San Mateo 23:8 - DIOSPA QHELQACHISQ

⁸ Qankunarí, ama Yachachej Wiraqochi nichikunkichejchu, imaraykuchus Yachachej Wiraqochiykichejqa ujlla. Qankunaqa tukuyniykichej wawqepuralla kankichej.

Qheshwa Biblia DC

⁸ Qankunarí, ama maestro nichikunkichejchu, imaraykuchus ujlla Maestroykichejqa, chayqa Cristo. Qankunaqa, tukuyniykichej hermanos kankichej.

DIOSPA QHELQACHISQAN DEUTEROCANONICAL

⁸ Qankunarí, ama Yachachej Wiraqochi nichikunkichejchu, imaraykuchus Yachachej Wiraqochiykichejqa ujlla. Qankunaqa tukuyniykichej wawqepuralla kankichej.

Quechua South Bolivia: Dios Parlapawanchej

⁸ ‘Kancunarí ama jatunpaj khawaska “yachachiwajníy”, nichicuychejchu. Imaraycuchus nokalla, Diospa ajllaskan, Yachachejniyquichejka cani. Tucuy kancunataj Diospajka uj rejlla canquichej.

San Mateo 23:8 Referans Kwoze

Santiago 3:1

Wawqe panaykuna, ama ashkhachu iglesiapi yachachejkuna kayta munaychej, imaraykuchus Diosqa yachachejkunata ujkunamanta nisqa astawanraj juzganqa.

1 Pedro 5:3

Qhawanaykichejpaj churasqa kashanku, chaykunataqa ama qankunajtapis kankuman jinachu qhawaychej. Manachayqa qankuna k'achata kawsaychej, qankuna jinallataj paykunapis k'achata kawsanankupaj.

San Lucas 22:32

Noqarí qanpaj mañapuyki, mana llawch'iyaspa noqapi atinikunaykipaj. Chayrayku maypachachus noqaman kutirimunki chaypacha, wawqe masiykikunata sinch'ita sayanankupaj kallpachay, nispa.

San Mateo 23:10

Amallataj nichikuychejchu: Yachachejníy, nispa, imaraykuchus Yachachejniykichejqa ujlla, chaytaj Cristo.

San Mateo 17:5

Ajinata Pedro parlashajtillanraj, ujllata k'ancharishaj uj phuyu paykunata p'ampaykorqa, chay phuyu ukhumantataj Dios nimorqa: Kaymin munasqa Chureyqa, ajllakusqaytaj. Paywan sonqo junt'asqa kani, chayrayku payta uyariychej, nispa.

Apocalipsis 1:9

Noqa Juan qankunaj wawqeykichej kani, Jesuswan ujchasqa kasqayraykutaj Diospa kamachiyninpi qankunawan khuska kashani. Jinallataj tukuy imaymana ñak'ariykunapi, chantá chay ñak'ariykunata Jesucristoj paciencia qosqanwan awantanapaj qankunawan khuska kashallanitaj. Noqaqa Patmos sutiyoj churupi wijch'usqa kasharqani Diospa simi nisqanmanta, chantá Jesucristomanta ima willasqayrayku.

Apocalipsis 22:9

Paytajrí niwarqa: Ama noqata yupaychawaychu. Noqaqa kamachi masiyki kani, Diosmanta sut'inchaj wawqeykikuna jina, kay p'anqaj nisqanta kasojkunajta ima. Qanqa Diosllata yupaychay, nispa.

Apocalipsis 19:10

Chayta ángel nejtin, noqaqa payta yupaychanaypaj chakin chaynejman pampakama k'umuykorqani. Paytajrí niwarqa: Ama chayta ruwaychu. Noqaqa qan jina, chantá Jesuspa nisqanta jap'ikoj wawqe panaykikuna jina Diospa kamachillantaj kani. Qanqa Diosllata yupaychay, imaraykuchus Diosmanta sut'inchajkunaj nisqankoqa, Jesusmanta willanallapajpuni runaj sonqonta aysan, nispa.

Efesios 3:15

Paymin janajpi, chantá kay pachapipis tukuy kaj chhikata ruwarqa.

2 Corintios 4:5

Noqaykoqa mana noqayku kikiykumantachu willashayku. Manachayqa Jesucristo Tukuyta Kamachej kasqanta willayku. Jinallataj noqayku qankunaj kamachiykichejkuna jina kayku, Jesusta munakusqaykurayku.

2 Corintios 1:24

Chayta nispaqa, mana munashaykuchu qankuna munasqaykuman jina Diosta qhatikunaykichejta. Manachayqa qankunata yanapayta munayku, ajinamanta qankuna kusisqa kanaykichejpaj, imaraykuchus Cristopi atinikusqaykichejrayku sinch'ita sayashankichejña.

