San Mateo 5:16 - DIOSPA QHELQACHISQ

¹⁶ Ajinallatataj, k'anchayniykichejqa runakunaj ñawpaqenpi k'anchachun. Ajinamanta paykuna allin ruwasqaykichejta rikuspa, janaj pachapi kashaj Tata Diosniykichejta jatunchanqanku.

Qheshwa Biblia DC

¹⁶ Ajinallatataj k'anchayniykichejqa k'anchachun runaspa ñaupaqempi. Paykunapis allin ruwasqaykichejta rikuspa, janaj pachapi kashaj Tataykichejta yupaychanankupaj.

DIOSPA QHELQACHISQAN DEUTEROCANONICAL

¹⁶ Ajinallatataj, k'anchayniykichejqa runakunaj ñawpaqenpi k'anchachun. Ajinamanta paykuna allin ruwasqaykichejta rikuspa, janaj pachapi kashaj Tata Diosniykichejta jatunchanqanku.

Quechua South Bolivia: Dios Parlapawanchej

¹⁶ Kancunapis ajinallataj c'anchayjina canquichej cay pacha runaspaj. Ñaupakencupi c'acha cajta ruwaspa causacuychej. Ajina cachun paycunaka janaj pachapi tiyacoj Tatayquichej Diosta jatunchanancupaj.

San Mateo 5:16 Referans Kwoze

1 Pedro 2:12

Jinallataj Diosta mana qhatejkunaj ñawpaqenkupi allinta puriychej. Paykuna kunan mana allin kajta qankunapaj rimanku, millayta ruwajkunapis kawajchej jina. Chaywanpis allin ruwasqaykichejta rikuspa, paykuna Diosta jatunchanqanku, Dios juzganan kashan, chay p'unchay chayamojtin.

Tito 2:7

Qanrí tukuy imata allinta ruwaspa purisqaykita paykunaman rikuchiy, qan jina puriyta yachanankupaj. Tukuy imatachus ruwasqaykeqa yachayta qochun, yachachisqayki cheqan sonqowan, chantá mana pujllakuspa jinallachu kasqanta.

San Juan 15:8

Maypachachus qankuna uva yura jina ashkha poqoyniyoj kankichej chaypacha, cheqapuni yachachisqay kasqaykichejta yachayta qoshankichej, chaynejtataj Tatay jatunchasqa kanqa.

Efesios 5:8

Ñawpajta qankuna laqhayaypi karqankichej. Kunantajrí Tukuyta Kamachej Jesusman ujchasqa kaspa, k'anchaypi kashankichej. Chayrayku k'anchaymanta kajkuna jina puriychej.

1 Pedro 3:16

Chantapis sonqoykichej mana juchachasunaykichejpaj allintapuni puriychej. Ajinamanta pikunachus allinta purisqaykichejrayku qankunapaj mana allinta parlajkuna p'enqachisqa kanqanku, Cristota qhatispa allinta purisqaykichejmanta qhasi manakajta parlasqankurayku.

1 Pedro 4:14

Sichus pipis Cristopi atinikusqaykichejrayku qankunata turiyasunkichejman chayqa, kusikuychej, imaraykuchus Diospa jatun atiyniyoj Espíritun qankunawanpuni kashan.

1 Pedro 2:9

Qankunarí Diospa ajllakusqan ayllu kankichej, Kuraj Kamachejpa sacerdotenkuna, juchamanta t'aqasqa runakuna, Diospatapuni kanaykichejpaj t'aqasqa ima. Chayrayku qankuna Diospa t'ukuna may sumaj ruwasqanmanta willayta atinkichej, pichus laqhamanta sumaj k'anchayninman wajyasorqachej, chaypa ruwasqanmanta.

Isaías 58:8

Chantá k'acha kawsayniykichejqa tutamanta inti llojsimuy jina k'ancharenqa. Chaypacha k'irisqa kasqaykichejpis usqhayta qhaliyanqa. Justiciata ruwasqaykichejpis ñawpaqeykichejta renqa, Tata Diospa jatun kaynintaj qhepaykichejpi waqaychasonqachej.

