San Mateo 5:7 - DIOSPA QHELQACHISQ

⁷ Kusikuyniyojmin kanku khuyakojkunapis, imaraykuchus Dios paykunamanta khuyakullanqataj.

Qheshwa Biblia DC

⁷ Kusikuyniyoj kanku khuyakojkunapis, imaraykuchus paykunaqa khuyakuyta tarenqanku.

DIOSPA QHELQACHISQAN DEUTEROCANONICAL

⁷ Kusikuyniyojmin kanku khuyakojkunapis, imaraykuchus Dios paykunamanta khuyakullanqataj.

Quechua South Bolivia: Dios Parlapawanchej

⁷ ‘May cusiskas cancu Diosmanjina c'acha sonkowan qhuyacojcunaka. Paycunata Dioska qhuyallankataj.

San Mateo 5:7 Referans Kwoze

Efesios 4:32

Manachayqa ujkuna ujkunawan k'acha kaychej, khuyakuyniyojtaj. Chantá ujkuna ujkuna qhespichinakuychej, imaynatachus Diospis Cristonejta juchaykichejta pampacharqa, ajinata.

2 Samuel 22:26

Qanqa, Tata Dios, khuyakojtaqa khuyallankitaj. Cheqan runawanpis cheqanllataj kanki.

Salmos 18:25

25 (26) Tata Dios, nisqaykita junt'ajpajqa qan nisqaykita junt'allankitaj, cheqan runapajtaj cheqallantaj kanki.

Santiago 2:13

Pichus wajkunata mana khuyarikojqa juicio p'unchaypi Dios paymanta mana khuyarikullanqatajchu. Pichus khuyakuyta yachajtajrí, Dios juicio p'unchaypi paymanta khuyarikullanqataj.

Santiago 3:17

Diosmanta yachayniyoj kayta jap'ejkunarí llimphu puriyniyoj kanku. Paykuna allinpi kawsakuyta mask'anku, Diosta kasukojkuna kanku, tukuywantaj k'acha. Jinallataj paykuna ñak'arejkunamanta khuyakuyta yachanku, chantá allin kajta ruwaspallapuni purinku. Paykunaqa mana runaj uyantachu qhawanku, jinataj Diosta tukuy sonqo qhatejkuna jina purinku.

Colosenses 3:12

Qankunaqa Diospa ajllakusqan kankichej, paypaj t'aqasqa, may munasqataj. Chayrayku qankuna khuyakuywan, k'acha kaywan, llamp'u sonqo kaywan, mana phiñakoj kaywan, pacienciawan ima p'achawan jina p'achallikuychej.

San Lucas 6:35

Qankunarí awqaykichejkunata allinta ruwaspa munakuychej. Manuspapis, ama suyaychu imatapis kutichipusunankuta. Jinamanta t'inkaykichej jatun kanqa, qankunataj Patapi Kaj Diospa wawankuna kankichej. Diosqa paymanta mana yuyarikojkunata, millay sonqoyojkunata ima khuyarin.

Miqueas 6:8

Ayllúy, Tata Dios nisunkiña imachus allin kasqanta. Payqa kayta ruwanaykita munan: Cheqan kajta ruwanaykita, khuyakuyniyoj kanaykita, chantá k'umuykukoj sonqowan payta kasunaykita ima.

Proverbios 19:17

Wajchakunaman manoyqa Tata Diosman mañariy jina, Tata Dios kikintaj chay manuta junt'aponqa.

Hebreos 6:10

Diosqa cheqan kaspa, ruwasqaykichejmanta mana qonqaponqachu, jinallataj payta munakusqaykichejmantapis. Chayrayku qankuna Diospa ajllakusqankunata yanaparqankichej, kunanpis yanapashallankichejpuni.

Daniel (hebreo) 4:27

27 (24) Chayrayku kamachejníy, yuyaychasqayta kasuway: Kamachej jina cheqanta ruway, amataj astawan juchalliychu. Mana allin kajta ruwayta saqespa, wajcha runakunamanta khuyakuy. Ichapis ajinamanta astawan unayta mana ima llakiyniyoj kawsakunki, tukuy imapipis allillan risonqa, nispa.

Hebreos 4:16

Chayrayku noqanchej mana manchachikuspa, may jina munakuyniyoj Diospa ñawpaqenman qayllaykunachej. Payman qayllaykuspataj, khuyakuyninta, chantá qhasilla k'acha yanapaynintawan tarisunchej, necesitasqanchej p'unchaypi yanapanawanchejpaj.

