San Mateo 4:10 - DIOSPA QHELQACHISQ

¹⁰ Jesustajrí kuticherqa: Riy kaymanta, Supay Satanás, imaraykuchus Diospa Qhelqachisqanpi nin: Tukuyta Kamachej Diosniykita yupaychanki, paypa munaynillantataj ruwanki, nispa.

Qheshwa Biblia DC

¹⁰ Chaypacha Jesús kuticherqa: Riy kaymanta Satanás! Escribisqa kashan: Señor Diosniykita yupaychanki, pay sapallantataj sirvinki.

DIOSPA QHELQACHISQAN DEUTEROCANONICAL

¹⁰ Jesustajrí kuticherqa: Riy kaymanta, Supay Satanás, imaraykuchus Diospa Qhelqachisqanpi nin: Tukuyta Kamachej Diosniykita yupaychanki, paypa munaynillantataj ruwanki, nispa.

Quechua South Bolivia: Dios Parlapawanchej

¹⁰ Chanta Jesuska payman cuticherka. —Ripuy nokamanta, supay Satanás. Imaraycuchus Dios palabranpi nin: “Señor Diosnillayquita yupaychay. Pay sapallamantaj konkoricuspa casuy”, —nispa.

San Mateo 4:10 Referans Kwoze

Deuteronomio 10:20

Tata Diosniykichejta may jatun respetowan qhawaychej, pay sapallantataj yupaychaychej, payllatataj qhatikuychej. Tilunaykichej kajtenqa, paypa sutinta oqharispa tiluychej.

Josué 24:14

Chantá Josué nillarqataj: Chayrayku Tata Diosta may jatun respetowan jatunpaj qhawaychej, paytataj tukuy sonqo yupaychaychej. Ñawpa tataykichejkuna imatachus Éufrates mayu chimpapi, chantá Egiptopi ima yupaycharqanku, chay dioskunata wijch'uspa, qankunaqa Tata Diosllatapuni kasuychej.

San Lucas 4:8

Jesustajrí kuticherqa: Manapuni, imaraykuchus Diospa Qhelqachisqanpi nin: Tukuyta Kamachej Diosniykita yupaychanki, paypa munaynillantataj ruwanki, nispa.

1 Samuel 7:3

Chayrayku Samuelqa tukuynin israelitakunata nerqa: Sichus qankuna tukuy sonqowan Tata Diosman kutirikunkichej chayqa, waj dioskunata, chantá Astarotpa lantintapis yupaychanata saqeychej. Chantá tukuy sonqomanta Tata Diosllataña yupaychaychej. Chaymantaraj payqa filisteokunaj makinkumanta kacharichisonqachej, nispa.

Santiago 4:7

Chayrayku ari Diosman k'umuykuna sonqo kaychej. Chantá Kuraj Supaypa contranta sinch'ita sayaychej, paytaj qankunamanta ayqenqa.

1 Pedro 5:9

Diospi atinikusqaykichejpi sinch'ita sayaspa, Supayman sayaykuychej. Yachankichej jina, tukuy kay pachapi Diosta qhatej masiykichejkunapis qankuna jinallataj ñak'arispa kashanku.

San Mateo 16:23

Jesustajrí kutirikuspa, Pedrota nerqa: Riy kaymanta, Supay Satanás. Qanqa mana Diospa munasqanman jinachu yuyashanki, manachayqa runa jinalla, nispa.

Job 2:1

Aswan qhepaman Diosta sirvej angelkuna tantakunanku p'unchay chayamojtin, Satanaspis paykunawan khuska Tata Diospa ñawpaqenman jamullarqataj.

Job 1:12

Chantá Tata Dios ch'ataykoj angelta nerqa: Jina chayqa, Jobpa tiyapuyninwan munasqaykita ruwayta atinki. Chaywanpis ukhunta ama imanankichu, nispa. Chaymantataj ch'ataykoj angelqa Tata Diospa ñawpaqenmanta llojserqa.

1 Crónicas 21:1

Ch'ataykoj angelqa israelitakunaj contrankupi oqharikuspa, Davidta enqhaykorqa, israelitakunata yupachinanpaj.

Job 1:6

Ujpacha Diospa munasqanta junt'aj angelkuna Tata Diospa ñawpaqenman jamorqanku, chaypachallataj paykunawan khuska ch'ataykoj angelpis jamullarqataj.

Salmos 109:6

Payta juzgananpaj millay ruwaj runata churay, paypa paña ladonpitaj payta ch'ataykoj sayachun.

