San Mateo 3:11 - DIOSPA QHELQACHISQ

¹¹ Noqaqa yakuwan bautizaykichej, Diosman kutirikusqaykichejmanta yachayta qospa. Qhepayta jamojrí noqamanta aswan atiyniyoj, noqataj mana paypa wata runan kanaypaj jinallapischu kani. Payqa Santo Espirituwan, ninawan ima bautizasonqachej.

Qheshwa Biblia DC

¹¹ Noqaqa cheqamanta bautizaykichej yakuwan, Diosman kutirinaykichejpaj; qhepayta jamojqa noqamanta aswan atiyniyoj; chayrayku, mana atej jinachu kani ujut'allantapis apanaypaj. Paytaj bautizasonqachej Santo Espirituwan, ninawan ima.

DIOSPA QHELQACHISQAN DEUTEROCANONICAL

¹¹ Noqaqa yakuwan bautizaykichej, Diosman kutirikusqaykichejmanta yachayta qospa. Qhepayta jamojrí noqamanta aswan atiyniyoj, noqataj mana paypa wata runan kanaypaj jinallapischu kani. Payqa Santo Espirituwan, ninawan ima bautizasonqachej.

Quechua South Bolivia: Dios Parlapawanchej

¹¹ Chekatapuni noka yacupi bautizayquichej Diosman cutiriskayquichejta ricuchinapaj. Khepaytarí Diospa ajllaskan Cristo jamonka. Payka aswan curaj atiyniyoj nokamanta niskaka. Mana paypajka [camachinpajjinallapischu cani runalla caskayraycu.] Paymin kancunata bautizaspa Santo Espirituta sonkoyquichejman cachamusonkachej Diosllapaj causanayquichejpaj. Ninawantaj bautizasonkachej.

San Mateo 3:11 Referans Kwoze

San Lucas 3:16

Juantajrí tukuyman kuticherqa: Noqaqa yakuwan bautizaykichej. Qhepaytatajrí waj jamushan, paytaj Santo Espirituwan, chantá ninawan ima bautizasonqachej. Payqa noqamanta aswan atiyniyoj, noqataj mana paypa wata runan kanaypaj jinallapischu kani.

Isaías 4:4

Chay kanqa, maypachachus Tukuyta Kamachej Dios juicionwan, ninawan ima Sionpa ch'ichi kayninta llimphuchanqa, jinallataj Jerusalenpi yawar jich'asqankuta pichanqa, chaypacha.

Hechos 1:5

Yachankichej jina Bautizaj Juan yakuwan bautizarqa. Kaymanta pisi p'unchaykunamanrí, qankuna Santo Espirituwan bautizasqa kankichej, nispa.

Zacarías 13:9

Chay qhepakojkunarí ninawan ch'uwanchasqa kanqanku. Imaynatachus runa qolqe metalta ninapi ch'uwanchan, chayrí qorita ch'uwanchan, ajinata noqapis paykunata llimphuchasaj. Chaypacha paykunaqa sutiyta oqharenqanku Diosninkupaj rejsikapuwasqankurayku, noqataj mañakuwasqankuta uyarisaj. Chantá paykunata nisaj: Qankuna aylluy kankichej, nispa. Paykunataj kutichiwanqanku: Tata Diosqa Diosninchej, nispa. Noqa Tata Diosmin chayta nini.

Tito 3:5

Pay qhespichiwarqanchej mana noqanchej ima allinta ruwasqanchejraykuchu, astawanqa khuyakuwasqanchejraykulla. Chantá Santo Espiritunejta juchanchejmanta mayllawarqanchej, watej paqarichispataj, mosoj kawsayta qowarqanchej.

1 Corintios 12:13

Jinallataj Santo Espiritulla tukuyta bautizawarqanchej, uj ukhu jinalla kananchejpaj judiokuna, mana judiokuna, wata runakuna, mana wata runa kajkuna ima. Diostaj chay kikin Santo Espiritullantataj tukuyninchejman qowarqanchej.

San Mateo 3:6

Chay runakunataj juchankuta rimarejtinku, Juanqa Jordán mayupi paykunata bautizaj.

Hechos 19:4

Chantá Pablo nerqa: Bautizaj Juanqa, pikunachus Diosman kutirikorqanku, chaykunata bautizarqa. Chay runakunamantaj yachacherqa paypa qhepanta jamoj Jesuspi atinikunankuta, nispa.

San Lucas 1:17

Jinataj Diosmanta ñawpa sut'inchaj Elías imaynatachus Diospa Espiritunpa kamachiyninpi kaspa atiyniyoj karqa, ajinallataj Juanpis kanqa. Chantá payqa tata mamakunaj sonqonkuta llamp'uyachispa, wawankunawan allinyachenqa, mana kasukojkunatataj Diosta kasuyta yachachenqa. Ajinamanta runakunata allinta wakichenqa Tukuyta Kamachej Diosta jap'ikunankupaj, nispa.

San Juan 1:30

Paymanta noqa nerqani: Payqa noqamanta aswan kurajmin, imaraykuchus manaraj noqa kashajtiy, pay karqañapuni, nispa.

Marcos 1:4

Ajinaqa Bautizaj Juan ch'innejpi rikhurispa, tukuy runata nerqa bautizachikunankuta, ajinamanta yachayta qospa Diosman kutirikusqankumanta juchanku pampachasqa kananpaj.

Efesios 3:8

Noqa Diospa tukuy ajllakusqanmanta aswan mana kasu ruwana kashajtiypis, Dios maypaj qhawawaspa, uj sumaj ruwanata qowarqa, Cristoj may qhapaj sumaj willayninta mana judiokunaman willanaypaj.

Isaías 44:3

Noqaqa ch'aki pampapi yakuta puririchisaj, ch'aki jallp'apipis yaku mayukuna kanqa. Mirayniykimanpis Espirituyta kachamullasajtaj, wawaykikunatataj saminchasaj.

1 Pedro 5:5

Jinallataj waynakuna, qankunapis iglesiapi kurajkunawan k'umuykukoj sonqo kaychej. Chantá tukuy wawqe panakuna purajmanta kasunakuspa, llamp'u sonqo kaychej, imaraykuchus Diospa Qhelqachisqanpi nin: Diosqa runaykachajkunaman sayaykun, llamp'u sonqoyojkunatataj k'acha kayninwan yanapan, nispa.

San Juan 1:15

Paymanta jatunmanta parlaspa, Bautizaj Juan nerqa: Kaymá qhepayta chay jamojqa. Chaywanpis payqa noqamanta aswan kurajmin, imaraykuchus manaraj noqa kashajtiy, pay karqañapuni, nispa.

San Lucas 3:3

Chantá Juan tukuy Jordán mayu muyuynintinpi purispa, runaman willararqa bautizachikunankuta, ajinamanta yachayta qospa Diosman kutirikusqankumanta juchanku pampachasqa kananpaj.

Hechos 8:36

Ñanta rishaspataj, chayarqanku, maypichus yaku karqa, chayman. Chantá eunucoqa Felipeta nerqa: Kaypi yaku tiyan. Manachu atiyman noqa bautizasqa kayta? nispa.

Hechos 8:38

Chantá eunucoqa carretanta sayachinankuta kamacherqa. Iskayninkutaj urayk'uspa, yakuman yaykorqanku, Felipetaj chaypi eunucota bautizarqa.