San Mateo 24:21 - DIOSPA QHELQACHISQ

²¹ Chay jina llakeyqa mana jayk'ajpis karqachu, Dios kay pachata ruwasqanmantapacha kunankama, nillataj qhepamanpis kanqachu.

Qheshwa Biblia DC

²¹ Chaypacha manchay ñak'ariy kanqa; chaytaj mundo qallarikusqanmantapacha, manaraj chay jina karqachu, nitaj jayk'ajpis kanqachu.

DIOSPA QHELQACHISQAN DEUTEROCANONICAL

²¹ Chay jina llakeyqa mana jayk'ajpis karqachu, Dios kay pachata ruwasqanmantapacha kunankama, nillataj qhepamanpis kanqachu.

Quechua South Bolivia: Dios Parlapawanchej

²¹ Imaraycuchus chay p'unchaycunapi manchay ñac'ariy canka. Cay pachaj kallaricuyninmanta cunancama mana carkachu chayjina ñac'ariyka nitaj jayc'ajpis cankachu.

San Mateo 24:21 Referans Kwoze

Daniel (hebreo) 12:1

Chantá Israel suyuta qhawaj angelkunata kamachej Miguel rikhurimonqa. Chaypachaqa may sinch'i llakiy kanqa. Chay jina llakeyqa runa kasqanmantapacha manapuni jayk'ajpis karqachu. Chaywanpis chaypachaqa Israel aylluykimanta pikunachus p'anqapi sutinku qhelqasqa kajkuna qhespichisqa kanqanku.

Joel 2:2

Chay p'unchayqa tutayaj, laqhayaj kanqa, yanayarishaj phuyuwan laqhayachisqa p'unchay kanqa. May atiyniyoj ashkha soldado jina orqo patamanta mast'alla junt'aykamunku, imaynatachus sut'iyayta inti k'anchay orqota wasaykamun, ajinata. Chayman rijch'akojqa mana jayk'ajpis karqachu, nitaj jayk'ajpis kanqachu.

Malaquías 4:1

1 (3.19) Tukuy Atiyniyoj Tata Dios nin: Horno jina lawraj juicio p'unchay qayllamushanña, chay p'unchaypitaj tukuy jatunchakojkuna, tukuy millayta ruwajkuna ima ichhu jina ruphanqanku. Chay jamoj p'unchaypi ninaqa tukuyninkuta q'olanqa, nitaj imapis paykunamanta puchonqachu.

San Lucas 21:24

Wakenqa espadawan wañuchisqa kanqanku, wakintaj presochasqa tukuy suyuman apasqa kanqanku. Chantá mana judío kajkunaqa Jerusalén llajtata saronqanku chay tiempo junt'akunankama.

1 Tesalonicenses 2:16

Ajinata paykuna jark'awayku Jesucristomanta sumaj willayta ama mana judiokunaman willanaykupaj, chaynejta paykunapis qhespichisqa kanankupaj. Ajinata ruwaspa, judiokunaqa juchallisqankuman astawan juchata yapakushallankupuni. Chayrayku Diospa k'araj phiñakuynin patankupiña kashan.

San Mateo 24:29

Jesús yachachillarqataj: Ñak'ariy p'unchaykunaj qhepanta, inti laqhayaykaponqa. Killapis manaña k'anchanqachu, ch'askakunapis urmaranqanku. Jinallataj janaj pacha atiykunapis kharkatitenqanku.

Joel 1:2

Israelita kurajkuna, jinallataj kay suyupi tukuy tiyakojkuna, kayta allinta uyariychej: Qankuna jayk'ajpis kayman rijch'akojta rikorqankichejchu? Tataykichejkuna tiemponkupi kayman rijch'akojta jayk'ajpis rikorqankuchu?

Marcos 13:9

Chayrayku qankuna sumajta qhawakuychej, imaraykuchus awqaykichejkunaqa qankunata jap'ichispa, llajtapi kurajkunaman jaywasonqachej, tantakuna wasikunapitaj jasut'isonqachej. Noqaraykutaj kamachejkunaman, kuraj kamachejkunaman ima qhatatisonqachej. Qankunarí, paykunaj ñawpaqenkupi testigo jina noqamanta parlankichej.

Daniel (hebreo) 9:26

Chay sojta chunka iskayniyoj semana qhepata Diospaj Ajllasqan Kuraj Kamachejta wañuchenqanku. Chantá waj kuraj kamachej jamuspa, Jerusalén llajtata, jinallataj Templotapis soldadonkunawan thuñiykuchenqa. Tukuy imaj tukukuynenqa jatun mayu jina ujllata chayamonqa. Chay tukukuykamarí Dios kamachisqanman jina maqanakuy, llakiykuna ima kallanqapuni.

Ezequiel 5:9

Mana jayk'aj ruwasqayta qanwan ruwasaj, chayman rijch'akojtataj mana ujtawan ruwasajchu, chay tukuy ruwasqayki millachikunapaj jina kasqanrayku.

San Mateo 24:20

Diosmanta mañakuychej ari, chay ayqenaykichej ama chiri tiempopi kananpaj, nitaj samarina p'unchaypipis.

Apocalipsis 7:14

Noqataj payman kuticherqani: Wiraqochi, chaytaqa qan yachanki, nispa. Paytaj niwarqa: Kaykunaqa chay jatun ñak'ariypi wañojkuna kanku. Paykunaqa Corderoj yawarninpi t'ajsaspa, p'achankuta yurajyacherqanku.

Apocalipsis 16:18

Chantá lliuj lliujkuna, qhapariykuna, qhon qhonkuna ima karqa. Jallp'aqa manchayta ikhakorqa. Runa kay pachapi kasqanmantapacha, chay jina jallp'a ikhakoyqa mana jayk'ajpis karqachu.