Éxodo 23:25

Qankunaqa noqa Tata Diosnillaykichejta yupaychawankichej, noqataj mikhunata, yakutapis may chhikata qosqaykichej. Tukuy onqoymantataj qankunata jark'asqaykichej.

Isaías 30:22

Chantá qhesachankichej qolqe metalmanta ruwasqa lantiykichejta, jinallataj qoriwan lluch'isqa lantiykichejtapis. Qankunaqa chaykunata millay ch'ichi thantata jina qhawankichej, ninkichejtaj: Llojsiychej kaymanta, nispa.

Marcos 1:13

Jesustaj chaypi tawa chunka p'unchayta kasharqa k'ita phiña animalkunawan khuska. Chantá Supay Satanás jamuspa, juchallichiyta munarqa. Angelkunataj jamuspa, Jesusta yanaparqanku.

San Lucas 10:18

Jesustajrí nerqa: Noqaqa Kuraj Supay Satanasta lliuj lliujta jina janaj pachamanta urmamojta rikorqani.

San Lucas 11:18

Kikillantataj, sichus Supay Satanás paypa contrallanpitaj imatapis ruwanman chayqa, imaynatataj kamachillanmanpuniri? Chayta niykichej, imaraykuchus qankuna nishankichej Beelzebunejta noqa supaykunata qharqoshasqayta.

San Lucas 13:16

Kay warmirí Abrahampa mirayninmanta kajtinpis, Supay Satanás chunka pusajniyoj watataña kay onqoywan payta watasqa. Jina kajtenqa, manachu payta phaskaranay karqa samarina p'unchay kashajtinpis? nispa.

San Lucas 22:3

Chantá Supay Satanasqa Judas Iscarioteman yaykorqa, pichus Jesuspa chunka iskayniyoj kuraj kachankunamanta ujnin karqa, chayman.

San Lucas 22:31

Jesús nillarqataj: Ay, Simón, Supay Satanasqa munan qankunata trigota jina trillaspa wayrachiyta.

San Juan 13:27

Maypachachus Judas t'antata mikhorqa, chaypacha Kuraj Supay paypa sonqonman yaykorqa. Jinapi Jesús Judasta nerqa: Imatachus ruwanayashanki, chaytaqa usqhayta ruwamuy, nispa.

Hechos 5:3

Jinapi Pedro payta nerqa: Ananías, imaraykutaj Supay Satanasta sonqoykipi kasunki? Qanqa Santo Espirituta q'otiyayta munaspa vendesqayki qolqemanta wakinta pakaykorqanki.

Hechos 26:18

Noqa qanta kachasqayki mana judío kajkunaj ñawinkuta kicharinaykipaj, laqhamanta sut'iman llojsimunankupaj, ajinamanta noqapi atinikusqankurayku Dios juchankuta pampachanqa. Jinallataj paykunapis Diospaj t'aqasqa kajkunawan khuska chayaqeta jap'illanqankutaj, nispa.

1 Corintios 5:5

chay runata iglesiamanta qharqospa, Kuraj Supaypa makinman jaywaykuychej. Ajinamanta Supay ukhunta ñak'arichinman chaypis, alman qhespichisqa kanqa Tukuyta Kamachej Jesús kutimojtin.

1 Corintios 7:5

Chayrayku qhari warmeqa puñuykukunaykichejta ama jark'anakuychejchu. Qhari warmi parlarikuspa, ichapis mana unaypajchu puñuykukuyta saqewajchej, Dioswan parlarikuspa kanaykichejpaj. Chaymanta qhari warmi jina watej puñukapunallaykichejtaj tiyan, ama Kuraj Supay juchallichisunaykichejpaj mana kakuyta atisqaykichejrayku.

2 Corintios 2:11

Ajinata ruwani Kuraj Supay ama atipanawanchejpaj, imaraykuchus yachanchejña paypa sonqonpi mana allin kajta ruwayta munanallapuni kasqanta.

2 Corintios 11:14

Chaywanpis chaymanta mana t'ukusunmanchu, imaraykuchus Supay Satanaspis k'ancharishaj ángel rijch'akojman tukuriyta yachan.

2 Corintios 12:7

Manallataj jatunchakusajchu chay jatuchaj t'ukuna imakunata rikusqaymanta. Chayrayku ama may kasqayta yuyakunaypaj, ukhuypi uj ayjonwan jina t'ojsisqa karqani. Chayqa Satanaspa kachasqan karqa ñak'arichinawanpaj, ama jatunchakunaypaj.