San Mateo 26:49

Ajinataj Judasqa Jesusman qayllaykuspa, nerqa: Imaynalla Yachachej Wiraqochíy, nispa. Jinaspataj, uyanpi much'aykorqa.

San Mateo 10:25

Yachakojpajqa walej yachachejnin jina kanan, wata runapajpis patronnin jina kanan. Jinallataj, noqatachus Beelzebú sutiwan sutichawanku chayqa, imatarajchus qankunata sutichasonqachej, nispa. Ajinata Jesús kachankunata nerqa.

San Mateo 23:7

Chantá plazakunapi runakunawan napaykuchikuyta munanku: Yachachej Wiraqochi, nichikuspa.

San Mateo 26:25

Chantá jap'ichinan karqa, chay Judasqa Jesusta taporqa: Yachachej Wiraqochi, noqachu kani? nispa. Jesustaj kuticherqa: Arí, qan kanki, nispa.

Marcos 9:5

Chantá Pedroqa Jesusta nerqa: Yachachej Wiraqochíy, walej kaypi kasqanchejqa. Chayrayku kunanqa kinsa ch'ujllata ruwasqayku: Ujta qanpaj, ujta Moisespaj, ujtataj Eliaspaj, nispa.

Marcos 10:51

Jesustaj nerqa: Imatataj qanrayku ruwanayta munankiri? nispa. Ñawsa runataj Jesusta nerqa: Yachachej Wiraqochíy, qhawarichinawaykita munani, nispa.

Marcos 11:21

Pedrotaj Jesuspa nisqanta yuyarikuspa, nerqa: Yachachej Wiraqochíy, qhawariy, maldicisqayki higo sach'a ch'akipusqa, nispa.

Marcos 14:45

Chantá Judasqa Jesusman qayllaykuspa, nerqa: Yachachej Wiraqochíy, nispa. Jinaspataj uyanpi much'aykorqa.

San Juan 1:38

Jesustaj qhepanta jamushasqankuta rikuspa, paykunata taporqa: Imatataj mask'ashankichejri? nispa. Paykunataj kuticherqanku: Yachachej, pejpa wasinpitaj tiyakushankiri? nispa.

San Juan 1:49

Chaymanta Natanael, nerqa: Yachachej, qanqa Diospa Churin kanki, Israelpa Kuraj Kamachejnintaj, nispa.

San Juan 3:2

Uj ch'isi Jesusta watukoj rispa, pay nerqa: Yachachej Wiraqochi, yachachinawaykupaj Diospa kachamusqan kasqaykita yachayku. Mana pipis, imatachus qan ruwanki, chay jina runaj mana jayk'aj rikusqan t'ukunata ruwayta atinmanchu, Dios mana paywan kajtenqa, nispa.

San Juan 3:26

Juanman rispataj, yachachisqankuna nerqanku: Yachachej Wiraqochi, Jordán mayu chimpapi pichus qanwan kasharqa, pimantatajchus willarqanki, chay runa bautizashan, tukuytaj payman k'askapushanku, nispa.

San Juan 4:31

Chaykamarí Jesuspa yachachisqankuna payta nerqanku: Yachachej Wiraqochiyku, imallatapis mikhurikuy ari, nispa.

San Juan 6:25

Chay runakunaqa qocha chimpaman chayaspa, Jesusta tariytawan, nerqanku: Yachachej Wiraqochi, jayk'ajtaj kayman jamorqankiri? nispa.

San Juan 9:2

Jinapi Jesuspa yachachisqankuna payta taporqanku: Yachachej Wiraqochi, imajtintaj kay runa ñawsa paqarinman karqari? Tatan mamanchu juchallerqanku, chayrí paychu? nispa.

San Juan 11:8

Yachachisqankunarí nerqanku: Yachachej Wiraqochi, qanimpalla chaypi tiyakojkuna rumiwan ch'anqaykusuyta munarqanku. Ujtawanchu jaqayman riyta munashallankitaj? nispa.

San Juan 20:16

Chantá Jesús nerqa: María, nispa. Mariataj allinta qhawaspa, hebreo rimaypi nerqa: Raboni, nispa. Chayqa “Yachachej Wiraqochi” niyta munan.

Filemón 1:16

Kunantajrí payta manaña wata runata jinachu jap'ikapuy, aswanpis munasqa wawqeykita jina. Noqaqa Onesimota mayta munakuni. Qanpajrí aswan munasqaraj kanqa, mana wata runa jinallachu, manachayqa Tukuyta Kamachej Jesucristoman kutirikusqannejta wawqeyki kasqanrayku.