San Mateo 4:7 - DIOSPA QHELQACHISQ

⁷ Jesustajrí kuticherqa: Mana, imaraykuchus Diospa Qhelqachisqanpi nillantaj: Ama imatapis ruwankichu Tukuyta Kamachej Diosniyki atiyniyojchus manachus kasqanta yachariyta munaspa, nispa.

Qheshwa Biblia DC

⁷ Jesús nillarqataj: Escribisqallataj kashan: Señor Diosniykita ama tentankichu.

DIOSPA QHELQACHISQAN DEUTEROCANONICAL

⁷ Jesustajrí kuticherqa: Mana, imaraykuchus Diospa Qhelqachisqanpi nillantaj: Ama imatapis ruwankichu Tukuyta Kamachej Diosniyki atiyniyojchus manachus kasqanta yachariyta munaspa, nispa.

Quechua South Bolivia: Dios Parlapawanchej

⁷ Jesusrí payta c'amerka: —Dios palabranpi nillantaj: “Ama Señor Diosniyquej atiyninta mana cajpaj mañacuychu”.

San Mateo 4:7 Referans Kwoze

Deuteronomio 6:16

Ama Tata Diosniykichejta atiyniyojchus manachus kasqanta yachariyta munaspa, imatapis ruwankichejchu, imaynatachus Masahpi ruwarqankichej, ajinata.

1 Corintios 10:9

Jinallataj Cristo imata ruwananpaj atiyniyojchus manachus kasqanta yachariyta munaspa ama imatapis ruwanachu, imaynatachus paykunamanta wakin ruwarqanku, jinataqa. Chayta ruwasqankuraykutaj katarikunaj khanisqan wañurarqanku.

Salmos 78:18

Tata Dios atinmanchu? nispa, munasqankuman jina mikhunata mañakorqanku.

Salmos 78:41

Paykuna ñataj ñataj Dios atiyniyojchus kasqanta yachariyta munarqanku. Ajinamanta Israelpa May Llimphu Diosninta phiñacherqanku.

Hebreos 3:9

Chaypi ñawpa tataykichejkunaqa maykamachus pacienciay kasqanta yachayta munaspa, mana kasuwarqankuchu, tawa chunka wata junt'ata t'ukuna ruwasqayta rikushaspapis.

Éxodo 17:7

Chantá chaynejta “Meriba” sutiwan suticharqa, chaypi israelitakuna Moisespaj rimasqankurayku. Jinallataj chay cheqata sutichallarqataj “Masah”, nispa. Ajinata suticharqa, imaraykuchus chaypi Tata Diosmanta iskayrayarqanku: Noqanchejwanchu Tata Dios kashan, manachu? nispa.

Éxodo 17:2

Chayrayku israelitakuna phiñarikuspa, Moisesta nerqanku: Ujyanaykupaj yakuta qowayku, nispa. Moisestajrí paykunata nerqa: Imaraykutaj noqamanta yakuta mañakushawankichejri? Imaraykutaj Tata Dios atiyniyoj kasqanmanta iskayrayashankichejri? nispa.

Hechos 5:9

Chantá Pedroqa Safirata nerqa: Imaraykutaj qosaykiwan yachachinakorqankichej Tukuyta Kamachej Jesuspa Espiritunman llullakunaykichejpajri? Kunitan kay punkuman chayamushanku qosaykita p'ampamojkuna, paykunataj qantapis p'ampaj apallasonqankutaj, nispa.

Salmos 106:14

Ch'innejpi kashaspa, munasqankuta mikhuyta munarqanku. Ajinata ruwaspataj, pacienciayki maykamachus kasqanta yachayta munarqanku.

Salmos 95:9

Chaypi ñawpa tataykichejkunaqa ruwasqayta rikushaspapis, phiñachinawankupaj jina ruwarqanku.

Malaquías 3:15

Machu machu kajkunata ni imamanta llakiyniyojta kawsajta rikunchej. Millayta ruwaspa purejkunatapis tukuy imapi allillan rin. Paykuna Diosta phiñachinapaj jina imata ruwajtinkupis, mana jasut'isqachu kanku, nispa ninkichej.

Salmos 78:56

Paykunatajrí, Patapi Kaj Dios phiñakonqachus manachus, chayta yachariyta munaspa, paypa contranpi oqharikorqanku, kamachisqantapis mana kasorqankuchu.

Números 14:22

Paykuna Egiptopi, jinataj ch'innejpi t'ukuna imakunata ruwasqayta, chantá jatun kayniypa lliphipiyninta rikorqanku. Chaywanpis ashkha kutitaña iskayrayaspa kamachisqayta mana kasuwayta munarqankuchu.

San Mateo 4:4

Jesustajrí kuticherqa: Diospa Qhelqachisqanpi nin: Mana mikhunallawanchu runaqa kawsan, aswanpis Diospa tukuy nisqanwan kawsan, nispa.

Isaías 8:20

Chayrayku Tata Diospa yachachisqanta mask'aychej. Sichus mana Diospa yachachisqanman jina parlanku chayqa, paykuna pantaypi kashanku.

San Mateo 4:10

Jesustajrí kuticherqa: Riy kaymanta, Supay Satanás, imaraykuchus Diospa Qhelqachisqanpi nin: Tukuyta Kamachej Diosniykita yupaychanki, paypa munaynillantataj ruwanki, nispa.

San Mateo 21:42

Chantá Jesús nerqa: Manachu jayk'ajpis Diospa Qhelqachisqanpi kayta ñawirerqankichej? Ajinata nin: Wasi ruwajkunaj qhesachasqanku rumeqa cimiento esquinapaj sumaj rumiman tukupun. Chayqa Tukuyta Kamachej Diospa ruwasqanmin, noqanchejtaj t'ukuspa qhawanchej, nispa.

San Mateo 21:16

Chayrayku Jesusta nerqanku: Uyarishankichu kaykuna imatachus nishasqankuta? nispa. Jesustaj kuticherqa: Arí, uyarishani. Qankunarí, manachu jayk'ajpis Diospa Qhelqachisqanpi kay jinata ñawirerqankichej? Chaypi nin: Qanqa juch'uy wawakunata, ñuñojkunatawan ima sumajta yupaychasunankuta yachacherqanki, nispa.

San Lucas 4:12

Jesustajrí kuticherqa: Mana, imaraykuchus Diospa Qhelqachisqanpi nillantaj: Ama Tukuyta Kamachej Diosniykita atiniyojchus manachus kasqanta yachariyta munaspa imatapis ruwankichu, nispa.

Hechos 15:10

Jina kajtenqa, imaraykutaj kunan qankunaqa Diospa contranpi sayaykunkichejri? Qankunataj Jesusta qhatikoj mana judiokunaman llasa q'epita jina Moisespa kamachisqankunata q'epirichiyta munankichej. Chay kamachisqakunataqa mana ñawpa tatanchejkuna, nitaj noqanchejpis junt'ayta aterqanchejchu, icharí?