Tito 3:14

Diosta qhatej masinchejkuna allin kajta ruwayta yachachunku, imamantapis pisichikojkunata yanapaspa. Ajinata ruwaspa, mana jinalla kakojkunachu kanqanku.

1 Timoteo 6:18

Chantá paykunata kamachillaytaj allin kajta ruwanankuta, allin kajta ruwanapitaj qhapaj kanankuta. Jinallataj jatun sonqoyoj kachunku, tiyapuyninkumanta mana mich'akuspa wajkunata yanaparinankupaj.

2 Corintios 9:13

Paykunataj yanapata rikuspa, Diosta jatunchanqanku. Chay qolqeta paykunapaj, tukuypajpis tukuy sonqo qosqaykichejmanta, paykuna reparanqanku Cristomanta sumaj willayta kasusqaykichejta.

Efesios 2:10

Noqanchejqa Diospa ruwasqanmin kanchej, Jesucristoman ujchasqa kasqanchejraykutaj watej ruwawarqanchej allin kajta ruwananchejpaj. Chaykunata Dios ñawpajmantaña wakicherqa ruwananchejpaj.

Hebreos 10:24

Jinallataj ujkuna ujkuna imaynatachus yanaparinakunapaj yuyaycharikuna, puraj munakunanchejpaj, chantá allin kajta ruwananchejpaj ima.

Proverbios 4:18

Cheqan runakunaj kawsayninkoqa inti llojsimushaj jina k'ancharin, p'unchayamusqanman jinarí astawan k'ancharirin.

1 Pedro 4:11

Pichus Diospa nisqanmanta parlananpaj atiyta jap'ejqa Dios kikinpis paynejta parlashanman jina parlachun. Pichus wajkunata yanapananpaj atiyta jap'ejqa Dios kallpa qosqanman jina yanapachun, Jesucristonejta tukuy imapi Tata Dios jatunchasqa kananpaj. Chantá Jesucristopis tukuy atiyniyoj kasqanrayku wiñay wiñaynintinpaj jatunchasqallataj kachun. Ajina kachun.

1 Tesalonicenses 2:12

Jinallataj mayta qankunata nerqayku Diospa wawankuna jina purinaykichejta, imaraykuchus paymin wajyasorqachej aswan qhepaman kamachiyninpi, chantá jatun kayninpa lliphipiyninpi ima kanaykichejpaj.

1 Pedro 3:1

Jinallataj warmikuna, sapa ujpis qosaykichejwan k'umuykukoj sonqoyoj kaychej. Ajinamanta Jesusmanta sumaj willayta mana jap'ikuyta munaj qosakunaqa Diosman kutirikuyta munanqanku, mana parlasqaykichejta uyarispachu, manachayqa qankunaj allin purisqaykichejta rikusqankurayku.

Hechos 9:36

Chaypacha Jopepi tiyakorqa Jesusta qhatikoj uj warmi, Tabitá sutiyoj, griego rimaypitaj sutin Dorcas karqa. Paytaj allin imakunata ruwaj, wajchakunatapis yanapajpuni.

1 Timoteo 5:25

Ajinallatataj wakinkunajta allin ruwasqankupis sut'i yachakun. Allin ruwasqanku pakasqa jinalla kanman chaypis, mana wiñaypaj pakasqallapuni kayta atinchu.

San Mateo 5:45

Ajinamanta, janaj pachapi kashaj Tata Diosniykichejpa wawankuna kasqaykichejmanta yachayta qoshankichej. Payqa millayta ruwaj runakunapaj, k'acha runakunapajpis intinta llojsichimun. Jinallataj tukuypaj parachimun, cheqanta ruwajkunapaj, mana cheqanta ruwajkunapajpis.

