San Mateo 5:10 - DIOSPA QHELQACHISQ

¹⁰ Kusikuyniyojmin kanku pikunachus cheqan kajta ruwasqankurayku, qhatiykachasqa kajkunaqa, imaraykuchus janaj pachamanta Diospa kamachiyninman yaykonqanku.

Qheshwa Biblia DC

¹⁰ Kusikuyniyoj kanku cheqan kausayrayku ñak'arejkunaqa imaraykuchus janaj pacha reinoqa paykunajta kanqa.

DIOSPA QHELQACHISQAN DEUTEROCANONICAL

¹⁰ Kusikuyniyojmin kanku pikunachus cheqan kajta ruwasqankurayku, qhatiykachasqa kajkunaqa, imaraykuchus janaj pachamanta Diospa kamachiyninman yaykonqanku.

Quechua South Bolivia: Dios Parlapawanchej

¹⁰ ‘May cusiskas cancu Diospa ñaupakenpi chekanta causaskancuraycu muchojcunaka. Dios camachishajtin, paywan cusca cankancu.

San Mateo 5:10 Referans Kwoze

Santiago 1:12

Kusisqamin pichus tukuy imaymana mana allin kaj qhatirejtin sinch'ita sayajqa, imaraykuchus chay mana allin kajta atipasqanmanta payqa wiñay kawsayta pilluta jina jap'enqa. Chayta Diosmin payta munakojkunaman qonanta nerqa.

2 Corintios 4:17

Kay pachapi ñak'arisqaykoqa mana kasu ruwana jinalla, manataj unaypajchu. Chaywanpis, aswan jaqayman chay ñak'ariynejta noqaykupaj kanqa may sumaj wiñay kusiymin.

San Mateo 5:3

Kusikuyniyojmin kanku wajcha sonqoyoj kasqankuta reparakojkunaqa, imaraykuchus janaj pachamanta Diospa kamachiyninpi kanqanku.

San Lucas 6:22

Kusikuyniyojmin kankichej pikunachus Runaj Churinrayku waj runakuna chejnisojtiykichej, paykuna ukhumanta qharqosojtiykichej, rimasojtiykichej, millay runakunata jina qhesachasojtiykichej ima.

2 Timoteo 2:12

Paywan khuskachus ñak'arisun chayqa, paywan khuskallataj kamachiyninpi kamachisunchej. Sichus Cristota qhesachasun chayqa, paypis manallataj jap'ikuwasunchu.

Filipenses 1:28

Contraykichejpi kajkunamanta ama manchachikuychejchu. Mana manchachikusqaykichejqa yachayta qon paykuna chinkayman rishasqankumanta, qankunataj qhespichisqa kasqaykichejmanta. Chaytaj Diosmanta.

San Lucas 21:12

Chaywanpis manaraj chay tukuy ima kashajtin, runakuna qankunata ñak'arichisunaykichejpaj presochasonqachej. Chantá tantakunanku wasiman apasonqachej, carcelkunamantaj wisq'arasonqachej. Jinallatataj kuraj kamachejkunaj ñawpaqenman, llajtata kamachejkunaj ñawpaqenman ima pusasonqachej yachachisqaykuna kasqaykichejrayku.

San Juan 15:20

Imatachus qankunaman nisqayta yuyarikuychej: Wata runaqa patronninmanta mana aswan kurajchu, nispa. Noqatachus qhatiykachawarqanku chayqa, qankunatapis qhatiykachallasonqachejtaj. Nisqaytachus kasorqanku chayrí, qankunaj nisqaykichejtapis kasullanqankutaj.

Apocalipsis 2:10

Chaywanpis imatachus ñak'arinaykimanta ama manchachikuychu, imaraykuchus Kuraj Supay qankunamanta wakinta wisq'achenqa, cheqatapunichus noqapi atinikusqaykichejta yachananpaj. Chaypacha, chunka p'unchayta ñak'arichisqa kankichej. Qanrí wañunaykikama kasuwaspallapuni puriy, noqataj wiñay kawsayta t'inkata jina qosqayki.

2 Timoteo 3:11

Qan yachallankitaj chejnikuspa qhatiykachawasqankuta, ñak'arisqayta ima, imaynatachus Antioquiapi, Iconiopi, Listrapi ima ñak'arerqani, chayta. Chaywanpis Tukuyta Kamachej Jesucristo chay tukuymanta kacharichiwarqa.

