San Mateo 5:12 - DIOSPA QHELQACHISQ

¹² Chaypacha kusikuychej, jinallataj sonqo junt'asqa kaychej, imaraykuchus janaj pachapi t'inkaykichejqa ashkhamin. Ajinallatataj runakunaqa Diosmanta ñawpa sut'inchajkunata chejnispa qhatiykacharqanku.

Qheshwa Biblia DC

¹² Kusikuychej jatun kusiywan, imaraykuchus jatunmin janaj pachapi t'inkaykichejqa. Ajinallatataj qankunamanta ñaupajta jamoj profetastapis, chejnispa ñak'aricherqanku.

DIOSPA QHELQACHISQAN DEUTEROCANONICAL

¹² Chaypacha kusikuychej, jinallataj sonqo junt'asqa kaychej, imaraykuchus janaj pachapi t'inkaykichejqa ashkhamin. Ajinallatataj runakunaqa Diosmanta ñawpa sut'inchajkunata chejnispa qhatiykacharqanku.

Quechua South Bolivia: Dios Parlapawanchej

¹² Cusicuychej may jatun cusiywan. Imaraycuchus muchuskayquichejmanta Dios janaj pachapi khapajyachisonkachej sonkoyquichejpi. Ajinallatataj Diospa unay willajcunatapis runas mayta muchucherkancu manaraj kancuna cashajtiyquichej.

San Mateo 5:12 Referans Kwoze

San Lucas 6:23

Chaypacha jatun kusiywan kusikunkichej, imaraykuchus janaj pachapi t'inkaykichejqa may jatun kanqa. Ñawpa runakunapis kikillantataj Diosmanta sut'inchajkunata ñak'aricherqanku.

Santiago 1:2

Munasqa wawqe panaykuna, tukuy imaymana mana allin kaj qhatirisojtiykichej, qankuna mayta kusikuychej.

Colosenses 3:24

Qankuna yachankichej Tukuyta Kamachej Cristoqa nisqan chayaqeta t'inkata jina qonasuykichejta, imaraykuchus Tukuyta Kamachej Cristojta kamachinkuna kankichej.

1 Pedro 4:13

Aswanpis kusikuychej, imaraykuchus ajinata ñak'arishaspa, Cristoj ñak'arisqanpi paywan khuska ñak'arishankichej. Ajinamanta Cristo jatun kayninpa lliphipiyninpi rikhurimojtin, qankuna may jinatapuni kusikunkichej.

Colosenses 1:24

Kunanqa qankunarayku ñak'arishaspapis kusikuni. Ajinata kikin ukhuypi ñak'arispa, junt'ashani Jesucristoj Iglesianrayku imachus ñak'arinaraj kashan, chayta. Iglesiaqa Jesucristoj ukhunmin.

Romanos 5:3

Mana chayllachu. Astawanqa ñak'arishaspa kusikullanchejtaj, imaraykuchus yachanchej ñak'arichisqa kaspaqa pacienciawan awantayta amañakusqanchejta.

Rut 2:12

Israelpa Tata Diosnin, pipichus atinikushanki, paymin suegraykita yanapasqaykimanta kutichipusuchun, allin kajtataj qopusuchun tukuy ruwasqaykimanta, nispa.

Salmos 58:11

11 (12) Chantá tukuy runakuna nenqanku: Cheqan runakunaqa t'inkachisqa kanqanku, kay pachapi juzgananpajtaj Dios tiyan, nispa.

Isaías 3:10

Cheqanta kawsaj runakunata niychej, paykunata tukuy imapi allin rinanta, imaraykuchus ruwasqankuman jina Tata Dios paykunaman kutichiponqa.

Proverbios 11:18

Millayta ruwajpa pagonqa qhasi manakajlla. Cheqan kajta ruwajrí sumaj t'inkata jap'enqa.

2 Crónicas 36:16

Jinapis paykunaqa Tata Diospa kachamusqan willarajninkunamanta asiykukorqanku, nisqankutataj qhesacharqanku. Diosmanta sut'inchajkunamanta ajinata alqochakuspa, Tata Diosta sinch'ita phiñacherqanku. Chayrayku Tata Diospa phiñakuynin chay runakunaj contranpi k'ajarerqa, jinataj manaña pipis imatapis ruwayta aterqachu Diospa sonqonta tiyaykuchinapaj.

San Mateo 16:27

Aswan qhepaman Runaj Churenqa Tatanpa jatun kayninpa lliphipiyninpi jamonqa, angelninkunawan khuska. Chaypachataj pay sapa ujman ruwasqanman jina qoponqa.

