San Mateo 23:9 - DIOSPA QHELQACHISQ

⁹ Kay pachapi ama pitapis ninkichejchu: Tatáy, nispa, imaraykuchus Tata Dioslla Tataykichejqa, paytaj janaj pachapi kashan.

Qheshwa Biblia DC

⁹ Ama pitapis tatáy ninkichejchu kay pachapeqa; imaraykuchus ujlla Tataykichejqa, paytaj janaj pachapi kashan.

DIOSPA QHELQACHISQAN DEUTEROCANONICAL

⁹ Kay pachapi ama pitapis ninkichejchu: Tatáy, nispa, imaraykuchus Tata Dioslla Tataykichejqa, paytaj janaj pachapi kashan.

Quechua South Bolivia: Dios Parlapawanchej

⁹ Cay pachapi ni maykenmanpis niychejchu “Tatáy” payta yupaychanayquichejpajka. Imaraycuchus ujllamin kancunaj Tatayquichejka. Payri janaj pachapi tiyacoj Diosmin.

San Mateo 23:9 Referans Kwoze

1 Juan 3:1

Reparaychej may jinatapunichus Tata Dios munakuwasqanchejta, Diospa wawankuna nisqa kananchejpaj. Jinapunitaj Diospa wawankuna kanchej. Diosman mana kutirikojkunarí mana Diospa wawankunapajchu rejsiwanchej, Diosta mana allinta rejsisqankurayku.

Hebreos 12:9

Mana chayllachu, wawa kashajtinchej tata mamanchej cheqan ñanman churanawanchejpaj jasut'iwasqanchejrayku, noqanchej paykunata jatun respetowan qhawakoj kanchej. Jina chayqa, manachu astawanraj janaj pacha Tatanchejman k'umuykusunman wiñaypaj kawsananchejpaj?

Malaquías 1:6

Tukuy Atiyniyoj Tata Diosqa sacerdotekunata nin: Wawakunaqa tatankuta jatunpaj qhawanku, kamachikunapis patronninkuta respetallankutaj. Jinapis sichus noqa Tataykichej kani chayqa, sacerdotekuna, imaraykutaj mana jatunpaj qhawawankichejchu? Sitajchus qankunaj kamachejniykichej kani chayqa, imaraykutaj mana jatun respetowan qhawawankichejchuri? Aswanpis qankuna noqata pisipaj qhawawaspa, tapuwankichej: Imaynapitaj qanta pisipaj qhawaykuri? nispa.

San Mateo 7:11

Qankunachus mana allin runakuna kashaspa, allin kajta wawaykichejkunaman qoyta yachankichej chayqa, astawanraj janaj pachapi kaj Tataykichejqa mañakojkunaman allin kajta qonqa.

1 Corintios 4:15

Cristomanta yachachisunaykichejpaj 10.000 runapis kachunku, chaywanpis uj k'ata tataykichej tiyan. Chaytaj noqa kani, imaraykuchus Jesucristomanta sumaj willayta willarqaykichej chaypacha, qankuna wawaykunaman tukorqankichej.

2 Corintios 6:18

Chantá noqa Tataykichej kasaj, qankunataj churiykuna, ususiykunataj kankichej, nispa. Ajinata Tukuy Atiyniyoj Dios nin.

Hechos 22:1

Pablo nerqa: Wawqekuna, kurajkuna ima, kay ñawpaqeykichejpi kutichikusqayta uyariwaychej, nispa.

2 Reyes 2:12

Eliseotaj Eliasta ripojta rikuspa, qhaparerqa: Tatáy, tatáy, qanqa israelitakunapaj carretakunamantapis, chantá caballopi purej soldadokunamantapis aswan atiyniyoj karqanki, nispa. Eliseotaj manaña jayk'ajpis ujtawan Eliasta rikorqañachu. Chantá Eliseoqa p'achanta jap'iytawan, iskayman llik'erqa, llakisqa kashasqanta yachayta qonanpaj.

San Mateo 6:32

Diosman mana kutirikoj runakunamin chaymanta phutikunku. Qankunarí janaj pachapi kaj Tata Diosniyoj kankichej, paytaj yachanña imamantachus pisichikushasqaykichejta.

2 Reyes 13:14

Eliseo onqoykuspa, wañupunan patapiña kasharqa. Chayrayku Israel suyuta kuraj kamachej Joasqa payta watukoj rerqa, waqaspataj, Eliseota nerqa: Tatáy, tatitáy. Qanqa Israel suyupaj carretakunamanta, caballokunamanta nisqa aswan karqanki, nispa.

2 Reyes 6:21

Chantá Israel suyuta kuraj kamachejqa Siriamanta soldadokunata rikuytawan, Eliseota nerqa: Tatáy, kay runakunata wañuchichisajchu? nispa.

San Mateo 23:10

Amallataj nichikuychejchu: Yachachejníy, nispa, imaraykuchus Yachachejniykichejqa ujlla, chaytaj Cristo.