San Mateo 5:3 - DIOSPA QHELQACHISQ

³ Kusikuyniyojmin kanku wajcha sonqoyoj kasqankuta reparakojkunaqa, imaraykuchus janaj pachamanta Diospa kamachiyninpi kanqanku.

Qheshwa Biblia DC

³ Kusikuyniyoj kanku wajcha sonqoyojkunaqa, imaraykuchus paykunajta janaj pacha reinoqa.

DIOSPA QHELQACHISQAN DEUTEROCANONICAL

³ Kusikuyniyojmin kanku wajcha sonqoyoj kasqankuta reparakojkunaqa, imaraykuchus janaj pachamanta Diospa kamachiyninpi kanqanku.

Quechua South Bolivia: Dios Parlapawanchej

³ —May cusiskas cancu sonkoncupi Diosmanta pisiskas caskancuta khawacojcunaka. Imaraycuchus Dios paycunataka munacuywan camachin.

San Mateo 5:3 Referans Kwoze

Isaías 66:2

Noqa makiywan kay tukuy imata ruwarqani, ajinamantataj kay tukuy ima rikhurerqa. Ajinata noqa Tata Dios nini. Chantá nillanitaj: Pichus llamp'u sonqoyoj kajta noqa qhawasaj, pikunachus nisqayta uyarispa kharkatitinku, chaykunata.

Proverbios 29:23

Umata oqharej runataqa machu machu kaynin k'umuykuchenqa, llamp'u sonqoyojtajrí jatunchasqa kanqa.

Salmos 34:18

18 (19) Tata Diosqa sonqo p'akisqa kajkunata qhespichinanpaj qayllallankupi kashan, pikunachus manaña ima suyanayoj kanku, chaykunata.

Proverbios 16:19

Pichus llamp'u sonqoman tukuspa wajchakunawan khuska kawsakun, chay astawan allinpi kanqa, pichus jatunchakojkunawan kawsakuspa qhapajyan, chaymanta nisqaqa.

San Lucas 18:14

Noqataj niykichej: Chay impuesto cobraj runaqa juchan pampachasqa wasinman kutipusqa. Fariseoj juchanrí mana pampachasqachu karqa, imaraykuchus Diosqa jatunchakojkunata k'umuykuchenqa, k'umuykojtatajrí jatunchanqa, nispa.

2 Crónicas 7:14

sichus ajllakusqay aylluy k'umuykuspa, tukuy sonqo mañakamuwanman, sajra kawsayninta saqespataj mask'awanman chayqa, noqaqa janaj pachamantapacha uyarimusaj, juchantataj pampachasaj, jallp'antapis allinyachisaj.

Salmos 51:17

17 (19) Manachayqa k'umuykoj sonqo kanayta munanki. Qanqa Diosníy, tukuy sonqo k'umuykojta, chantá qanman kutirikamusojta mana qhesachankichu.

Isaías 57:15

Ajinata patapi kaj wiñaypaj kawsaj Tata Dios nini, May Llimphu Kaj sutiyoj Dios: Noqa patapi tiyakuni, may llimphu cheqapi. Jinallataj llamp'u sonqoyojwan, k'umuykojwan ima kashani, k'umuykoj sonqoyojkunata, sonqo p'akisqakunatapis kusichinaypaj.

Santiago 2:5

Munasqa wawqe panaykuna, allinta uyariwaychej: Manachu Diosqa pikunachus kay pachapi wajcha kajkunata ajllakun, Diospi atinikuypi qhapaj kanankupaj? Manachu paykuna kamachiyninpi chayaqeyoj kanqanku, Dios payta munakojkunaman chayaqeta qonanta nisqanman jina?

Isaías 61:1

Tukuyta Kamachej Tata Diospa Espíritun noqawan kashan, imaraykuchus Tata Diospuni noqata ajllakuwarqa. Sumaj willaykunata wajchakunaman willaranaypaj kachamuwan, llakisqakunatataj sonqochanaypaj. Presochasqa runakunaman kacharichisqa kanankuta willaranaypaj kachamuwan, jinallataj carcelkunapi kajkunatapis kacharichinaypaj.