Hebreos 11:6

Diospi mana atinikuspaqa, mana pipis atinmanchu Diospa ñawpaqenpi allinpaj qhawasqa kayta, imaraykuchus Diosman qayllaykojqa pay kasqantapuni tukuy sonqo creenan tiyan. Yachanallantaj tiyan, pikunachus Diosta tukuy sonqo mask'anku, chaykunaman Diosqa sumaj t'inkata qonanta.

1 Tesalonicenses 2:15

Judiokunamanta wakinkuna Tukuyta Kamachej Jesusta wañuchisqanku, jinallatataj Diosmanta sut'inchajkunatapis. Noqaykutapis qhatiykachaspa, ñak'arichillawarqaykutaj. Paykuna mana Diospa munasqanman jinachu ruwanku, jinallataj tukuy runaj contranpi kashanku.

Filipenses 2:17

Diospi atinikuspa ruwasqaykichejqa Diosman jaywanatapis jaywashawajchej jina. Noqatachus wañuchiwanqanku chayqa, kawsayneyqa chay jaywasqaykichej patapi ch'ajchunapaj vino jina kanqa. Ajina kanman chayqa, noqa may jinata kusikusaj, munanitaj qankunapis noqawan khuska chaymanta kusikunaykichejta.

1 Reyes 18:13

Wiraqochíy, Jezabel Tata Diosmanta sut'inchajkunata wañuchishajtin, imatachus ruwasqayta manachu pipis willasorqa? Noqa Diosmanta sut'inchajkunata pachajta, chhanka jusk'ukunapi phishqa chunkamanta phishqa chunka pakaykorqani, chaypitaj mikhunata, yakutawan qorqani.

2 Corintios 4:17

Kay pachapi ñak'arisqaykoqa mana kasu ruwana jinalla, manataj unaypajchu. Chaywanpis, aswan jaqayman chay ñak'ariynejta noqaykupaj kanqa may sumaj wiñay kusiymin.

Hechos 5:41

Chaywanpis Jesuspa kuraj kachankuna chay juntamanta llojsispa, mayta kusikorqanku Jesuspa sutinrayku ñak'arichisqa kasqankumanta.

San Mateo 6:16

Ayunaspaqa, ama llakiy uyalla kaychejchu, puraj uya runakuna jina. Paykuna uyankuta uj jinayachinku, runakuna ayunasqankumanta mayta parlanankupaj. Noqatajrí sut'ita niykichej: Ajinata ruwaspa, paykuna chayllata t'inkata jina jap'enqanku.

1 Corintios 3:8

Sumaj willayta willajwan, chantá pichus yachachejwanqa ujlla kanku. Jinataj sapa ujninku ruwasqankuman jina t'inkankuta jap'enqanku.

San Lucas 6:35

Qankunarí awqaykichejkunata allinta ruwaspa munakuychej. Manuspapis, ama suyaychu imatapis kutichipusunankuta. Jinamanta t'inkaykichej jatun kanqa, qankunataj Patapi Kaj Diospa wawankuna kankichej. Diosqa paymanta mana yuyarikojkunata, millay sonqoyojkunata ima khuyarin.

Génesis 15:1

Chaymanta Tata Diosqa Abramman mosqoypi jina parlarqa: Ama manchachikuychu, Abram, imaraykuchus noqa waqaychasojniyki kani. Qanpa t'inkaykeqa may chhikapuni kanqa, nispa.

Nehemías 9:26

Chaywanpis, Tata Dios, paykunaqa mana kasukojkuna karqanku. Contraykipi oqharikorqanku, kamachisqaykitataj qhesacharqanku. Chantaqa sut'inchajniykikunata wañucherqanku uyankupi qanman kutirikamunankuta k'amisqankurayku. Chaymantataj aswan millayta ruwaspa, sonqoykita nanachisorqanku.

Hechos 16:25

Chawpi tutata jinataj Pablowan, Silaswan ima Dioswan parlarikusharqanku, takispataj, payta yupaychasharqanku. Waj wisq'asqakunapis chay takisqankuta uyarisharqanku.

San Lucas 13:34

Ay Jerusalén, qanqa Diosmanta sut'inchajkunata wañuchej llajta kanki. Qanman Diospa kachamusqankunatapis rumiwan ch'anqaykuspa, wañuchillankitaj. Mashkha kutitachus wawaykikunata tantayta munarqani, imaynatachus wallpa chillwinkunata lijran uraman tantaykun, ajinata. Qantajrí mana munarqankichu.