San Mateo 25:34

Chantá Kuraj Kamachejqa pañanpi kajkunata nenqa: Jamuychej, qankunaqa Tataypa saminchasqan kankichej. Chayrayku Diospa janaj pacha kamachiyninman yaykuychej, mayqenchus kay pachaj qallariyninmantapacha chayaqeykichejpaj wakichisqa karqa, chayman.

Salmos 37:12

Millayta ruwaspa purejqa cheqan runaj contranpi mana allin ruwayta wakichikun, chejnikuspataj, rikuyta mana atinchu.

Marcos 10:30

Paykunataj pachaj jinatawanraj kay pachapi wasikunata jap'enqanku, wawqekunata, panakunata, mamakunata, wawakunata, jallp'akunata ima. Jinallataj may ñak'arichisqa, chantá qhatiykachasqa ima kallanqankutaj. Jamoj p'unchaypitajrí wiñay kawsayta jap'enqanku.

San Lucas 6:20

Chantá Jesús yachachisqankunata qhawarispa, nerqa: Kusikuyniyojmin kankichej qankuna wajchakuna, imaraykuchus Diospa kamachiynenqa qankunapaj.

San Mateo 10:23

Sichus mayqen llajtapipis chejnispa qhatiykachasunkichej chayqa, waj llajtamanñataj ayqeychej. Kayta sut'ita niykichej: Manaraj tukuy israelitakunaj llajtankukunapi willayta tukushajtiykichej, ñapis Runaj Churenqa kutimonqaña, nispa.

1 Juan 3:12

Ama Caín jinaqa kanachejchu. Payqa Kuraj Supaypata kasqanrayku, wawqenta wañucherqa. Imaraykutaj Caín wawqenta wañucherqari? Payta wañucherqa, imaraykuchus paypa ruwasqan mana cheqanchu karqa, wawqenpatataj cheqan.

Hechos 8:1

Saulopaj Estebanta wañuchisqankoqa allillan karqa. Chaymantapachataj Jerusalenpi ashkha runakuna Jesuspa iglesianta qhatiykachayta qallarerqanku. Chayrayku iglesiamanta ashkha ayqekorqanku Judea jap'iyman, Samaria jap'iyman ima. Jesuspa kuraj kachankunalla Jerusalenpi qhepakorqanku.

Hechos 5:40

Chantá tukuyninku Gamalielta kasorqanku. Jinataj Jesuspa kuraj kachankunata wajyaspa, jasut'icherqanku, paykunatataj kamacherqanku Jesuspa sutinpi amaña parlanankuta. Chaymantataj paykunata kachariporqanku.

Isaías 66:5

Noqa Tata Diospa nisqayta uyariychej, pikunachus simi nisqayta uyarispa kharkatitejkuna. Qankunataqa llajta masiykichej chejnikusunkichej. Noqaj sutiyraykutaj jawaman qankunata qharqospa, nisunkichej: Tata Diosqa jatun kayninpa lliphipiyninta rikhurichichun, chayta rikuspa qankuna kusikuyta atinaykichejpaj, nispa. Chaywanpis paykunaqa p'enqaypi rikhurenqanku.

San Mateo 19:14

Jesustajrí yachachisqankunata nerqa: Wawakuna noqaman jamojta saqellaychej, amataj jark'aychejchu, imaraykuchus kay wawakuna jina kajkunalla Diospa janaj pacha kamachiyninman yaykonqanku, nispa.

Marcos 10:14

Jesús chayta rikuspa, yachachisqankunapaj phiñakorqa, nerqataj: Wawakunata noqaman jamojta saqeychej, amataj jark'aychejchu, imaraykuchus kay wawakuna jina kajkunalla Diospa kamachiyninman yaykonqanku.

San Lucas 22:29

Chayrayku imaynatachus Tatay kuraj kamachej kanaypaj noqata churawarqa, ajinallatataj noqa qankunatapis churaykichej kamachejkuna kanaykichejpaj.

Santiago 5:11

Noqanchejqa, pikunachus ñak'arishaspa pacienciawan sinch'ita sayanku, chaykunata mayta jatunchanchej. Qankuna uyarerqankichej Job imaynatachus ñak'arishaspa sinch'ita sayasqanmanta. Yachallankichejtaj Tukuyta Kamachej Diosqa qhepanejman payta mayta yanapasqanta, imaraykuchus Tukuyta Kamachej Diosqa jatun sonqoyoj, may khuyakuyniyojtaj.