San Mateo 26:39 - DIOSPA QHELQACHISQ

³⁹ Aswan ñawpajman rispataj, Jesús pampakama k'umuykuytawan, Diosmanta mañakorqa: Tatáy, atikojtenqa, imatachus ñak'arinaymanta kacharichiway ari. Chaywanpis, ama noqaj munaynillay kachunchu, manachayqa qanpa munayniyki ruwasqa kachun, nispa.

Qheshwa Biblia DC

³⁹ Astawan ñaupajman rispa, pampaman k'umuykukuytawan, Diosmanta mañakorqa: Tatáy, atikojtenqa kay ñak'arinay pasachun; chaywampis, ama noqaj munayniychu, qampa munayniyki ruwasqa kachun.

DIOSPA QHELQACHISQAN DEUTEROCANONICAL

³⁹ Aswan ñawpajman rispataj, Jesús pampakama k'umuykuytawan, Diosmanta mañakorqa: Tatáy, atikojtenqa, imatachus ñak'arinaymanta kacharichiway ari. Chaywanpis, ama noqaj munaynillay kachunchu, manachayqa qanpa munayniyki ruwasqa kachun, nispa.

Quechua South Bolivia: Dios Parlapawanchej

³⁹ Uj tumpatawan ñaupaspa uyan pampacama c'umuycorka. Diosmanta mañacuspataj nerka: —Munaska Tatáy, cay ñac'ariypi wañunayka sichus aticun chayka, ama cachunchu. Astawanpis cayka mana nokaj munayniychu cachun. Manachayrí kanpa munayniyqui ruwaska cachun, —nispa.

San Mateo 26:39 Referans Kwoze

San Juan 6:38

Noqa mana munasqayta ruwanaypajchu janaj pachamanta urayk'amorqani, astawanqa Kachamuwajniypa munasqanta ruwanaypaj.

Filipenses 2:8

Payqa runaman tukuspa, pay kikin k'umuykorqa. Diosta kasuspataj, runa wañuchipis kanman jina cruzpi chakatasqa wañorqa.

San Mateo 26:42

Chantá Jesús ujtawan rispa, mañakullarqataj: Tatáy, ñak'arinaypuni kajtenqa, qanpa munayniyki ruwasqa kachun, nispa.

Hebreos 5:7

Jesús kay pachallapiraj kawsashaspa, sinch'ita qhaparispa chantá waqaspa Diosmanta mañakorqa, pichus wañunanmanta kacharichinanpaj atiyniyoj karqa, chaymanta. Jinataj Diosta may jatun respetowan qhawaspa tukuy sonqo k'umuykusqanrayku Dios mañakusqanta uyarerqa.

San Juan 5:30

Jesús judiokunaj kurajninkukunata nillarqataj: Mana imatapis noqallamantachu ruwani. Noqaqa Tataypa niwasqanman jina pitapis juzgani, juzgasqaytaj cheqanpuni, imaraykuchus mana munasqallaytachu ruwayta mask'ani, manachayqa kachamuwaj Tataypa munaynillanta.

San Juan 14:31

Ajina kanan tiyan, runakuna yachanankupaj noqa Tata Diosta munakusqayta. Yachallanqankutaj paypa kamachiwasqanta ruwasqayta, nispa. Chayta niytawantaj, Jesús nerqa: Sayariychej, jaku ripuna, nispa.

San Juan 18:11

Jesustajrí Pedrota nerqa: Espadaykita waqaychakapuy. Sichus Tatay ñak'arinayta kamachiwan chayqa, manachu yuyanki ñak'arinaypaj wakichisqa kashasqayta? nispa.

San Juan 11:41

Chantá rumita tanqarqanku. Jesustaj patata qhawaspa, nerqa: Tatáy, uyariwasqaykimanta pachis niyki.

San Mateo 20:22

Jesustaj nerqa: Mana yachankichejchu imatachus mañakusqaykichejta. Noqa imaynatachus ñak'arisaj, ajinata ñak'ariyta atiwajchejchu? nispa. Paykunataj nerqanku: Arí, atisqayku, nispa.