2 Crónicas 34:27

sonqoykita wawayachispa, noqaman k'umuykamuwarqanki, kay cheqaj contranpi, kaypi tiyakojkunaj contrankupiwan, imakunatachus nisqayta uyarispa. Ñawpaqeyman k'umuykamuwarqanki, p'achaykita llik'ikuspataj, ñawpaqeypi waqarikorqanki. Chayrayku noqapis mañakuwasqaykita uyarillaykitaj, nispa. Noqa Tata Diosniyki nishayki:

Miqueas 6:8

Ayllúy, Tata Dios nisunkiña imachus allin kasqanta. Payqa kayta ruwanaykita munan: Cheqan kajta ruwanaykita, khuyakuyniyoj kanaykita, chantá k'umuykukoj sonqowan payta kasunaykita ima.

San Lucas 11:28

Jesustajrí kuticherqa: Diospa simi nisqanta uyarispa kasojkunamari kusikuyniyoj kanku, nispa.

Salmos 112:1

Tata Dios jatunchasqa kachun. Tata Diosta manchay jatun respetowan qhawaj runaqa kusisqamin, pichus Diospa kamachisqanta kasuspa misk'irichikojqa.

Salmos 1:1

Kusikuyniyojmin pichus millayta ruwaspa purejkunaj yuyaychasqankuta mana jap'ikojqa, juchallispa purejkunaj purisqankutapis mana qhatejqa, Diosmanta alqochakojkunawanpis mana khuskachakojqa.

Job 42:6

Chayrayku imatachus nisqaymanta p'enqakuni, qanmantaj jallp'a patapi, ushpha patapi ima tiyaspa k'umuykamuyki, nispa.

San Mateo 11:25

Chaypacha Jesús kay jinata Diosta nerqa: Tatáy, janaj pachata, kay pachatawan kamachej Dios, noqa jatunchayki imaraykuchus qan kay imakunata yachayniyojkunamanta, yuyayniyojkunamantawan pakaykorqanki, wawa jina kajkunamantaj sut'incharqanki.

San Lucas 4:18

Tukuyta Kamachej Diospa Espíritun noqapi kashan, imaraykuchus pay ajllawan sumaj willayta wajchakunaman willanaypaj. Chantá kachamuwan presokunaman kacharichisqa kanankuta willanaypaj, ñawsakunata qhawarichinaypaj, chantá ñak'arichisqa kajkunata qhespichinaypaj.

Marcos 10:14

Jesús chayta rikuspa, yachachisqankunapaj phiñakorqa, nerqataj: Wawakunata noqaman jamojta saqeychej, amataj jark'aychejchu, imaraykuchus kay wawakuna jina kajkunalla Diospa kamachiyninman yaykonqanku.

San Mateo 13:16

Qankuna yachachisqaykunarí kusikuyniyojmin kankichej, imaraykuchus ñawiykichejqa rikun, ninriykichejpis uyarin.

Isaías 30:18

Chaywanpis Tata Dios qankunaman khuyakuyninta, munakuyninta ima rikuchinasuykichejpaj suyashasunkichej, imaraykuchus payqa cheqanta ruwaj Diosmin. Pay yanapananta tukuy suyakojkunaqa may kusikuyniyojmin kanqanku.

Salmos 146:5

Kusikuyniyoj kanku, pikunatachus Jacobpa Diosnin yanapan, chaykuna, pikunachus Tata Dioslla yanapananta suyakojkuna.

2 Crónicas 33:12

Chaymanta Manasesqa sinch'i ñak'ariypi kashaspa, ñawpa tatankukunaj Tata Diosninman mayta k'umuykukuspa qhaparikorqa.

Salmos 41:1

1 (2) Kusikuyniyojmin pichus mana kallpayoj wajcha runapi yuyajqa. Llakiy p'unchay chayamojtin, Tata Dios payta yanapanqa.

Salmos 2:12

Diosta jatunchaychej, ama phiñakunanpaj, imajtinchus pay askamalla phiñakuspa, qankunata wañuchisunkichejman. Paypi atinikojkunarí kusikuyniyojmin kanqanku.

2 Crónicas 33:23

Amonqa manataj tatan Manasés jinaqa Tata Diospa ñawpaqenpeqa k'umuykorqachu, manachayqa astawan juchata yapaykukorqa.

Santiago 1:12

Kusisqamin pichus tukuy imaymana mana allin kaj qhatirejtin sinch'ita sayajqa, imaraykuchus chay mana allin kajta atipasqanmanta payqa wiñay kawsayta pilluta jina jap'enqa. Chayta Diosmin payta munakojkunaman qonanta nerqa.

San Juan 20:29

Jesustajrí payta nerqa: Tomás, kawsashajta rikuwasqaykiraykuchu noqapi atinikunki? Jinapis mana rikuwaspalla noqapi atinikojkunaqa kusisqamin kanqanku, nispa.

