San Mateo 3:12 - DIOSPA QHELQACHISQ

¹² Jorcapis makinpiña kashan, erapi trigota wayrachinanpaj. Chantá pirwaman trigota jallch'anqa, pajatatajrí mana thasnukoj ninaman enqhaykonqa. Ajinata nispa, Juanqa runakunaman willararqa.

Qheshwa Biblia DC

¹² Jorcapis makimpiña kashan, trigota erapi llimphuchanampaj. Chaymantataj trigota pirwaman waqaychanqa, pajantataj mana jayk'aj thasnukoj ninaman kanaykonqa.

DIOSPA QHELQACHISQAN DEUTEROCANONICAL

¹² Jorcapis makinpiña kashan, erapi trigota wayrachinanpaj. Chantá pirwaman trigota jallch'anqa, pajatatajrí mana thasnukoj ninaman enqhaykonqa. Ajinata nispa, Juanqa runakunaman willararqa.

Quechua South Bolivia: Dios Parlapawanchej

¹² Trigo erata wayrachejka jorc'ata maquinpiña jap'ishan. Erata sumajta pichanka trigota ch'uyachananpaj. Trigota pirwanman jallch'anka. Pajatarí ni jayc'aj wañoj ninaman ruphachenka, —nispa willararka Juan.

San Mateo 3:12 Referans Kwoze

Malaquías 4:1

1 (3.19) Tukuy Atiyniyoj Tata Dios nin: Horno jina lawraj juicio p'unchay qayllamushanña, chay p'unchaypitaj tukuy jatunchakojkuna, tukuy millayta ruwajkuna ima ichhu jina ruphanqanku. Chay jamoj p'unchaypi ninaqa tukuyninkuta q'olanqa, nitaj imapis paykunamanta puchonqachu.

San Mateo 13:30

Aswanpis wiñajta saqellaychej poqoy oqharinakama. Trigo ruthunaña kajtintaj, noqa ruthojkunaman nisaj: Cizañataraj ñawpajta pallaychej, marq'a marq'ata wataraspa ruphachinapaj. Chaymantataj trigota ruthuspa, pirwayman waqaychamuychej, nispa.

San Lucas 3:17

Jorcapis makinpiña kashan, erapi trigota wayrachinanpaj. Chantá trigota pirwaman jallch'anqa, pajatatajrí mana thasnukoj ninawan kanaykonqa, nispa.

Jeremías 51:2

Babiloniaman awqankunata kachaykusaj, trigota jina paykunata wayrachinankupaj. Chay suyuta ch'inyachenqanku, imaraykuchus tukuynejmanta contranpi llojsiykamonqanku, ñak'arinanku p'unchay chayamojtin.

Isaías 41:16

Chaykunata wayrachinki, wayrataj apakaponqa, sinch'i muyoj wayra kayman jaqayman t'akaranqa. Qantajrí Tata Diosniykimanta kusikunki. Israel, May Llimphu Kaj Diosniykirayku may kusisqa kanki.

San Mateo 13:41

Runaj Churin kamachiyta qallarishaspa, angelninkunata kachamonqa, kamachiyninmanta orqhonankupaj runata juchallichejkunata, millayta ruwajkunatawan ima.

Salmos 1:4

Dioswan churanakojkunawanrí mana jinachu kanqa. Paykuna wayraj apasqan q'opa jina kanku.

Jeremías 7:20

Chayrayku Tukuyta Kamachej Tata Dios kayta nin: Tukuy phiñakuyniyta kay suyoj contranpi jich'aykamusaj, jinallataj chaypi tiyakojkunaj contranpi, uywankukunaj contranpi, sach'akunaj contranpi, chantá chajra poqoykunaj contranpi ima. Chay phiñakuyniytaj nina jina mana thasnuy atina kanqa, nispa.

San Juan 15:2

Noqaman ujchasqa kaj yura, sichus mana poqon chayqa, Tatay k'uturparenqa. Poqoj yuratarí, podaspa llimphuchanqa, astawan poqonanpaj.

Jeremías 15:7

Noqa llajtakunaj punkunpi qanta jorkawan jina wayrachispa wijch'usqayki. Mana wawayojta, phirisqatataj saqesqayki, imaraykuchus millay ruwasqaykita mana saqeyta munarqankichu.