Jeremías 2:30

Qhasillata wawaykichejta jasut'erqani, ni chaywanpis wanarqankuchu. Qankuna kikiykichej phiña leonkuna jina noqamanta sut'inchajkunata wañucherqankichej.

Salmos 19:11

11 (12) Chaykunanejta, Tata Dios, qan noqata k'amiwanki. Chantá pichus kamachisqaykita junt'ajtaqa may jinata t'inkachinki.

2 Crónicas 16:10

Chayta uyarispa, kuraj kamachej Asaqa sinch'itapuni phiñarikorqa, Jananitataj carcelman wisq'aykucherqa. Jinallatataj chay kutipeqa kamachisqan runakunamanta wakinkunata llakiyta ñak'aricherqa.

1 Reyes 18:4

Tata Diosmanta sut'inchajkunata Jezabel wañuchishajtin, Abdiasqa pachaj sut'inchajkunata, phishqa chunkamanta phishqa chunka, chhanka jusk'ukunaman pakaykamorqa. Chaypitaj paykunaman mikhunata, yakutawan qorqa.

Jeremías 26:8

Tata Diospa nisqanta parlayta tukojtinkamataj, sacerdotekuna, sut'inchajkuna, tukuy llajtapi kaj runakunapis Jeremiasta jap'iytawan, nerqanku: Kunan wañunki.

1 Reyes 22:8

Chantá Ajab kuticherqa: Arí, uj kanraj, paynejta Tata Diosta tapurinapaj, Imlaj churin Micaías sutiyoj. Chaywanpis payta noqa chejnini, manapuni jayk'aj allin kajta sut'inchawasqanrayku, nispa. Josafattaj nerqa: Ama jinata parlaychu, nispa.

1 Reyes 21:20

Eliasqa Ajabman chimpaykojtin, Ajab nerqa: Awqay kashaspapis, jamullankiñatajchu? nispa. Eliastaj kuticherqa: Arí, noqa mask'ashayki, imaraykuchus Tata Diospa ñawpaqenpi qanqa millayta ruwaspa purinki.

Hebreos 11:26

Moisesqa Egiptopi qhapaj kaspapis, repararqa chhika patapi kawsarikuna qhasilla kasqanta. Aswanpis Cristorayku qhesachasqa kana aswan sumaj kasqanta qhawarqa, imaraykuchus paypa yuyaynin janaj pachapi t'inka jap'inapi kasharqa.

2 Reyes 1:9

Chaypacha kuraj kamachej Ocozías phishqa chunka soldadokunata, capitannintawan ima kacharqa. Chay capitantaj orqo pataman wicharerqa, maypichus Diosmanta sut'inchaj Elías tiyasqa kasharqa, chayman. Chantá nerqa: Diosmanta sut'inchaj, kuraj kamachej nisunki, noqaykuwan kuraj kamachejpaman rinaykita, nispa.

1 Reyes 19:2

Chantá Jezabelqa Eliaspaman ujnin kamachinta kachaspa, nicherqa: Qanqa Baalpa sut'inchajninkunata wañucherqanki. Chayrayku sichus q'aya kunanta jina, mana qanta wañuchiyki chayqa, diosniykuna noqata wañuchiwachunku, nispa.

Jeremías 37:14

Jeremiastajrí kuticherqa: Chayqa mana jinachu, mana Caldeamanta runakunaman chimpapushanichu, nispa. Chaywanpis Irías mana uyarerqachu, manachayqa Jeremiasta jap'ispa, kurajkunaj ñawpaqenkuman pusarqa.

Filipenses 1:29

Paymin qankunata maypaj qhawaspa, atiyta qosunkichej mana Cristopi atinikunallaykichejpajchu, manachayqa payrayku ñak'arinaykichejpaj.

Hebreos 10:34

Jinallataj qankuna carcelpi wisq'asqa kajkunata khuyarikorqankichej. Wajkuna kapuyniykichejta qhechusojtiykichejpis, kusikorqankichej, imaraykuchus yacharqankichej janaj pachapi chayaqeykichej aswan sumaj mana tukukuyniyoj kasqanta.

Hebreos 11:33

Paykuna Diospi atinikusqankurayku waj suyukunata atipaspa jap'erqanku, justiciata ruwaspa kamacherqanku, Diospa qonan kasqanta jap'erqanku, chantá leonkunaj siminkutapis wisq'arqanku.

Santiago 5:10

Munasqa wawqe panaykuna, Diospa sutinpi parlaj ñawpaj sut'inchajkunamanta yachakuychej. Yuyarikuychej paykuna ñak'arishaspapis imaynatachus pacienciakusqankuta.