San Mateo 27:1 - DIOSPA QHELQACHISQ

¹ Sut'iyamojtin, kuraj kaj sacerdotekuna, judiokunaj kurajninkukuna ima juntapi tantakuspa, yachachinakorqanku Jesusta wañuchichinankupaj.

Qheshwa Biblia DC

¹ Sut'iyamojtintaj, jatun sacerdotes, judiospa kuraj runasnin ima, juntapi tantakuspa yuyaychanakorqanku Jesusta wañuchinankupaj.

DIOSPA QHELQACHISQAN DEUTEROCANONICAL

¹ Sut'iyamojtin, kuraj kaj sacerdotekuna, judiokunaj kurajninkukuna ima juntapi tantakuspa, yachachinakorqanku Jesusta wañuchichinankupaj.

Quechua South Bolivia: Dios Parlapawanchej

¹ P'unchayarpamojtinña yupaychana-wasimanta tucuy curajcunawan israel curajcunawan tantacorkancu. Chay tantacuyka uj yuyayllata Jesuspa contranpi ninacorkancu payta wañuchichinancuta.

San Mateo 27:1 Referans Kwoze

Marcos 15:1

Sut'iyamojtenqa, kuraj kaj sacerdotekuna, kurajkunawan, Diospa kamachisqanmanta yachachejkunawan ima ujtawan Jatun Juntapi tantakorqanku parlarinankupaj. Chaymantataj Jesusta wataspa, Romamanta kamachej Pilatoman pusarqanku.

San Juan 18:28

Chantá sut'iyamushajtinña, judiokunaj kurajninkukunaqa Caifaspa wasinmanta Jesusta Pilatoj kamachinan wasiman pusarqanku. Chay pusajkunarí mana Pilatoj kamachinan wasiman yaykorqankuchu, imaraykuchus mana munarqankuchu mana llimphupaj qhawasqa kayta, ajinamanta Pascua mikhuyta mikhunankupaj.

San Lucas 22:66

Sut'iyamojtenqa, kurajkuna, kuraj sacerdotekuna, Diospa kamachisqanmanta yachachejkuna ima Jatun Juntapi tantakorqanku. Chantá Jesusta chay juntaman pusachimuspa, taporqanku:

Miqueas 2:1

Ay, imallapichus rikhurenqanku, pikunachus puñushaspapis millayta ruwanankupaj umachakunku, q'ayantin sut'iyamojtintaj, yuyasqankuta ruwanku atiyniyoj kasqankurayku, chaykunamanta.

Salmos 2:2

Kay pachapi kuraj kamachejkuna, kamachejkunawan ima Tata Diospa contranta oqharikunku, ajllakusqan kuraj kamachejpa contranpiwan ima.

San Mateo 23:13

Ay qankunamanta, puraj uya fariseokuna, Diospa kamachisqanmanta yachachejkuna ima. Qankunaqa Diospa janaj pacha kamachiyninman yaykunata wisq'ankichej. Qankuna chayman mana yaykunkichejchu, nitaj yaykuyta munajkunatapis yaykojta saqenkichejchu.

Hechos 5:21

Chayta uyariytawan, Jesuspa kuraj kachankuna q'ayantin sut'iyayta Temploj pationman yaykuspa, Jesusmanta yachachiyta qallarerqanku. Chaykama kuraj sacerdote, paywan kajkuna ima tukuy israelitakunamanta kurajkunata wajyacherqanku Jatun Juntapi tantakunankupaj. Chantá carcelman soldadokunata kacharqanku Jesuspa kuraj kachankunata pusamunankupaj.

1 Samuel 19:11

Chantá chaypachapacha Saulqa kamachinkunata nerqa, Davidpa wasinman rispa, sumajta wateqanankuta, q'ayantin paqarin payta wañuchinankupaj. Warmin Micaltajrí Davidman willarqa: Manachus kunan ch'isi ayqekunki chayqa, q'ayapaj wañusqa rikhurinki, nispa.

Jueces 16:2

Jinapi Gazamanta kajkunaqa Sansón chay llajtapi kasqanta yachaytawan, llajtata muyuykorqanku. Chantá llajtaman yaykuna punkuta tukuy tuta qhawarqanku, q'ayantin sut'iyayta Sansonta wañuchiyta yuyaspa.

Salmos 31:13

13 (14) Runakuna chhichinakusqankuta uyarini: Tukuynejpi manchachikuna tiyan, nispa. Paykuna uj runa jinalla contraypi oqharikunku, wañuchinawankupajtaj wakichikunku.

Salmos 71:10

Awqaykunaqa noqamanta mana allintachu parlanku, ujchaykukuspataj, wañuchinawankupaj yachachinakunku.

San Lucas 13:1

Chaypachallataj wakin runakuna Jesusman qayllaykuspa, willarqanku imaynatachus Galilea llajtayoj runakuna, Templopi Diosman q'olachispa jaywashajtinku, Pilatoqa wakinta wañuchichisqanta.