska waranqa watata kamacherqanku.

Salmos 2:6

Noqaqa ajllakusqay kuraj kamachejta Sión orqopi kamachinanpaj tiyaykuchiniña noqapaj ajllakusqay Sión orqopi, nispa.

Hebreos 1:14

Aswanpis angelkunaqa Diospa munasqanta ruwanankupaj kashanku. Diostaj paykunata kachamun, pikunachus qhespichisqa kanata chayaqeta jina jap'enqanku, chaykunata yanapanankupaj.

Colosenses 1:13

Diosqa laqhayaypi kamachejpa atiyninpi kawsashasqanchejmanta orqhospa, munasqa Churinpa kamachiyninman churawarqanchej.

San Lucas 19:11

Chay imakunata runakuna uyarishajtinku, Jesusqa uj rijch'anachinatawan nerqa. Jerusalén llajta qayllapiña Jesús kasqanrayku, paykuna yuyasharqanku Diosqa chaypacha kamachiyta qallarinanta.

Zacarías 9:9

Sión llajta, sinch'ita kusikuy. Jerusalén llajta, kusiymanta takiy. Kuraj kamachejniykeqa cheqan, atiyniyojtaj jamusonqa. Llamp'u sonqo kaspa, payqa burropi lloq'asqa jamusonqa, china burroj uñan, maltun burritopi.

Isaías 2:2

Jamoj p'unchaykunapi kay jina kanqa: Maypichus Tata Diospa Templon kashan, chay orqoqa tukuy orqokunamanta aswan uyarisqa kanqa. Tukuy suyumantataj runakuna chayman jamonqanku.

Hechos 22:14

Chantá Ananías niwarqa: Ñawpa tatanchejkunaj Diosnenqa ñawpajmantapacha qanta ajllakusunki paypa munayninta rejsinaykipaj, Diospa Cheqan Kaj Kamachinta rikunaykipaj, kikin siminmantataj nisqanta uyarinaykipaj ima.

Jeremías 23:5

Tata Dios nillantaj: Uj p'unchay chayamonqa, chay p'unchaypitaj Davidpa mirayninmanta uj kuraj kamachejta jatarichisaj. Chay kuraj kamachejqa yachaywan, justiciawan, cheqanta ruwaspataj kamachenqa.