San Mateo 3:6 - DIOSPA QHELQACHISQ

⁶ Chay runakunataj juchankuta rimarejtinku, Juanqa Jordán mayupi paykunata bautizaj.

Qheshwa Biblia DC

⁶ Juantaj juchasninkuta willakojtinku, Jordán mayupi bautizaj.

DIOSPA QHELQACHISQAN DEUTEROCANONICAL

⁶ Chay runakunataj juchankuta rimarejtinku, Juanqa Jordán mayupi paykunata bautizaj.

Quechua South Bolivia: Dios Parlapawanchej

⁶ Paycuna juchasnincuta willashajtincu Juan Jordán mayupi paycunata bautizasharka. [Ajinapi runas ricucherkancu Diosman cutiriskancuta.]

San Mateo 3:6 Referans Kwoze

Hechos 19:18

Chaypachallataj Jesuspi ashkha atinikojkunapis jamuspa, tukuypa uyarinanta willakorqanku ñawpajta millay ruwasqankumanta.

1 Juan 1:9

Juchanchejtachus Diosman rimarinchej chayrí, payqa nisqanta junt'aj, cheqantaj kasqanrayku juchanchejta pampachanqa. Jinallataj payqa tukuy millay ruwasqanchejmantapis llimphuchawasunchej.

Hebreos 9:10

Chay ñawpa kamachisqakuna karqa mikhunamanta, ujyanamanta, Diospa ñawpaqenpi llimphu rikhurinapaj imachus ruwanamanta ima. Chaykunataj valorniyoj karqa, Dios tukuy imata mosojyachinan p'unchaykamalla.

San Mateo 3:11

Noqaqa yakuwan bautizaykichej, Diosman kutirikusqaykichejmanta yachayta qospa. Qhepayta jamojrí noqamanta aswan atiyniyoj, noqataj mana paypa wata runan kanaypaj jinallapischu kani. Payqa Santo Espirituwan, ninawan ima bautizasonqachej.

Hebreos 6:2

Jinallataj amaña parlanachu bautizakuna kasqanmanta, Santo Espirituta jap'inapaj makita umaman churanamanta, wañusqamanta kawsarimpuymanta, chantá wiñaypaj jasut'iymanta ima.

Colosenses 2:12

Bautizasqa kaspaqa, Cristowan khuska p'ampasqa karqankichej. Jinallatataj Diospa jatun atiyninpi atinikusqaykichejrayku Cristowan kawsarimporqankichej, mayqen atiychus Cristota wañusqakunamanta kawsarichimorqa, chaynejta.

1 Corintios 10:2

Ajinamanta tukuyninku phuyupi chantá Puka Mama Qochapi ima bautizasqa kaspa, Moisesman ujchasqa karqanku.

Hechos 22:16

Jina kajtenqa, imatataj suyashankiri? Jatarispa, bautizachikuy, jinaspataj Jesuspa sutinta oqharispa Diosniykipaj rejsikapuy, juchaykimanta llimphuchasqa kanaykipaj, nispa.

Hechos 11:16

Chaypachataj Tukuyta Kamachej Jesuspa kay nisqanmanta yuyarikorqani: Juanqa yakuwan bautizarqa, qankunatajrí Santo Espirituwan bautizasqa kankichej, nispa.

Hechos 1:5

Yachankichej jina Bautizaj Juan yakuwan bautizarqa. Kaymanta pisi p'unchaykunamanrí, qankuna Santo Espirituwan bautizasqa kankichej, nispa.

San Lucas 3:16

Juantajrí tukuyman kuticherqa: Noqaqa yakuwan bautizaykichej. Qhepaytatajrí waj jamushan, paytaj Santo Espirituwan, chantá ninawan ima bautizasonqachej. Payqa noqamanta aswan atiyniyoj, noqataj mana paypa wata runan kanaypaj jinallapischu kani.

Marcos 1:5

Jinapi ashkha runakuna tukuy Judea jap'iymanta, Jerusalén llajtamanta ima Juanta uyarej jamorqanku. Paykunataj juchankuta rimarispa, Jordán mayupi Juanwan bautizachikorqanku.

Daniel (hebreo) 9:4

Chantá Tata Dioswan parlarikuspa, juchallisqaykuta rimarerqani: May jatun Tata Diosníy, qan may atiyniyojtaj kanki. Trato ruwasqaykitaqa junt'ankipuni, munakuyniykitataj qanta munakusojkunaman rikuchinki, jinallataj kamachisqaykita junt'ajkunaman ima.

Ezequiel 36:25

Llimphu yakuwan mayllasqaykichej, tukuy ch'ichi kawsayniykichejmantataj llimphuchasqa kankichej. Tukuy lantikunamantapis t'aqasqaykichej.

Proverbios 28:13

Pichus juchanta pakajtaqa mana allinchu renqa. Pichus juchanta rimarispa saqejpatarí, juchan pampachasqa kanqa.

Salmos 32:5

Chantá mana imatapis pakaspa, juchayta, millay ruwasqayta ima willakorqayki. Nerqani: Juchayta rimarisaj, nispa. Qantaj, Tata Dios, juchayta pampacharqanki.

Josué 7:19

Chantá Josueqa Achanta nerqa: Wawáy, Israelpa Tata Diosninta jatunchaspa, imatachus ruwasqaykita ama pakaspa sut'inta willaway, nispa.

Números 5:7

Payqa juchanta rimarinan tiyan, chantá runa masinta mana allinta ruwasqanmanta tukuyninta kutichipunan tiyan. Chaymantaj phishqaman rak'ispa, ujnintawan yapaykuspa pagapunan tiyan.

Levítico 26:40

Chaypacha qankuna, jinataj tataykichejkuna millayta ruwaspa purisqaykichejta rimarinkichej, wasanchawaspa noqaman sayaykuwasqaykichejtapis.

Levítico 16:21

Chaymantataj chivoj umanman makinta churaspa, israelitakunaj tukuy juchallisqankuta, Diospa contranpi oqharikusqankuta, tukuy ima millay ruwasqankutawan Diosman rimarenqa. Ajinata ruwaspa, israelitakunaj juchankuta chivoman chajnaykonqa. Chaymantataj chay chivota ch'innejpi kacharparinanpaj uj runawan qhatichenqa.

1 Pedro 3:21

Chay tukoyqa bautismowan ninakun. Bautismoqa mana ukhunchejpa ch'ichinta mayllanchu. Aswanpis noqanchej chaynejta Diospa ñawpaqenpi llimphu sonqo kayta munasqanchejta nishanchej. Kunantaj Diosqa Jesucristoj kawsarimpusqannejta qhespichiwanchej.

Santiago 5:16

Chayrayku, ujkuna ujkuna juchaykichejta rimarinakuychej, jinallataj ujkuna ujkunapaj Diosmanta mañapuychej, Tata Dios qhaliyachisunaykichejpaj. Cheqan runa tukuy sonqo Diosmanta mañakojtin, Dios uyarenqapuni.

Esdras 10:1

Esdrasqa Temploj ñawpaqenpi pampakama k'umuykukuspa, waqan waqan israelitakunaj juchankuta Diosman rimarisharqa. Chaykamataj israelitakunamanta qharikuna, warmikuna, wawakuna ima Esdrasta muyuykamuspa, jik'un jik'unta waqallarqankutaj.

San Lucas 1:16

Aswan qhepamanqa pay ashkha israelitakunata Tukuyta Kamachej Diosninkuman kutirichenqa.