San Mateo 4:17 - DIOSPA QHELQACHISQ

¹⁷ Chaymantapacha Jesús kay jinata tukuyman willarayta qallarerqa: Diosman kutirikuychej, imaraykuchus janaj pachamanta Dios kay pachapi kamachinanpaj wakichisqaña kashan, nispa.

Qheshwa Biblia DC

¹⁷ Chaymantapacha, Jesús qallarerqa predicayta: Diosman kutirikuychej, imaraykuchus janaj pacha reinoqa qayllaykamunña.

DIOSPA QHELQACHISQAN DEUTEROCANONICAL

¹⁷ Chaymantapacha Jesús kay jinata tukuyman willarayta qallarerqa: Diosman kutirikuychej, imaraykuchus janaj pachamanta Dios kay pachapi kamachinanpaj wakichisqaña kashan, nispa.

Quechua South Bolivia: Dios Parlapawanchej

¹⁷ Chaymantapachataj Jesús kallarerka willarayta: —Diospa ajllaskan p'unchayka cunan chayamushanña. Cunan payka munacoj Camachejniyquichej canka. Chayraycu juchasniyquichejta sakespa payman cutiricuychej sumaj willanasnintataj jap'icuychej.

San Mateo 4:17 Referans Kwoze

San Mateo 3:2

Paytaj nerqa: Diosman kutirikuychej, imaraykuchus janaj pachamanta Dios kay pachapi kamachinanpaj wakichisqaña kashan, nispa.

Hechos 2:38

Pedrotaj kuticherqa: Sapa ujniykichej Diosman kutirikuychej, jinaspataj, Jesucristoj sutinpi bautizachikuychej, Jesusqa Diospa kachamusqan kasqanta rejsikapuspa. Ajinamanta Dios juchaykichejta pampachanqa, jinataj Santo Espirituta qosonqachej.

San Lucas 5:32

Noqaqa mana cheqan runa kasqankuta yuyakojkunatachu wajyaj jamuni, manachayqa juchasapa kasqankuta reparakojkunata wajyani Diosman kutirikunankupaj, nispa.

San Lucas 24:47

Chantá Jerusalenpi qallarispa, payta qhatikojkuna Jesuspa sutinpi tukuy runaman willananku karqa Diosman kutirikunankuta, ajinamanta Dios juchankuta pampachananpaj.

Hechos 17:30

Ñawpa tiempopi runakuna Diosta mana rejserqankuchu chaypis, Dios chayta qonqayman churarqa. Kunantajrí, Diosllataj tukuynejpi runakunata kamachin payman kutirikunankuta.

San Mateo 9:13

Qankunarí rispa, yachaqamuychej imatachus Diospa Qhelqachisqanpi pay niyta munasqanta: Noqaqa ujkunata khuyanaykichejta munani, mana uywa wañuchisqa q'olachinatachu, nispa. Noqarí mana cheqan runa kasqankuta yuyakojkunatachu wajyaj jamuni, manachayqa juchasapa kasqankuta reparakojkunata, nispa.

Hechos 26:20

Ajinaqa Damascopiraj Jesusmanta willayta qallarerqani, chaymantá Jerusalenpi, qhepantataj tukuy Judeapi. Mana judío kajkunamanpis noqa Jesusmanta willallarqanitaj. Tukuyninkuman nerqani Diosman kutirikunankuta, jinataj allin kajta ruwaspa, Diosman kutirikusqankumanta yachayta qonankupaj.

San Lucas 15:7

Kayta niykichej: Ajinallataj janaj pachapi aswan kusiy tiyan juchasapa runa Diosman kutirikojtin, jisq'on chunka jisq'onniyoj mana juchayojkunamanta nisqaqa, pikunachus Diosman mana kutirikunankuchu tiyan, chaykunamanta, nispa.

Hechos 3:19

Chayrayku Diosman kutirikuychej Jesuspi atinikuspa, juchaykichej pampachasqa kananpaj.

San Lucas 15:10

Nillaykichejtaj Diospa angelninkunaj ñawpaqenpi ajina kusiy kasqanta, juchasapa runa Diosman kutirikojtin, nispa.

Hechos 20:21

Ajinallatataj noqa judiokunaman, mana judío kajkunamanpis sut'ita yachacherqani Diosman kutirikunamanta, Tukuyta Kamachej Jesucristopi atinikunamanta ima.

Hebreos 6:1

Chayrayku, wiñay tukusqa kananchejkama ñawpajman rispa, Diosmanta astawan astawan yachakuspallapuni kanachej. Jesucristoman kutirikuspa qallariypi imatachus yachakorqanchej, chay ñawpaj kaj yachachiykunata saqena. Amaña watej watej kay imakunamanta yachachinachu: Mana allin kajta ruwanamanta, Diosman kutirikuna kasqanmanta, Diospi atinikuna kasqanmanta.

Hechos 11:18

Pedroj nisqanta uyarispa, chay wawqekunaqa manaña imatapis nerqankuchu. Astawanpis Diosta yupaycharqanku, nerqankutaj: Ajinaqa mana judío kajkunapis Diosman kutirikojtinku, Dios paykunamanpis wiñay kawsayta qollantaj, nispa.

San Mateo 25:1

Jesús nillarqataj: Diospa janaj pacha kamachiynenqa casarakupi kaj chunka sipaskunaman rijch'akun. Paykunaqa lamparankuta oqharikuspa, casarakoj runata taripaj risqanku.

San Mateo 13:47

Jinallataj Diospa janaj pacha kamachiynenqa challwa jap'ina ch'ipaman rijch'akun. Challwirikunaqa ch'ipata qochaman wijch'uykuspa, tukuy imaymana challwakunata jap'isqanku.

San Mateo 10:7

Rispataj, willaramuychej: Diospa janaj pacha kamachiynenqa qayllapiña kashan, nispa.

San Lucas 9:2

Chantá paykunata kacharqa Diospa kamachiyninmanta willaramunankupaj, onqosqakunata qhaliyachinankupaj ima.

San Mateo 11:12

Bautizaj Juan jamusqanmantapacha kunankamaqa, Diospa janaj pacha kamachiynenqa ñawpajman rishan, awqakuna mana munashajtinkupis. Mana manchachikojkunatajrí Diospa kamachiyninman kallpankuwan yaykuyta munashanku.

San Mateo 13:24

Waj rijch'anachinatawan Jesús yachachillarqataj: Diospa janaj pacha kamachiynenqa jallp'anpi sumaj mujuta tarpoj runaman rijch'akun.

San Mateo 13:9

Pichus nisqayta jap'ikuyta munajqa allinta uyarichun, nispa.

San Mateo 13:11

Jesustaj kuticherqa: Imachus kanqa Dios kamachishajtin, chay pakasqa yachayta pay qankunaman rejsichisunkichej, manataj paykunamanqa.

San Mateo 6:10

Jamuspa noqaykuta kamachiyta qallariy, munayniykitaj kay pachapi ruwasqa kachun, imaynachus janaj pachapi ruwakun, ajinallatataj.

San Lucas 3:23

Jesusqa Diosmanta sumaj willayta willarayta qallarishaspa, kinsa chunka watayoj jina karqa. Runakunataj yuyarqanku Jesusqa Elíj churin Josejpa churin kasqanta.