Jeremías 17:27

Sichus mana kasukuspa samarina p'unchayta mana noqapaj t'aqapuwankichejchu, manachayqa samarina p'unchaypi q'epiykichejta Jerusalenman apaykullankichejpuni chayqa, noqa llajtaj punkunkunaman ninata jap'iykuchisaj. Chay ninataj Jerusalenpa kamachina wasinta tukuchinankama ruphaykonqa, manataj pipis thasnuyta atenqachu, nispa.

Isaías 30:24

Chaypacha llank'aj bueyniykichejkuna, burroykichejkuna ima jorkawan sumaj wayrachisqa granota mikhonqanku.

Isaías 17:13

Chaywanpis Tata Dios paykunata k'amejtinkama, karuman ayqerikaponqanku, orqopi wayraj apaykachasqan q'opa jina, chayrí imaynatachus muyoj wayra sach'ata ujllata oqharin, ajinata.

Isaías 5:24

Chayrayku imaynatachus nina ichhuta q'olaykun, lawraynintaj ch'aki laqheta ujllata rupharparin, ajinallatataj qankunapis chinkachisqa kankichej. Qankunaqa saphinmanta ismoj yura jina kankichej, t'ikantaj ñut'u jallp'aman tukupun, ajina, imaraykuchus Tukuy Atiyniyoj Tata Diospa kamachisqanta qhesacharqankichej, Israelpa May Llimphu Kaj Diosninpa nisqantataj pisipaj qhawarqankichej.

Isaías 1:31

Qankunamanta wapu kajkunaqa q'opa jina kanqanku, millay ruwasqankutaj phawaj nina jina pajaman urmamonqa. Chay runakuna millay ruwasqankuwan ima ujllapi lawrarenqanku, nitaj pipis thasnoj kanqachu, nispa.

Salmos 35:5

Paykunataqa Tata Diospa angelnin wijch'uchun wayraj apaykachasqan q'opata jina.

Job 21:18

Mayk'ajtaj ichhu jina qhallirparisqa karqankuri, muyoj wayraj apasqan jinari?

San Mateo 13:43

Cheqan runakunatajrí Tata Diosninkoj kamachiyninpi inti jina lliphipirenqanku. Pichus nisqayta jap'ikuyta munajqa allinta uyarichun.

Amós 9:9

Manachayqa kamachisaj Israelpa ayllunmanta kajkuna tukuynejman suysusqa kanankuta, imaynatachus runa trigota suysunapi suysun mana uj granollatapis pampaman urmachispa, ajinata.

Oseas 13:3

Chayrayku paykuna sut'iyaymanta chinkapoj phuyu jina kanqanku, chayrí imaynatachus tuta tutamanta chhulla chinkapun, ajina. Wayralla apakapoj paja jina kanqanku, imaynatachus q'oshñi chinkapun, ajinallatataj chinkaponqanku.

Jeremías 4:11

Tata Diostaj kuticherqa: Chay p'unchay chayamojtin, Jerusalén llajtapi tiyakojkunaman nenqanku: Jerusalenman ch'innejmanta ch'aki wayra phukumushan. Chay wayraqa mana trigota wayrachinapaj jinachu.

Isaías 66:24

Chantá chaymanta llojsispa, rikonqanku pikunachus contraypi oqharikojkunaj ayankuta. Chay wañusqa runakunata mikhoj khurukunaqa mana wañonqankuchu. Paykunata q'olashan, chay ninapis mana thasnukonqachu. Chayta rikuspataj, tukuy runakuna mayta millachikonqanku.

Isaías 27:4

Chay huertapaj manaña phiñasqachu kani. Chaywanpis sichus chaypi khishka, chayrí qhora kanman chayqa, noqa chayta t'iraytawan, saruyman, ruphachiymantaj.

San Mateo 13:42

Angelkunataj lawrashaj hornoman paykunata wijch'uykonqanku, chaypitaj manchay waqay, kiru k'arukuytaj kanqa.

San Lucas 3:16

Juantajrí tukuyman kuticherqa: Noqaqa yakuwan bautizaykichej. Qhepaytatajrí waj jamushan, paytaj Santo Espirituwan, chantá ninawan ima bautizasonqachej. Payqa noqamanta aswan atiyniyoj, noqataj mana paypa wata runan kanaypaj jinallapischu kani.

Isaías 28:28

Trigota trillaspa oqharina chaypis, mana trillaspallapunichu kana. Carretaj ruedan sarojtenqa, grano t'akakun, chaywanpis mana p'akirakunchu.