Números 16:22

Chayta uyarispa, Moiseswan, Aaronwan pampakama k'umuykuspa, nerqanku: Diosniyku, tukuy runaman kawsayta qoj, uj runa juchallisqanraykuchu kay tukuy runaj contrankuta phiñakunki? nispa.

San Mateo 24:24

Ajinamanta llullakuspa: Cristo kani, nispa nejkuna rikhurimonqanku, mana cheqanta sunt'inchajkuna ima. Paykunataj runaj mana jayk'aj rikusqan t'ukunakunata ruwaspa, runakunata pantachenqanku. Atispaqa, Diospa ajllakusqankunatapis pantachinkuman.

Ezequiel 1:28

Imaynatachus k'uychi phuyu chawpipi p'unchay paramojtin rikhurin, ajina lliphipirishaj muyuyninpi karqa. Tata Diospa jatun kayninpa lliphipiyninta mosqoypi jina rikusqayqa chay jina karqa. Chay jinata rikuspataj, pampakama k'umuykorqani, chaypitaj uj parlamojta uyarerqani.

2 Samuel 15:26

Sichus niwanqa: Mana qanwanqa sonqo junt'asqachu kani, nispa chayqa, noqawanqa imatachus munasqanta ruwachun, nispa.

Números 14:5

Chantá Moiseswan, Aaronwan ima tukuy israelitakuna rikushajtinku, pampakama k'umuykorqanku.

Apocalipsis 19:10

Chayta ángel nejtin, noqaqa payta yupaychanaypaj chakin chaynejman pampakama k'umuykorqani. Paytajrí niwarqa: Ama chayta ruwaychu. Noqaqa qan jina, chantá Jesuspa nisqanta jap'ikoj wawqe panaykikuna jina Diospa kamachillantaj kani. Qanqa Diosllata yupaychay, imaraykuchus Diosmanta sut'inchajkunaj nisqankoqa, Jesusmanta willanallapajpuni runaj sonqonta aysan, nispa.

1 Crónicas 21:16

David qhawaspa, Tata Diospa angelninta rikorqa janajwan kay pachawan tinkuypi sayashajta, espadanta jap'ispa Jerusalén llajtanejta qhawarisqa. Chantá Davidwan tukuy kurajkunawan ima qhashqa p'achata churakuspa, pampakama k'umuykorqanku.

Génesis 17:3

Chantá Abram pampakama k'umuykorqa. Diostaj payta nillarqataj:

Hechos 10:25

Jinapi Pedro wasiman yaykushajtin, Cornelio taripaj llojsimuspa, Pedroj ñawpaqenman pampakama k'umuykukorqa payta yupaychananpaj.

San Lucas 17:16

Jesuspa ñawpaqenman wijch'uykukuspataj, qhaliyachisqanmanta pachis nispa nerqa. Chay runataj Samariamanta karqa.

Marcos 13:22

Ajinamanta llulla cristokuna, mana cheqanta sut'inchajkuna ima rikhurimonqanku. Paykunataj runaj mana jayk'aj rikusqan t'ukunata, waj t'ukuna imakunata ima ruwaspa, runata pantachenqanku. Atispaqa, Diospa ajllakusqankunatapis pantachinkuman.

Isaías 50:5

Tukuyta Kamachej Tata Dios yuyayta qowarqa, noqataj mana k'ullukorqanichu, nitaj qhepamanpis kutirerqanichu.

Isaías 53:12

Chayrayku payta atiyniyojkunawan khuska jatunchasaj. Jinataj atipajkunaj t'inkankuta jap'enqa, pay kikin wañuyman jaywaykukusqanrayku. Payqa juchasapakunawan khuska yupasqa kanqa. Tukuypa juchankuta apanqa, paykunaraykutaj Diosmanta mañaponqa.

San Juan 5:19

Chaypacha Jesús paykunata nerqa: Kayta sut'ita niykichej: Diospa Churenqa sapallanmanta mana imatapis ruwayta atinchu, manachayqa pay ruwan imatachus Tatanta ruwajta rikun, chayllata. Tukuy imatachus Tata Dios ruwan, chayllatataj Churinpis ruwan.