San Mateo 27:51 - DIOSPA QHELQACHISQ

⁵¹ Chaypachallataj Templopi jatun velo ujllata iskayman llik'irparikorqa patamanta urakama. Jallp'ataj sinch'ita ikhakorqa, chhankakunapis phatararqanku.

Qheshwa Biblia DC

⁵¹ Chay kikimpachataj, temploj cortinan iskayman llik'ikorqa patamanta urakama. Jallp'ataj kharkatiterqa, chhankaspis phatararqanku.

DIOSPA QHELQACHISQAN DEUTEROCANONICAL

⁵¹ Chaypachallataj Templopi jatun velo ujllata iskayman llik'irparikorqa patamanta urakama. Jallp'ataj sinch'ita ikhakorqa, chhankakunapis phatararqanku.

Quechua South Bolivia: Dios Parlapawanchej

⁵¹ Yupaychana-wasipi warqhuska caj khatanaka patamanta uracama iscayman lliq'icorka. Jallp'ataj qharcatiterka. Rumispis quichacorkancu.

San Mateo 27:51 Referans Kwoze

Marcos 15:38

Chaypachallataj, Templopi jatun velo ujllata iskayman llik'irparikorqa patamanta urakama.

Hebreos 6:19

Diospi atinikunaqa sinch'ita sayayta yanapawanchej, imaynatachus jatun gancho barcota pachanpi sayachin, ajinata. Ajinata mana iskayrayaspa Diospi atinikuyta atinchej Jesucristo janaj pachapi kaj Diospa Templonpi cortina ukhuman yaykusqanrayku.

San Lucas 23:45

Intitaj laqhayaykorqa. Chaypachallataj Templopi jatun velo ujllata iskayman llik'irparikorqa.

Apocalipsis 11:19

Jinallapi janaj pachapi kashaj Diospa templon kicharikorqa, chaypitaj Diospa trato ruwasqan arca rikukorqa. Chaypachallataj lliuj lliujkuna, jatunmanta parlaykuna, qhon qhonkuna, jallp'a ikhakuy, chantá manchay chijchi para ima karqa.

San Mateo 27:54

Chaypacha romano soldadokunaj kuraj kamachejninku, chantá Jesusta qhawasharqanku, chay soldadokunawan ima jallp'ata ikhakojta, chay waj imakunatawan ima rikorqanku. Chayrayku maytapuni mancharikuspa, nerqanku: Kay runaqa Diospa Churinpuni, nispa.

San Mateo 28:2

Kaymanta jinataj jallp'aqa ikhakorqa, imaraykuchus Tukuyta Kamachej Diospa uj angelnin janaj pachamanta urayk'amorqa. Aya p'ampanata wisq'aj rumita tijraspataj, chay patapi tiyaykukorqa.

Isaías 25:7

Kay orqopi payqa llakiyninkuta phuyuta jina picharenqa, jinallataj kay tukuy suyupi wañuypa llanthunta chinkachenqa.

Apocalipsis 11:13

Chantá chay kikinpacha manchay jallp'a ikhakuy kanqa, Jerusalén llajta chunkaman t'aqasqamanta ujnin kaj t'aqataj thuñiykukonqa. Jallp'a ikhakusqanraykutaj 7.000 runakuna wañuranqanku, kawsashaj qhepakojkunataj mancharikuspa, janaj pachapi kaj Diosta jatunchanqanku.

Hebreos 9:3

Chaymantataj warkhusqa uj velo karqa, chay wasanpitaj Diosllapaj T'aqasqa Cheqa karqa.

Habacuc 3:10

Orqokunaqa rikususpa, kharkatitinku, parapis patamanta imata jina jich'akamun. Chantá mama qochapis chhika patata oqharikuspa, qhollchoqeyasqanwan manchayta ch'ajwarin.

2 Crónicas 3:14

Salomón awachillarqataj chay velo nisqa cortinata, kulli q'aytumanta, puka kulli q'aytumanta, puka q'aytumanta, linomantawan, chaymantaj querubinman rijch'akojta iskayta awakipaykucherqa.

Levítico 21:23

Ukhunpi iman mana allin kasqanrayku, veloj wasanpi Diosllapaj T'aqasqa nisqa cheqanejman mana yaykonqachu, nitaj altar qayllamanpis chimpanqachu. Noqamin Tata Dios kani, pichus paykunata noqapaj t'aqakorqani, chay, nispa.

Habacuc 3:13

Qan aylluykita yanapaj llojsimunki, jinallataj ajllakusqayki kamachejta yanapanki. Millay runaj wasinpa qhatantapis qan phirerqanki, cimientontapis ura k'uchunkama rikhuricherqanki.

Salmos 18:15

15 (16) Tata Diosníy, qanmin mama qochata k'amerqanki, phiñakusqaykiraykutaj mama qochaj pampan rikhurerqa. Phiñakuspa phukusqaykiwan kay pachaj tejsinpis q'alalasqa rikhurillarqataj.

Salmos 18:7

7 (8) Chantá jallp'a sinch'ita khatatiterqa. Orqokunapis tejsinmantapacha kharkatiterqanku Tata Dios phiñakusqanrayku.

Levítico 16:2

Chantá Tata Dios Moisesta nerqa: Wawqeyki Aaronta niy ama mayk'ajllapis veloj wasanpi kashan, chay Diosllapaj T'aqasqa nisqa cheqaman yaykunanta. Nillataj Diospa arcanpata kirpananpa ñawpaqenman chimpananchu tiyan. Sichus yaykunman chayqa, wañonqa imaraykuchus arcaj kirpananpi noqa, phuyupi rikuchikusaj.

Éxodo 40:21

Chantá Moisesqa Tata Dios kamachisqanman jina, arcata Dioswan Tinkukuna Toldoman apaykorqa. Velota warkhuykuspataj, chaywan arcata pakaykorqa.

Números 4:5

Israelitakuna puririnankupaj toldonkuta oqharejtinku, Aaronwan chantá churinkunawan ima Dioswan Tinkukuna Toldopi velota oqharenqanku. Chay veloqa Diosllapaj T'aqasqa Cheqaman yaykunapi kashan, chaywantaj Dioswan trato ruwasqa arcata qhataykonqanku.

San Lucas 23:47

Chantá soldadokunaj capitanninku chayta rikuspa, Diosta jatuncharqa: Kay runaqa cheqan runapuni karqa, nispa.