San Mateo 24:46

Jaqay mayordomo kusikuyniyojmin kanqa, sichus patronnin ajinata ruwashajta taripanqa chayqa.

Salmos 84:12

12 (13) Tukuy Atiyniyoj Tata Dios, kusikuyniyojmin kanku qanpi atinikuspa purejkunaqa.

Deuteronomio 8:2

Qankuna tukuy ch'innejta tawa chunka watata purisqaykichejta yuyarikuychej. Tata Diosniykichej chaynejta pusamusorqachej qankunata k'umuykuchinanpaj, chantá sonqoykichejpi imachus kasqanta yachananpaj.

Santiago 1:10

Qhapajrí Diosnejta k'umuykuchisqa kasqanmanta kusikuchun, imaraykuchus qhapaj kasqanqa qhora t'ika jinalla tukukaponqa.

Proverbios 8:32

Kunanqa wawaykuna, ama jina kaspa uyariwaychej: Kusikuyniyojmin kanku yachachisqayman jina kawsakojkunaqa.

2 Crónicas 33:19

Diosmanta mañakusqan, Dios payta uyarisqan, tukuy juchallisqan, Diosta qhesachasqan, loma patapi lanti wasikunata jatarichisqan, jinataj maykunapichus churarqa Asera lantikunata, waj lantikunatawan, manaraj Diosman k'umuykushaspa, tukuy chaykunamantaqa Diosmanta sut'inchajkunaj qhelqankupi qhelqasqa kashan.

Apocalipsis 22:14

Kusisqamin kanku pikunachus p'achankuta t'ajsakunku chaykunaqa. Ajinamanta paykuna kawsachej sach'amanta poqoyta mikhonqanku, mosoj llajtamantaj punkunejta yaykuyta atenqanku.

Apocalipsis 19:9

Chantá ángel nillawarqataj: Kayta qhelqay: Pikunachus Corderoj casaraku rayminman wajyasqa kajkunaqa kusisqa kanqanku, nispa. Nillarqataj: Ajinata Dios nispaqa, mana llullakunchu, nispa.

San Mateo 25:34

Chantá Kuraj Kamachejqa pañanpi kajkunata nenqa: Jamuychej, qankunaqa Tataypa saminchasqan kankichej. Chayrayku Diospa janaj pacha kamachiyninman yaykuychej, mayqenchus kay pachaj qallariyninmantapacha chayaqeykichejpaj wakichisqa karqa, chayman.

Salmos 128:1

(1b) Tata Diosta manchay jatun respetowan qhawaspa purejkunaqa kusisqa kawsakonqanku. Pikunachus kamachisqanta kasojkunapis kusisqallataj kawsanqanku.

San Mateo 11:6

Kusikuyniyojmin pichus mana iskayrayaspa noqamanta jap'ikojqa, nispa.

San Mateo 8:11

Nillaykichejtaj: Ashkha runa inti llojsimuynejmanta jamonqanku, inti yaykuynejmanta ima. Chantá Diospa janaj pacha kamachiyninpi paykuna Abrahamwan mikhonqanku, Isaacwan, Jacobwan ima.

San Mateo 3:2

Paytaj nerqa: Diosman kutirikuychej, imaraykuchus janaj pachamanta Dios kay pachapi kamachinanpaj wakichisqaña kashan, nispa.

San Mateo 19:14

Jesustajrí yachachisqankunata nerqa: Wawakuna noqaman jamojta saqellaychej, amataj jark'aychejchu, imaraykuchus kay wawakuna jina kajkunalla Diospa janaj pacha kamachiyninman yaykonqanku, nispa.

San Lucas 22:29

Chayrayku imaynatachus Tatay kuraj kamachej kanaypaj noqata churawarqa, ajinallatataj noqa qankunatapis churaykichej kamachejkuna kanaykichejpaj.

San Lucas 22:30

Ajinamanta noqa kamachishajtiy, qankuna noqawan mikhunkichej, ujyankichejtaj ima. Jinallataj kamachina tiyanapi tiyaykunkichej Israelpa chunka iskayniyoj jatun ayllunkunata juzganaykichejpaj, nispa.

Apocalipsis 3:17

Qanqa nishanki: Noqaqa qhapaj kani, tukuy imayoj, manataj imamantapis pisinichu, nispa. Jinapis mana reparakunkichu khuyana kasqaykita, mana imayoj, wajcha, ñawsa, q'alallataj.