Tito 2:14

Paymin noqanchejrayku wañunanpaj jaywaykukorqa, tukuy imaymana juchamanta kacharichinawanchejpaj, chantá llimphuchanawanchejpaj ima. Ajinata ruwarqa, paypa ayllun kananchejpaj, chantá allin kajta tukuy sonqo ruwayta munananchejpaj ima.

1 Timoteo 5:10

Chantá pay allin kajta ruwasqanrayku tukuypaj sumaj respetowan qhawana kachun. Kallachuntaj wawankunata allinta uywaj, wajkunata wasinman wajyarikuyta yachaj, Jesucristota qhatikojkunaj chakinkuta mayllaj, llakiyniyojkunata khuyaspa yanaparej, chantá tukuy allin kajta ruwayta yachaj ima.

1 Timoteo 2:10

Manachayqa, Diosta jatunchayta munajkuna jina warmikunaqa allin kajta ruwasqankuwan k'achanchakuchunku.

Gálatas 1:24

Ajinata paykuna Diosta jatuncharqanku imatachus Dios noqawan ruwasqanmanta.

Isaías 61:3

Chantapis Tata Dios kachamullawantaj Sionpi llakisqa kajkunapaj kay allin imakunata ruwanaypaj: Pikunachus llakisqa kasqankurayku ushphawan qhallisqa kashanku, chaykunaman may k'achitu pilluta churasaj. Llakiy p'achawan churakuspa kanankutaqa, kusiywan p'achallisqa kanankuta ruwallasajtaj. Jinallataj phutisqa kanankumantaqa kusisqallapuni kanankuta ruwasaj. Paykuna justiciata ruwasqankurayku “Tata Diospa Mallkisqan Roble Sach'a”, nispa sutichasqa kanqanku, paypa jatun kayninta rikuchinankupaj.

Tito 3:4

Chaywanpis maypachachus Qhespichiwajninchej Dios k'acha kayninta, chantá munakuyninta ima rejsicherqa chaypacha, pay qhespichiwarqanchej.

1 Corintios 14:25

Ajinamanta sonqon ukhupi pakasqa kaj sut'inchasqa kanqa, paytaj qonqorikuspa, Diosta yupaychanqa: Cheqapuni Dios qankunawan kashan, nispa.

San Lucas 11:2

Jesustaj paykunata nerqa: Dioswan parlarikuspaqa, ajinata ninkichej: Janaj pachapi kaj Tatayku, sutiyki jatunchasqa kachun. Jamuspa, noqaykuta kamachiyta qallariy.

San Mateo 9:8

Chaypi kajkunataj chayta rikuspa, manchachikorqanku, Diostataj jatuncharqanku chay jina atiyta runakunaman qosqanmanta.

San Mateo 23:5

Chantá chay kurajkuna imatapis ruwanku, runawan rikuchikunallankupaj. Diospa Qhelqachisqanmanta wakin qhelqasqata mat'inkuman, makinkuman ima watakunku. Jinallataj jatuchaj waych'ayoj p'achakunata churakunku.

San Mateo 6:16

Ayunaspaqa, ama llakiy uyalla kaychejchu, puraj uya runakuna jina. Paykuna uyankuta uj jinayachinku, runakuna ayunasqankumanta mayta parlanankupaj. Noqatajrí sut'ita niykichej: Ajinata ruwaspa, paykuna chayllata t'inkata jina jap'enqanku.

San Mateo 23:9

Kay pachapi ama pitapis ninkichejchu: Tatáy, nispa, imaraykuchus Tata Dioslla Tataykichejqa, paytaj janaj pachapi kashan.

San Mateo 6:9

Chayrayku qankuna kay jinata Dioswan parlarikunkichej: Janaj pachapi kaj Tatayku, sutiyki jatunchasqa kachun.

Éxodo 34:35

Israelitakunaqa Moisespa uyan lliphipirishasqanta rikorqanku. Chayrayku Moisés ujtawan velowan uyanta qhataykukoj karqa, Tata Dioswan parlaj rinankama.