Proverbios 11:17

Khuyakuyniyoj runaqa pay kikinpaj allinta ruwakun. Phiña mana sonqoyoj runarí pay kikillanpajtaj mana allinta mask'akun.

1 Pedro 2:10

Qankuna ñawpajtaqa mana ayllunchu karqankichej, kunantajrí Diospa ayllunña kankichej. Ñawpajtaqa Dios mana khuyakusorqachejchu, kunantajrí Diospa khuyakusqanña kankichej.

Marcos 11:25

Chaywanpis Diosmanta mañakushaspa, sichus pillawanpis phiñanasqa kawajchej chayqa, contraykipi juchallisqanta ñawpajta pampachaychej. Ajinamanta, janaj pachapi kaj Tataykichejpis contranpi juchallisqaykichejta pampachallanqataj.

Proverbios 14:21

Pichus runa masinta pisipaj qhawajqa juchallikun. Wajchakunata khuyajrí kusikuyniyojmin.

Oseas 2:1

1 (3) Chaypacha qankuna wawqeykichejkunaman ninkichej: Diospa ayllun kankichej, nispa. Panaykichejkunamantaj ninkichej: Diospa khuyasqan kankichej, nispa.

Salmos 112:9

Pay pisichikojkunaman mana mich'akuspa kapuyninmanta jaywan. Allin ruwasqanqa wiñaypaj yuyarisqa kanqa, llimphu sonqowantaj umata oqharenqa.

Salmos 112:4

Cheqanta ruwaspa purejkunapaj laqhayaypi k'anchay lliphipin. Paykuna khuyakoj, cheqan sonqoyoj, wawa sonqotaj kanku.

Salmos 37:26

Manachayqa cheqanta ruwaj runaqa khuyakuspa, imatapis mañarillanpuni, wawankunataj tukuypaj k'acha kanku.

1 Timoteo 1:13

Ñawpajta Cristoj contranta rimaj kani. Jinataj payta chejnispa qhatiykachaj kani, paypajtaj millayta parlaj kani. Chaywanpis pay khuyarikuwarqa, imaraykuchus noqa manaraj Cristomanta jap'ikushaspa, imatachus ruwashasqayta mana yacharqanichu.

1 Corintios 7:25

Manaraj casarakojkunapaj Tukuyta Kamachej Jesucristo mana imatapis kamachiwarqachu. Aswanpis noqa imaynatachus yuyasqallayta niykichej, Tukuyta Kamachej Jesucristo khuyakuyninpi jap'ikunapaj jina yuyayta qowasqanrayku.

1 Timoteo 1:16

Ajina kashajtiypis, Dios khuyarikuwarqa, ajinamanta Jesucristo noqapiraj jatun paciencianta rikuchinanpaj. Ajinata ruwarqa, pikunachus aswan qhepanejman paymanta jap'ikuspa wiñay kawsayniyoj kananku karqa, chaykunapaj.

Oseas 2:23

23 (25) Aylluyta kay jallp'api munayniyta ruwananpaj sayachisaj, jinataj noqallapaj kanqa. Khuyakusaj Lorrujamanta, Loamitataj nisaj: Qanmin aylluy kanki, nispa. Paytaj kutichiwanqa: Qanmin Diosniy kanki, nispa.

Oseas 1:6

Chantá Gomer ujtawan wijsallikuspa, uj warmi wawatañataj paqarichikorqa. Jinapi Tata Diosqa Oseasta nerqa: Chay wawata Lorrujama sutiwan sutichay, imaraykuchus noqaqa manaña Israel suyumanta khuyakusajchu. Manataj paykunata ujtawan qhespichisajchu.

Isaías 57:1

Cheqan kaj runakuna wañupojtinku, mana pipis paykunamanta yuyarikoj kanchu. Manataj pipis entiendenchu Dios paykunata pusakapusqanta, ama llakiypi ñak'arichisqa kanankupaj.

2 Corintios 4:1

Chayrayku noqayku Diospa khuyakuyninnejta paypaj ruwananman churasqa kaspa, mana q'enaqakuykuchu.

Romanos 11:30

Qankuna mana judío kajkuna ñawpajta Diosta mana kasorqankichejchu. Kunanrí judiokuna mana kasukusqankurayku Dios qankunamanta khuyakusunkichej.

2 Samuel 17:28

Paykuna apamorqanku phullukunata, yurukunata, mankakunata, jinataj trigota, cebadata, jak'uta, cebada jank'ata, jabasta, lentejata,

Proverbios 11:25

Khuyakoj runaqa tukuy imayoj kanqa, k'acha sonqoyoj runataj sajsachisqapuni kanqa.